¹ A gənina ndak gangamin barijərewa, na zam kwa tlatleci ankal bai. ² Dagai na bari jərewan ta tamke, nən wara na lan ata awawai jab. ³ Kar nən wara ata tamke ɗa muwi i nən wara ata tamke bai. kuru nən wara ata tamke bai da ɗlama sharya i nən wara ata tamke, gaɗa kakasku gənnanshi. ⁴ Ci tai wara ka shariya i mayim wunduwa ɗagai? ko aci ɗatli ko aci ɗadagami ai aci ƙi baci wunduwa gəri. Amma nɗa ɗawa gəri ɗatli, gaɗa məgəyi ne aɗawa aci ɗatli. ⁵ Dagai mana yiwan ɗagai ɗika gayiu. Gayiu mana yiwan tawanke kakal. Tike ɗame gəshi gəri. ⁶ Nən wara a kulata na yiwun, aci ɗa kulata gaɗa məgəyi. Kuru nən wara atu, tau gaɗa məgəyi ne, gaɗa ɗa goɗati kakasku. Aci wara tabai, kurna tau gaɗa məgəyi. Aci ye ɗlam na godiya i kakasku. ⁷ Gaɗa na baci mbasu aɗagəribai i kunawa, kura go nən wara mutu gaɗa aɗagəri. ⁸ In wa na aron, wa na aro gaɗa məgəyi. In wa mutən, wamutu gaɗa məgəyi. Gəsusku kowana aro ko wagamtak, wa ƙi məgəyi. ⁹ Gaɗa sən Yeso mutu na ɗa ɗlam na aro wam, gaɗa aci ɗa ɗlaɓ məgəyi ƙi gamtak na nda aro. ¹⁰ Amma ci,gaɗa gəmo ka ɗlam sharya i yaganaci? ka muwa yaganaci? Dik wani war'i i kima kirmai ƙi sharya kakasku. ¹¹ Gaɗa nɗa tarna, "kaki mbasuga," rawin məgənyi, "i kimaga tike sai pa kufu gəri, na maryi tike sai gətliɓi kakasku." ¹² Gaɗa tike ɗa kunawa ani ɗabar lissafi wana wara aci ɗlamu i kakasku. ¹³ Gaɗa kasən, waɗlama sharya i nən bai, amma a ɗlamina kasau, kar kwaɗlab kaki kurtum kima gənən na sanaɗi taskinta yagana gəri. ¹⁴ Nazigadu kuru na barna jəre i məgəyi Yeso gaɗa go be mi gabshi a gadavaga na aci gaɗa tamke blan sai dai nən mi madu da ɗlam be gagzhin, gabshi rigəri. ¹⁵ In har biktaci a dawa na yaganaci, dai vina duvu nən, ka rakan Ikun Intu bai, kwa ɗlimta nən wara Yeso masihu mutu gadau bai na bikta ci. ¹⁶ Gaɗakasən, kwaiva wanakun ƙi bilan daɗawi nɗawa ɗa mbasta ci, ndawa. ¹⁷ Gaɗa garva kakasku ƙi bikta na biksa bai, amma gaɗa ɗa jərewa, na mbasu kilappəya, na murna, na aɗalta ikunniniwa kakasku. ¹⁸ Dik nən wara a ɗlin wana i Yeso i ɗuvu kasau kakasku a gəndu na ndawa gən nakshi. ¹⁹ Gəsisku ɗai, sai wamaki bik salam na bewara a ɗlinnawa na awayau i gaɗavawa. ²⁰ Ka ɗlimta wana kakasku bai gaɗa bikta. tamke na aibu bai, amma na aibu i nən wara atau a ɗawunaci ɗaɗagamingəri. ²¹ A ɗlam bilan ka kiɗa tliwi bai, ko ka shi am inabi, ko tamke wara yaganaci maɗu be bilan bai. ²² Su bari jərewakun wara kun na atu, a jibinakshi gaɗavakun na kakasku. Baci barka ne nən wara gəshigərina aipu bai i ɗa bewara hankal gəri a lawangu kalkal. ²³ Nən wara na kalau ɗlanna aipu in aci tan, gaɗa darik bari jərewa bai. Na bewara ɗik ɗari bari jerewa bin biwu aibu.