¹ Yaganaucin, ntu ga na be wara na wili Kakasəku gaɗakshi, gaɗa rakshi. ² Gaɗa i na saida i aɗakshi ma akshi na ntu zəgaya i Kakasəku, amman go zəgaya ko adalta kakasəku bai, se akshi a maka adalta ke adakshi. Akshi bar adakshi i adalta Kakasəku bai." ⁴ Gaɗa a ci ne jəbka sharya ke adalta i ndawa wara barna jirewa. ⁵ Gaɗa Musa tarnu i aɗa adalta wara vəri dari dumaya: ma, "Nən wara dlam adalta kə dumaya a dlaɓa na adalta tuku." ⁶ Amman adalta wara deu dari iman ram kasau,"Karama i gəsha ci bai ma, A ye kunu dəskun tai?" (wara ma a ni na Masihu i ɗa). ⁷ Zam ka rama bai ma, "A fuwa i kunu gagai nin tai gaɗa ida tlatlai Masihu da kunu ngamtatin?" ⁸ Amman nda ram tam? Təlam gu a dantau ci, a miya ci na gəsha ci na kunu gəsha ci. su gu ne təlam iman wara wa wa kəmau. ⁹ Gaɗa in karamdu na miyaci ma, Yeso məgəngyi, kuru ka dlam iman i gəsha ci ma Kakasəku tlatla ci da mutu, ka bi na raa. ¹⁰ Gaɗa da kunu gəshi ne nən a bar iman i adalta, na miya gəri ke ndatakka ardata i bi ra. ¹¹ Gaɗa Təlam Səku ramma, "Nən tawanke wara dlam na iman na a cin a zhərwa bai." ¹² A turo na tattaka kurak bai i gadava nən Yahudiya na nən Girka bai. Gada Məgənyi gu a ci Məgəngyi kə ndawa mak, a ci ne nənbardak nen tawanke wara a dlame ci magita. ¹³ Duk nən wara a daura dləgun məgəngyi nin a bi na ra. ¹⁴ A dlama na na akshi a daura nən wara akshi dlam iman na a ci bai? Akshi a dlam iman na na i nən mi galte akshi kəma rama i aɗa gəri bai? Akshi a kəmu gu na na na baci dlamekshi wagərma bai? ¹⁵ To akshi a dlam wazik nana in da wa ne akshi bin? Ka ki be nda tarnu, "Be belan rankata zəgər ndawa wara duk wagərma labar karrak be bəlan!" ¹⁶ Amman akshi mak kərəmtu labar herr gu bai. Gaɗa Ishaya ramma, "Məgəngyi, dlam iman na jan tai?" ¹⁷ Gaɗa iman api da ri kəmu, kəmu ke, ke təlam Masihu. ¹⁸ Amman na ramu ma, "Akshi kəmadu?" Awwo, tappas. Amman "Wurakshi jən gara i rawan ke i duniya na təlam shi i dadigiri duniya." ¹⁹ Gusku ya ye, na ramo, "Israila zəga bi ko?" Səkur Musa ramma, "Na dawa kun kwa dlam guru na be wara lardi bai, da ri lardi mi go sanuta, na shigshigta kunu na dləmid gəshi." ²⁰ Se Ishaya i kunu awayau gəshi, lakwtu mi a ci ndawa wara ngalte maki I yu bai ba na Iyu, na tatiki na aɗa i ndawa wara ngalte ja ya Iyu bai. ²¹ Amman i Israila a ci ramma, "I kunu yuwan gawa na de vuru aikwak ga i ndak buka ankal na aɗa gauɗak."