¹ To waramo matam iɗak Ibrahim, kakawa kə təka, aci batam? ² Da Ibrahim bana raa dari wana gərin, ai da aci bana dalil pariya, amman i kəma səku bai. ³ Zam atu kakkadu səku ramma tam?" Ibrahim barna jərewa i kakasku, sai nda" Iyi atu adalta i aci" ⁴ Gəsiskunu aci wara a wana lada gəri nda nadu kaki bi herr bai, amman bewara kəri. ⁵ Amman zam nən wara na wana bai i sirim gu barna jərawa i nən wara agən ndawa ɗa kun aipu, bar jərewa gəri nda nau i mbasu adalta. ⁶ Dauda ye a bar barka i ɗa nən wara səku ɗawunaci ikun adalta' na wana bai. ⁷ Sai da ramma," Nda barka ne ndawa nda təptikshi aipapənshi nda cimdu. ⁸ Baci barka nən wara kakasku a naa aipu gəri bai ko rab." ⁹ To albarkatku wara nda ramu a ɗa ndawa dauda rukshi ko wam i ɗak ndawa dauda bai? Gaɗa wa ramu, "Bari jərewa nda nau i adalta i Ibrayi." ¹⁰ Nda nau tu nana? Aku Ibrayi dlamna wuda, ko kuwa i rashi wuda? ikun wuda bai, amma i rashi wuda. ¹¹ Ibrayi gəna alama wudu.sutku atine atimi adalta ƙi bari jərewa wara aci na atu tun aci dauda bai. I albarkaci alama tuku ɗawa ci da dlamin gəri afik dik ndawa wara barna jərewa, ko da akshi dauda bai. Wato ma'ana adalta nda nakshi. ¹² Ma'ana sutku tatku ma Ibrahim dlamin gəri afək nda wuda i ndawa wara vəreu gaɗa wuda bai kawai, amman gaɗa ndawa adiga zəgər afikwa Ibrayi, zam sutku atine barjərewa wara aci na atu i rashi wuda. ¹³ Gaɗa dumaya bai alkawar tuku wara nda dlami kadugu Ibrahim sutku alkawar wara ramma akshi a gatotana duniya. sərium darək adalta bari jərewa. ¹⁴ Gaɗa in akshi wara kə sharya nda gado, bar jərewa a dlim bebai, kuru alkawalu nda manatu iɗa be bai. ¹⁵ Gaɗa sharya atu a iwa dlamatu gəshi, in na sharya bin na ƙətl linok bai, ¹⁶ Gaɗa beɗawu ne su ɗa wakaci ɗarik bari jərewa, gaɗa ɗa ɗlab dari herr. Gaɗa kasən, alkawar gu lintuna kadugu tawanke. kuru ƙaɗugugu sai wara zəgana sharya kawai bai, har na ndawa wara na bar jərewa Ibrayi. Gaɗa aci ne afik təke. ¹⁷ Kaki wara nda tarnu, "Na ɗlam na ci afik kə lardi gawa." Ibrayi kə kəma bi intu gəri, wato, kakasku, wara abar aro i gamtak kuru a dumuna ɗaura be wara na aro bai da ɗlab na aro. ¹⁸ Dək aƙun hal wara nda kunu, Ibrahim barna jərewa i kakasku go tantama i be wara ani da wakaci i kima Aci a ɗlamin gəri afək kə lardi gawa, kaki yadda nda ramu, " kaduga ci ani daɗlab kasən." ¹⁹ Gəshi gəri mutu bai i bar jərewa. Ibrahim yardatin gəri i ɗa təƙa gəri na awayau wambai gaɗa aman gəri ɗlanna ɗanamaƙ. Aci a dəmu ɗi wambai Aci zəgadu ama gəri saratu ye rək ɗigara a ɗlam ɗi wambai. ²⁰ Gaɗa alkawar kakasku, Ibrayi ika tita kə rashi bar jərewa bai, Gaɗa kasən, da bina dauzata i kun bari jərewa gəri sai aci da saksatina kakasku. ²¹ Aci barna jərewa tlapar iɗa in kakasku mana alkawar nin, a tlindu. ²² sutku cam nda nadici iɗak adalta; ²³ Bitku nda taranu gaɗa ampata gəri kawai bai, amman nda madici iɗa adalta. ²⁴ Da tarna gaɗa wa, wara ndanadu i kun ndawa wara bar na jərewa i baci tlatli Yeso mugəyi da mutu. Aci ne wara ndabaru gaɗa aipuwa kuru nɗa tlatla ci da kun ndamutu. ²⁵ Aci ne wara nda barnaci gaɗa aipuwa, kuru nda tlatlci gaɗawa.