¹ Iyu na raməkun, na ge, bu na fibi, yaganawa, wara awana i Ikilisya wara akun kankiriya; ² Gaɗa kwagənatu i kun məgəyi. I duvu wara bilan kaki wara i ndawa barna jərewa, Arɗina ɗlamau. i ɗa gara ikun jiktu gawa tawanke, gaɗa atu na aɗagara ɗa ɗlaməngara mə bana na ndawa gawa I kun na 'yu cam. ³ An nɗeminewa Bilkisu na Akila mangətu wana ikun Yesu masihu. ⁴ wara gaɗaga akshi ɗabarna arokshi. Na goɗatinga ikun, i ruga bai, amman na ɗik Ikilisiyin Nda mi ziga savu bai. ⁵ Nɗan ɗəma Ikilisaya wara a wunɗuwashi. Anɗəmina Abainitas mə wara nantutu.Wara aci ne ɓandu bari jərewa i Yeso i Asiya. ⁶ Anɗəmina Maryamu, wara ɗlamiku wana Rankata. ⁷ Anɗəmina Anɗaranikas na Yuniyas, yaganaga na mangaga kə wunduwa dilo. Akshi gazigak na nɗawana Rankata ikun muwananin, wara akun Yeso kapan niga. ⁸ Anɗəmina Amfiliyas wara nantutu ikun məgəyi. ⁹ An ɗəmina Urbanas manga wanawa ikun masihu, na Istakis wara nantutu. ¹⁰ An ɗəmina Abalis baci kunu gayi i kun masihu, An ɗəmina nɗawa wara akun wunduwa Aristobulus. ¹¹ An ɗəmi Hiruɗiya, yaganaga, na nɗawa wara a wunduwa Narkissa, wara akun məgəyi. ¹² An ɗəmina nai Tarafina na Tarafusa, nɗa wana məgəyi. ¹³ An ɗəmina Barsisa wara nantutu, wara ɗlam wana məgəyi gawa. An ɗəmina nai Rufas gacikɗaƙ i kun nɗa məgəyi na migəri na 'yu. ¹⁴ An ɗəmina Asinkiritas na filiguna na Hasisa na Baturobas na Hamasa na wam yaganaucin wara aɗagayi na aƙshi. ¹⁵ An ɗəmina filulugusa na yuliya na Niriyas na yaganaucingəri, na ulumfas na wam ɗək nda səku na wara akshi aɗa gayi. ¹⁶ Anɗəmina tikakun na ɗəma kwaɓta tika wara go aibu. Dək Ikilisiyayi masihu anɗəmakun. ¹⁷ Gəsisku na wila kun yaganaucin, A ɗlamina kuraram gaɗa nɗa ɗawa hankalkun ɗa ɓuringara har kwaivina gugza wara kwagugzu. A ɗlamina pəɗim na akshi. ¹⁸ Gaɗa zaɗak nɗawa wara a ɗiga məgəyi yesu bai, sai i kunakshi. Na miya karakshi a livata gəshi wara go aibu. ¹⁹ Gaɗa mbasaskun kə laɗabi titun gara aguɗ tike ɗlan perɗai I kun amman nancu kwaɗlaɓ usən na be wara bilan, a ɗlaɓina nda kurik kəmangar. ²⁰ Kakasku baci salam a ɗawa kun kwa takina ləspor i ɗəɗa zəgərkun Herr məgəyiyawa Yeso masihu ɗa ɗlaɓa na kun. ²¹ Timoti maga wanaga, a nɗəmakun, zam Lukiyas na yasən na Susibataras zam yaganaucin. ²² I Tartiyas wara tarnu wasikatku, ya nɗəmakun i kun məgəyi; ²³ Gayus patomaga na ɗək Ikilisiya, anɗəmakun. Arastas yeǰ baci impayi vaya kə ɗa anɗəmakun, na kawaryas. ²⁴ Herr məgəyiwa Yeso masiɦu daɗlaɓ akunakun ɗək. Amina yaganawa. ²⁵ Saksakta I məgənyi baci kermu na ɗauzata I kun herr wa'azik Yeso masihu wara ɗarigəri ne nda tataki ɦeri mi da dimsa tun ƙade, ²⁶ Amman gəsisku da zigaya ɗarək kakkaɗaɗin Nabawa cin ɗarik rama kakasku wara aci na ɗaɗgəribai gaɗa ladabi kə barijərewa i kun ndawa mi ziga ɗək. ²⁷ I kakasku baci asəm rugəri, ɗari Yeso masihu saksakta aɗagəri gara har Dadigəri Amin.