¹ Aci ramik shi maya "Jirewa na ramekun na ndo dagai dar'i arituku wara a lawan mutu bai se garvak Sǝku dew." ² A ku yuwan zǝdu Yeso dauri Bitrus , Yakubu na Yahai da gayi iɗa gugyak. Se gǝnawa gǝri da palcin gara i baranshi. ³ Kachum gǝri da palcin gara a weda a rawai saral. ⁴ I ri tunu se Iliya na Musa dapakekshi dajǝp rama na Yeso. ⁵ Bitrus darami Yeso maya, "Mulum thdam blan jaritku wa dlam sǝsau kwan gayi ki ci, gayi ki Musa, gayi ki Iliya." ⁶ Amman a ci zǝga be a ci aramo bai gaɗa akshi kalwunakshi. ⁷ Kǝrabak da chimna akshi se wura davǝrai da kun kǝrabak gu maya, "Sutku wun ganai a kirimtena chi." ⁸ Amman akshi ika bakak shitǝn akshi ika nǝn bai sai Yeso. ⁹ Akshi afuyi da ɗa guguyak tunu se a ci daramic shi maya, "Kwa ramme nǝn bai fa be kwekau se wun gǝnen thla da mutu. ¹⁰ Se akshi da jǝb na ramo i gǝshakshi, amman akshi aroma i gutukshi maya "thayi da mutu" tam a nupu. ¹¹ Akshi jayaci ma, "Gaɗa gǝmo ndak taran aramo ma Iliya ani sǝkur?" ¹² A ci dangumik shi maya Iliya de sǝkur gada da dalmi tanke, wate gaɗa gǝmo da taranu ma wun gǝnǝn a sa bone be gawa kake nǝn me da tharyidu? ¹³ Amman naramekun Iliya den gǝri sǝram akshi i ku thama be akshi dlamo bai ka ki me ndak taran ramu ida gǝri. ¹⁴ Akshi kate ri pakuraucin tunu data se algi gawa na ndak taran a gamdaya na akshi. ¹⁵ Akshi i kachitun algu mak a jabta se darewe ndama gǝri. ¹⁶ Dajayi pakuraucin gǝri maya, "kwa gamɗaya na akshi i da gǝmo?" ¹⁷ Gayi dakun algu dauri cimaya, "Mallum nade na wunga iri ci na zuwak me daptena aci i rama, ¹⁸ Jǝb naci daraɓina ci da na kumpa amiya gǝri, gadina yanu gǝri, daudin gǝri. Na jayi pakuraucin ci da jidu amman akshi dema bai." ¹⁹ A ci maya gabshi zadak har fatawan na thlabna kun? har fatwan na kanadi kun? annada achi." ²⁰ Akshi dan dechi mayam gu. Zuwak gu ika Yeso tunu, da taɗ na mayim gu i mu'ir dadagamin gǝri i ɗa miya gǝri na kumpa. ²¹ Yeso da jayi afak mayimgu ma tun fatawan a chi kasau? Afuk ku da ramma tun achi a mayim gangam. ²² Zǝgǝr gawa a virgka gǝri i kun aka ko ikun am ancu datki na aci. Ka ɗima na dlama be i aɗau nǝn, a kǝmi kanjino ja ka latuja. ²³ Yeso darami chi maya, "Kadimudǝn, tanke kiske iri baci bar jirewa." ²⁴ Kaɗe afǝk mayimgu dauri maya, "Nabar na jirewa a lachi baci rashi bar jirewa!" ²⁵ Lakwtu Yeso ika algu ani ri gǝri tunu, se dajina zuwak gu daram maya, "kun dukuya na mak zuwawin nadawakun a vǝrina ɗat ka mayim gu kwa sukuna ɗiga gǝri wambai. ²⁶ Se da ɗanyi pǝdǝm da dlam rǝb thapar da taɗ mayim gu. Mayim gu da dlamen gǝri ka mutun gǝri har dawa ma, "Na bai." ²⁷ Amman Yeso da sukca ci na amai gǝri, se mayim gu da thlai. ²⁸ Lakwtu Yeso tifiwunduwa tunu se pakuraucin gǝri da ja yaci kiɗak maya, "Gaɗa gǝmo jadima dikshi bai?" ²⁹ A ci daramik shi maya zada sau avǝrabai se na magita. ³⁰ Dainakshi dari tunu daɗgi da kun Galili. Anchu tike da ziga ri akshi a riwu bai, ³¹ Achi a gugze pakuraucin gǝri daramikshi maya, "Dabar na wun gǝnin ami ndawa datkina chi. Dat kǝna chin daku yuwan kwan a thlayin gǝri wam." ³² Akshi sanutu ramau sǝn bai, se dai akshi a kalau jaya gǝri. ³³ Akshi de kaparnahum tunu, lakwtu akshi a kun wunduwa achi da jayak shi maya, "Kwa rama gǝmo wada dilau tunu? ³⁴ Amman akshi katadu bai, gaɗa akshi atika gamɗaya i witak shi ma, marim nǝn tai. Se achi dambashi baka gǝri guma ayawo shirin i da gayi daramik shi maya, dek nvn mi an chu da thap ki sǝkur nǝn, da thapu ki akau, da thlap guzab tike. ³⁶ Dame mayim gangam dampi witakshi dami da gabta gǝri da ramma, ³⁷ "Tike mi gǝnu mayim tuku ikun dlagun ga, gina iyu, tike mi ginayu ginna baci wanayiga. ³⁸ Yohana daramici ma, "Mallum je ka nǝn ɗagai adik zuwak na dlagun ci amman ja dapti na aci, gada aci dǝguwabai." ³⁹ Yeso daramma, kwa dapta ci bai, na nǝn bai wara dlam be marim ikun dlagun ga da dlap baci kurga. ⁴⁰ Tike mi makurawa bin aɗagayi na wa. ⁴¹ Tike mi bari kun am mudinkuyi gayi ma kwashin achi ki kiristi, jirewa naramekun achi aboka lada gǝri bai. ⁴² Tike me dawu gayi dakun mamu gangam tuku da dlam iabin, dikadicin bǝlan da takwshi ci vinyi i wura gǝri da taɗ naci ikun anku. ⁴³ In amaici a ɗawa ci ka dagamen aujidu. Gara kaujidu. dikadi bǝlan katfi wunduwa Sǝku na amai gayi damya katfi aka mi amutubai na ammi shirin. ⁴⁴ Mi kishashen gu a mutu bai ako ke a gumaku bai. ⁴⁵ In zigar chi a dawa chi ka dagamin, akdidu, dikadu bǝlan katfi wunduwa Sǝku ɗukdu damiya katfi aka na zǝgǝr ci shirin nin. ⁴⁶ Kishahin gu amutubai ako ke a kunamu bai ⁴⁷ In dai da chi adawaci dagamǝn gwamma kajidu a tlap bǝlan katfi wunduwa Sǝku na ɗa gayi damya katfi aka na ɗa shirin, ⁴⁸ fatawanke in kishak kunu mutu binin akau ke amtu bai. ⁴⁹ Atro tikenda babata gǝri na aka. ⁵⁰ Beza bǝlan amman in beza taɗna karakgǝn ka kacidu beza fatwan wamm a thlabin beza i witkun gaɗa kwa thap kilapiya i witakun.