¹ Na rammau wam,Kakasku kur aɗagəri i? sau da wakata bai iye cam Nən Israila kadugu Ibrahim na zadak kiB ilyaminu. ² Kakasku kur aɗagəri bai, wara aci zigau tən waci kwa ziga be wara rama seku ram bai i ɗa Ilya kaki aci jayu kakasku i ɗa Israila?. ³ Məgənyi akshi rəbgəna na baucin ci akshi rubuna cube ri magitakshi dai ivu 'yu ruganai,akshi kuru a maka aro ga". ⁴ Amman Kakasku rami ci ma tam?,"Naivina Ndawa dubu gatkasa wara ngalte pa kufakshi i kima baal bai". ⁵ Duk na kasin wam, i laktu wara wa kunu na gagshin wam gaɗa cikiɗ ki herr. ⁶ Amma in dai da ri herr nən,dari wana wdlamuam bai, in kasin bin, herr a dlaɓa herr wam bai. ⁷ Sai tam wam? Be wara Israila a makau tin waci, atu ba bai,amman mi nda cikɗudu badu, gagzhin gu kwa dlam nakshi i adɗa gauɗa. ⁸ Kaki miwara nda tarnu:Kkakasku bardikshi Nẹnwa mi ki ganeta bai gaɗa akshi da dlam lawan na atu bai, aguɗ ke gaɗa da akshi da dlama kirumta na atu bai, har i yiwan tuku". ⁹ Dauda ramma, ndaiva table gəri da dlamingara bi jiba na arakau, kurtum ƙima zigir,gaɗa be akshi dlamu. ¹⁰ Naiva dakshi da dlam ayuwa gaɗa akshi da dlama lawan bai.Fatawanke akshi da gutka". ¹² Gususku in dari rashik awayukshi dlaminxgara bərəd i duniya, rashakshi zam bərəd i ndawa mi ziga suku bai. Martapa, mbasakshi a dlam nana. ¹³ Amman,na rama na kun ndawa mi ziga suku bai, tunda 'yu muwanak kun 'yu na dlam fariya i kun dlame kun wana. ¹⁴ Dawanange na ɗaura ndawa wara kaa iun tika i guru ko dawa raa na ndo jigab. ¹⁵ In kurakshi dena salo i duniya nən,gənyakshi a dlaɓa nana, amma bi aro bai da kun mutu?. ¹⁶ In nda Ciruptu na kutli ɗi sukur, kasin ke lumamiya. In nda Ciruptina,arugən, kasin ke gaptatingu. ¹⁷ Amman in nda salamtu na gabtatin,jigab nən, in ci wara gapta waka zaitun ki pata nən nda takshi dici zəba i kunakshi ka tau i dɗa gayi na akshi i kun aru blan ƙi waka zaitun ƙi jirewa, ¹⁸ Kadlama fariya bai iɗa gagshin gabtatin wakau.Amman in har ka dlamna fariya nən, Cine bai baci jiba araugu, amman, arugu ne baci jiba ci. ¹⁹ Ka dumu na ramma,"nda kətlu na gaptatingu gaɗa nda ɗau na 'yu i kwaku nu". ²⁰ Sutku jire, gaɗa rashik bar jirewa ne in nda ɗawi nda jubakshi, arɗi da ri blan, gaxɗa, bari jirewa.Ka dlam baci gauɗak aɗa bai amman a dlaɓi makalau. ²¹ In kakasku bar gaptatin zaitun ƙi sukur bai, aiva ci bai. ²² Aikina , dugo, kaki Kkakasku a tatka wana herr gəri na kuma sa bone gəri I pali amigu gayi, tatkina bone gəri i ɗa yahudaucin nda gauɗak aɗa, i pali amigu gayi wam herr kakasku de i rikun, in kwa tana kima na herr gəri tunu. In kasin bai, kunye nda wuda na kun. ²³ In akshi ta kima na rashi bar jirewakshi, nda kalagta nakshi da kau i kunu, gaɗa kakasku a dumu da kalak ci nakshi wam. ²⁴ In nda wudici da ddəm waka zaitun wara a pata, har wanage nda nibkinaci i kun waka zaitun blan gu, nana yahudaucin wara a gapta sukur, akshi a dlamanakshi in nda nipkakshi i kun waka zaitun ki sukur?. ²⁵ Nancu kwa dlaɓa a kun rashi zigaya bai, yaganaucinga i kun bik asir karf i kun kuraram kun kun aɗa kun nda səm. A ziginadu iɗak gaudɗak aɗa Israila ki laktu rab ne, sai laktudew ƙi ndawa wara Israila bai dew rikun. ²⁶ Da sunu Israila duk a bina raa, kaki miwara nda tarnu,"Dakun Sihiyona baci raa a virai. Aci a dina rashik zigaya kakasku da ri Yakubu. ²⁷ Sartune alkawarga na aci, laktu wara na mana aipakshi. ²⁸ Da ami gayi labarb herr, nda kurnakshi gaɗa kun. da ami gayi wam aɗa cikiɗ ki kakasku, da intutakshi gaɗa akshi kakancin. ²⁹ Gaɗa ɗaura kakasku na bari gəri a patata bai. ³⁰ Gaɗa waci kwa ladab i kakasku bai, amman gususkukwa ba na kanjino gaɗa rashik ladab kun. ³¹ Dari gayiye, yahudaucingu dlam na rashi ladab gaɗa kanjino wara nda tatki kun akshi ye gususku bana kanjino. ³² Gaɗa suku Cimna tike i kun rashi ladab gaɗa da tatki aɗagəri i tike. ³³ Nda dagəri bərəd na zigaya Kkakasku!, shariya gəri nən bata bai da budyakshi, duvugəri ye ɗika na awayu zigaya! ³⁴ "Zigana kurakam Məgənyin tai? Nən tawan wam baci bari ci shawar?. ³⁵ Ko ̇ tawan bari be i Kakasku da sukur gaɗa nda ngumici?` ³⁶ Gaɗa darigəri,darigəri, i aci be mak nda bardi ci Saksakta wara go dadgəri, Amin.