¹ Be nancu na kun yaganaucin ga, gaɗa kanjino Kakasku, a bari na təka kun bi sanam mi go aibu, wara Kakasku a dəmu na gənyu.Sutku ro ngənpa kun kə jirewa. ² Kwa ntuta duniya bai amman a paltina i kun kuraram kun. A dlam sau gaɗa kazgi be wara bəlan, Kakasku da gənyi du gaɗa blan rankata i ri gəri. ³ Na rami kun gaɗa herr wara nda bara nai ,gaɗa nən tawanke da dlaɓa aro marəm bai daɗkəna ri wara Səku mpa ci. Gaɗa sənu, a dlami na kuraram na asən kakə wara Kakasku bari ́jirewa i tike kalkal na aci. ⁴ Kakə wara wa gawa be damadama ikun təka gayi, amman be tawanke na wana gəri. ⁵ Kasən ke, wa wara na pali gawa amman təka gayi i kun Masipu, nən tawan ke wa təka nən tawanke. ⁶ Wa mak na bari wara Səku bari wa damadama i kun herr gəri. Nən wara bari gəri kə rama Nabi nən, se da dlami kaki gawa iman gəri. ⁷ in nən bari gəri wana nən, da dlama wanau. In nən na bari gugza nən, da dlama gugzau. ⁸ In nən bari gəri dauzatan, da dlama dauzata. Nən bari gəri kə bari be nin, da bara na gishi gayi. Nən bari gəri kə garva nin, da shala na tike. in bari kə ɗagai, bari kanjino nin, da dlama na kunu gayi. ⁹ Ntuta da dlaɓa na munafək kwina bai. A kurina be wara gaɓshu, a jibina be wara bəlan. ¹⁰ I ɗak rama ntau yaganaucin, antutina tike na tike. I ɗa bari martapa, a dlamina nakwana i gadava kun. ¹¹ I ɗak ɗauzata, kwa ɗuwatla bai, i ɗa Nunuwa Səku ye, an ntutina tlapar, iri Məgənyi ke, a dlamine ci nakwana. ¹² A ɗawina aro kun bəlan i ɗa be wara ani i kəma. A dlamina kanadi i kun kabine kun. Kwarɗa bai na magita. ¹³ A banata ndak ɗəga, a dlaɓina nakun ndak gənyi magərafcin. ¹⁴ A pina barka i aɗak nda bari kun kabine. A barkawatina akshi kwa tlaryak shi bai. ¹⁵ A dlamina kuno na ndawa wara a kuno, A ɗanina na ndawa wara a aɗan. ¹⁶ A dlamina mbasu kəlappiya i gadava kun, kwa sukta aɗa kun bai, se kwaiki tike ka rəma na kun. Kwama aɗa kun ka kwazga na tanke bai. ¹⁷ Kwa mguma kəmangar na kəmangar bai, a dlamina be bəlan i kəma tike. ¹⁸ In a dlama garan, fatawanke i rikun, a dlamina mbasu kəlappiya na ndawa mak. ¹⁹ Yaganaucin, kwa dlama ngumu bai, se kwai və tanke i ami Seku, atəro da tarna maya, "Ngumu tanke kanai, nan ngumu na tike," me Məgənyi ramu. ²⁰ Amman makuraci a kəmu maya nin, a bari ci bikta, a kəmu gəjin a bari ci amgəsa. in kwa dlami ci kasən nin, ka kwa cicpə dici avan aka i aɗa gəri. ²¹ Kəmangar da ta awayu kun bai, amman a dlamina be wara bəlan tlapar i ɗa kəmangar.