¹ I Tunda wabana gumba gaɗa bari jərewa, wabana salam na kakasku dari Yeso masihu. ² Dari gəri wa bana zaɗayi i herr i riwara war' i albarkaci bar jərewa wa. Wa pərɗai na bari awayau wara kakasku bari wa sirim bewara ani a wakata, awayau wara wa biwu ikun saksakta seku. ³ Amman gaɗa su rugara bai, amman wa mbərrna na sa bonewa wasgadu sa bone a ɗina kasakta, ⁴ Kasakta kuwa a nina yardata, zam yarɗau a ni na bar awayau i bewara ani awakata i kəma. ⁵ Atu bari awayau tuku abar zhirubai, gaɗa ntu kakasku akun gəshawa dari nənwa səku, wara nda bariwa. ⁶ Gaɗa taskwa wa, i laktu kalkal wara masihu mutu gaɗa nɗawa wara zəga səku bai. ⁷ Daker ndabi nən wara ɗamci gaɗa nən jərewa. Dawanange nda bəna nən wara a dumuna mutu gaɗa nən bəlan. ⁸ Amman kakasku tafƙina ntau gəri i aɗawa, ko ɗayake wa nda aipu, masihu mutu gaɗawa. ⁹ Amman kakasku tatkina ntuwa, gaɗa tin laktu wara wa nda aipu, masihu mutu gaɗawa. Balle gəri, wa bina aɗawa ɗarik shitan; səku dari pə didim. ¹⁰ Gaɗa tin laƙtu wara gadavawa na kuri, nda saloci wa, na kakasku ɗari mutu wun gəri, balle gəsisku wara wabana salota, wabina aɗawa dari aro gəri. ¹¹ Gaɗa kasən rugara bai, amman wa kuno na kakasku dari məgənyiwa Yeso masihu, wara ɗari gəri ne wabi salota. ¹² Gaɗa, ɗari nən gayi aipu ɗatfai i ƙun ɗuniya, i ɗuvu kasən cam mutu ɗatfai i kun aipu. Na mutu ɗatfi kun ndawa ɗək, gaɗa tike dlanna aipu. ¹³ Tun kapin dumaya, aipu a kun duniya, amman nda kalaktuna aipu be bai tun da na dumaya bai. ¹⁴ Gaɗa, na mutu tun da Adamu har i laktu Musa, a ɗak ndawa wara nda aipu, kaki rashi i nakwana Adamu bai, ka ki nən wara nda tumman a ni. ¹⁵ Amman ƙyauta ka ki sa gaɗa rama bai, in gaɗa aipu mutu nən gayi, ndawa butu a mutu, kasən zam herr gəri na bari dari mutu nən gayi, yeso masihu, sai bari bərit i ndawa gawa. ¹⁶ Gaɗa barru atu a gatir nən wara ɗlam aipu bai Gaɗ sən hagata mə titta ɗanai gaɗa aipu nən gayi. zam atu bari kə bi gaɗa deu i aku aipupin gawa. ¹⁷ In gada laipi nən gayun, mutu ani dacina awayau gaɗa nən gayu, kasən zam i ndawa wara gənna herr gawa zam na bari adalta dari nən gayu, yeso masihu. ¹⁸ Gaɗa sənu, ka ki wara aibu nən gayi dena hagatu iɗak ndawa mak, kasən kuwa wana adalta ki nən gayu a nina bi aro i ndawa gawa. ¹⁹ Dari zam rashi nakwana gawa ɗa ɗlab nakshi nda aipu, kasən zam ɗarik nakwana nən gayu ndawa gawa a bina adalta. ²⁰ Amman sharyi ɗeu, ɗa ɗauna aipu da ɗlab gawa, Amman riwara aipu ɗlab gawa, herr kakasku ye səkunin gara gawa. ²¹ Sutku ɓandu ne, ka ki yadda aipu ɗena mutu , kasən kuma herr a nina adalta na bək aro go dadgori dari Yeso masihu mugənyi wa.