¹ I yaganaucin, kwasgabiko i na ramana nɗawa wara zəgana sharya, ma sharya jəb na nən in aci na aro gərin. ² Ama zəba ɗambasu na məsək gara aci na aro gəri, amman in musu na bən na zəba aɗa gara wambai. ³ Gaɗa sən, in məsu na aro gərin, atu zam ɗambasu na ɗagai nin, nda ɗaura gara mək tapai. Amman in məsu mutu gərin, na zəba aɗa gara bai, gaɗa kasən atu mə tapai bai in atu ɗambasu na ɗagai nin. ⁴ Gaɗa kasən, yagananinga, kun cam nda ɗlama na kun gamtak na ɗumaya i kun təka masihu. nda ɗlama kasən gaɗa wa ɗlaɓ ɓe gayi, ikun nən wara tla ɗa kun nɗawa gamtak, gaɗa wa yau kutlai i kakasku. ⁵ Dək laktu wara wa kun təka nən, mbasawa ƙə aipu ɗa tli i ɗa wana i kun yagananin ɗari dumaya ɗa bar kutlai i mutu. ⁶ Amman gəsisku wabana aɗawa ɗarik sharya, Wa mutunawa i kun bewarajib nawa.Su kasən gaɗa wa ɗlam mbasu karara kə, nənwa kakasku, amman i kun gamana sharya bai. ⁷ Wa ramo matam kenan? itu sharya na aɗa gara aipu bi? a taɓata ɗlama bai. dək kasən. In ɗari sharya bin, na zəgə aipu bai. Gaɗa ɗa na zəgi intu bi gənən bai in in ɗai ramin sharya bin. "kar ka ɗintuci bi gənən" ⁸ Amman atu aipu ba ɗuvu ɗarik linok, ɗanna ɗik sha'awa me wara a kun ga. Gaɗa in na sharya bin, aipu gamtak ne. ⁹ Waci na dlaɓ na aro amman na sharya bai, amman laktu wara nda ɗena linok, sai aipu ɗa tlin gara kuma namcinga. ¹⁰ Linok wara kamatu ɗauna aro, sai na tashatu gamtak. ¹¹ Gaɗa aipu bana taktu dari linok gu, ɗa livacina iyu zam dari linok datkinayu. ¹² Kasən sharya na aipu bai, linok zam na aipu bai, jərewa na bilan. ¹³ To be bilan ɗlamin gare iyu mutu kenan? a taɓata ɗlama bai. Amman aipu gaɗa nɗa tatki atu aipu ɗarik be wara bilan, sai ɗanna mutu i kunuga. ¹⁴ Sutku ɗlamin gara kasən gaɗa ɗarik linok, aipu ɗa ɗlamin gara aipu ɗlapar. Gaɗa wasgadu sharyau ki təka bai kə Ruhu, amma iyu na kun təka. ¹⁵ Gaɗa i gu nasga bewara na ɗlamo bai. Gaɗa bewara nancu na ɗlamu ba atune na ɗlamo bai, zam bewara nancu bai, atune na ɗlamau. ¹⁶ Amman in na ɗlamna be wara nancu bai, na yarɗatunga na sharya kenan, na sharya ɓilan. ¹⁷ Amman gəsisku i ne baci ɗlama wanat ku bai, amman aipu wara ɗambasu a kunuga. ¹⁸ Gaɗa nasgadu a kunga, wato i kun təka ga, go be bilan, amman na ɗumugu bai. ¹⁹ Bewara bilan nancu na ɗlami, na dumu ɗlamo bai, amman be gabshu wara nancu bai, na ɗlamau. ²⁰ Gəsku in na ɗlama bewara nancu ɗlamau, to i bai kenan wara a ɗlamau, amman aipu wara a kunu ga. ²¹ Sai na bi, i kunu ga ɗuvavin wara na ɗlama be bilan, amman gabshu tunu wara gəri a kun ga. ²² Gaɗa a kwakunu kunu ga na mbərna na sharya kakasku. ²³ Ammanna lawan be ɗama i təkaga. A tliri na karara be ɗamagu i kun gəshiga. Banayu guzub i karara be ɗama kə aipu wara a kun təkaya. ²⁴ I nən wara a bone! A ɗinayin tai ɗa kun təka mə mutu? ²⁵ Amman nda sam barkata kaƙasku ɗari Yeso masihu mə gənyiwa! kasən, I na aɗaga na wana na ɗumaya kakasku na hankal ga. Tunda kasən, na ɗlin gənpu na tekaga na ɗlin be wara aipu ɗawu