¹ Gususku wa ndak awayau, dlamən gara bəlan wa məna dukshi ndawa wara na awayu bai, kuru dlam bəlam bai wantuci aɗawa. ² Tike dantuci makaput gəri, sən ne be bəlan gaɗa da ləma ci . ³ Yeso ro ntutə aɗa gəri bai. serən sau, Nda tarnu, "nanga wara nda dlami ci kalakten gara i ɗa gəri". ⁴ Gaɗa be wara nda tarnə i akau nda tarnu gaɗa da gaɓɗə wa, gaɗa da ri kəmar na ɗauzata kakkadadin wabi na awayau. ⁵ Gususku Səku baci kəmar na ɗauzata gəshi i tike kakə be wara Masipu Yeso ramu. ⁶ Aci dlam kasən gu na gəshi gayi gaɗa miya kun da dlaɓ gayi kwami aɗa Səku i ɗa gayi. ⁷ Gaɗa kwantuci aɗa kun, kakə wara Yeso ye gənu kun gaɗa da saksakci Kakasku. ⁸ Gaɗa na ram ma da Masipu guzuɓ wuda i sərən jirewa Kakasku. Aci dlam kasən ne gaɗa da jibkəna alkwar wara nda kakancin-kakancin wa. ⁹ Na kə ndawa wara Yahudaucin bai, akshi da saksakci Kakasku gadɗa kanjino gəri kakə wara nda tarnu, "Gaɗa kasən, na gədləɓ na ci i kun ndawa wara Yahudaucin bai, na dlama ruwa gədləɓ dləgun ci." ¹⁰ Zam nda ramma, "A dlamina pərɗai i kun ndawa wara Yahudaucin bai, na nda gəri." ¹¹ Kuru wan, "A gədlɓina Məgənyi, duk kun wara zəga Səku bai, ndawa mak da gədlɓa ci." ¹² Zam Nabi Ishaya ramma, "A dlaman gəri kadugu Yessi, wara a tlayi da dlam garva i ɗa ndawa wara zəga Kakasku bai abi na ɗauzata da ri gəri." ¹³ Kakasku baci ɗauzata da niyi kun na pərɗai, na salam gaɗa bar jirewa kun, gaɗa kwa ɗauzaci na kərmai Nənuwa Səku. ¹⁴ Ina aɗa ga na kasaktənga na kun yaganaucin ga, na kasaktu na kun iɗa kun na aɗa kun kwa nəyi nakun na herr, na zəgaya rankata. Na bar na jirewa kwa bi na lakwtu kwa gaɓɗi təka kun. ¹⁵ Amman nda tarni kun i patata i ɗa biwu jigaɓ gaɗa na tani kun wam, gaɗa zəgaya wara Kakasku bara nai. ¹⁶ Bari tuku, ma na dlamən ga guzuɓ Masipu Yeso wara nda wane gaɗa ndawa wara zəga Seku bai da dlaɓ ka Prəs baci wazək rama Səku. Na dlam kasau gaɗa bari kə ndawa wara zəga Səku bai, dabə nda gənak shi zam da ciriptu du dari Nunuwa Seəku wara go aibu. ¹⁷ Gaɗa kasən, na kima karak i kun Masihu Yeso gaɗa be wara ki kakasku. ¹⁸ Gaɗa go bewara na rami sai be wara yeso dlamu da riga gaɗa ndawa wara ziga suku bai akshi da ladab da ri rama na wana. ¹⁹ Darik gagənawa na bik ajab na Nənwa kakasku wara na aipu bai.Da Urushlima na ɗa-ɗa ki dantau har i nye Ilirikun, nda jina labar herr ki yeso Masihu duk i rawanke. ²⁰ I kun duvu tuku, be nan cu na bar labar herr ki Masihub yeso i ri wara nda ziga dlugun gəri bai, gaɗa na dlam lima i ɗak impi lima ɗagi bai. ²¹ kaki yadda da tarna,"ndawa wara ngalte kima labar gəri bai, da yakintudu, akshi wara kima labar gəri bai akshi da zigədu". ²² Gaɗa kasən zəgər gawa nda daptuna 'yu i nye rikun. ²³ Amma, gususku 'yu na gagzshen ri bai, i lardi tuku, i kun amman gawa wara ani nayi ri kun. ²⁴ Duk laktu wara na ye Asbaniya, na ɗawa aro nai ki kun laktu wara na bənta, kwa gurvu 'yu aku na kima karak mbasu na kun ki laktu rab. ²⁵ Amman, gususku na yan ganai i Urushalima nda dlam wana i ndak bar jirewa a wana. ²⁶ Gaɗa bi arawai gəshi ne nda Makadonniya na Akaya akshi da dlam bari gaɗa ndak tluwa, na ndak bar jirewa wara a Urushalima. ²⁷ Akshi a kimu karak rankata kaki basa a ɗakshi gaɗa ndawa wara ziga kakasku bai kwaptu aɗa na akshi i kun wana Səku.Dlamin gara kiske i ɗakshi akshi ke da banatakshi na bi amikshi. ²⁸ Gaɗa laktu wara na bardikshi be wara na dedikshi nən na ni i rikun i ɗa duvuga i nye Asbaniya. ²⁹ Na ziga du, laktu na de rikun nən, na ni i kun barkata wara nabau darik Masihu Yeso. ³⁰ Gususku na tarne kun yaganaucin ga, dari Məgənyi Yeso Masihu, na intu Nənwa Səku, na 'yu na kun wa dlam magita i kakasku. ³¹ Adlami na magita gaɗa nnabi raa da aikwak ndawa wara a laɗdabɗa bai gaɗa na bi raa dari ndawa wara a ladab da ri yahudaucin,gaɗa wana ga i ɗak Urushalinma da bina gənyi. ³² Adlamina magita gaɗa na nai i rikun na arawai g əshi darik nupek Kakasku ma 'yu na kun wabi putu.Kakasku baci salam da dlaɓi i kuna kun dik Amin. ³³ Kakasuku baci salam da dlab na kun. Amin