¹ Yeso ivu riwu tǝnu da yingǝri i lardi judiya se dayin gǝri aku anku judiya se algǝ da nai i rigǝri wam kakǝ mi ac kawa gugzekshi ² se parisaucin da nai tabtla gǝri na jaya ma " dlamungara kalkal bi gimsǝk da ta'i amagǝri?" ³ se aci da wurikshi ma "Dumaya Musa ramikun ma tam? ⁴ se akshi da wuri ma "Dumaya musa ram ma gimsik da tarnyi kakkadu ta'i da barditu da rarkina atu. ⁵ Yeso da ramikshi ma, "gaɗa gauɗak aɗakun ne Musa tarnikun kasau ⁶ Tin sukurgara Kakasǝku dlam gǝmsǝk na ama. ⁷ Gaɗa kasǝn gǝmsǝk aiva na afikgǝri na migǝri da tlǝbgǝngǝri na amagǝri ⁸ Akshi dlamnakshi tǝka gayi akshi fak a dlaɓa shirin wam bai se dai tǝka gayi. ⁹ Gaɗa ka sau be wara Kakasku nibkidu i ɗa gayin nǝn wan da ɓǝra bai. ¹⁰ laktu akshi a munduwa pukuraucingu jayaci i ɗak sau. ¹¹ se aci da ramikshi maya nǝn wan wara tan na amagǝn da zibai ama ɗagai dama dlam na aibu tapai na atu ¹² Kuru atuye taɗena musikgǝarn da zǝbu na gǝmsik ɗagai dama nin atiye dlamna aibuk tapai ¹³ se aakshi dandici mamukshik gangamin gada da lintakshi amman pukuraucingu da gǝrnyi ɗakshi. ¹⁴ Laktu Yeso ika tunu kǝma karakshi bai, " aivina mamau gangamin danai iriga kwadabtakshi bai gada garva kakasku kǝ jirikshi. ¹⁵ Na rameku jirewa nǝn tawanke wara gǝn garva sǝku kakǝ mayim gangambin abi tifa bai ikunu ¹⁶ Se aci dami mayim gayi i ɗa gabtagǝri da pikshi barka ¹⁷ Da kuksin se da jib rakangǝri, se nǝn ɗagai da rawai da pu kufugǝri i kǝmagǝri, "da dlam jaya ma "Malǝm bulan na dlama gǝmo na bi aro mi go dadigǝri?" ¹⁸ Yeso da ramikshi maya "Kaɗayu bilan gaɗagǝmo? a a aina nǝn bǝlam bai se kakasku rugǝri. ¹⁹ Kasgana dumaya musa ka tǝka nǝn bai Kadlama tapai bai ka dlama kǝra bai kawuda adalama i nǝn bai kata Aaman gǝnǝn bai, A sasakci afaci na mici. ²⁰ warau da ramma malum jandu tuku duk naɗǝgǝdu tun na kun mafindi ga Yeso dakaci na ntau maya, " kabukǝna be gayi aji kaɗib jina kareci gǝd ka tarɓidi dak tluwa ka bina bǝrid i disku da ritunu ka ɗigayu". ²² amma gaɗa ramatku gǝshigǝri da dlǝmatungara da yin gǝri na gǝshi gaɗa baci liman tlapar ²³ Yeso daki rai da rami pukuraucingiri ma, "a dlam tita ka tam ndak liman dabi tifa i kun garva sǝku" ²⁴ pukuraucin gu da kirinci tikakshi i ɗa ramagiru amman Yeso da ramikshi wam ma " Mamau" tita ka tam tife garva sǝku ²⁵ A dlamangara kǝske dlǝgumau da tifi da kun aliburam kapǝn baci liman da tǝfi kun garvak sǝku". ²⁶ gidshi da kirimci tikakshi da rami gatukshi ma a katutan tai? ²⁷ Yeso dakakshi da ramma, i nǝn gaiwa a dlam tita amman be tawanke i ri kakasku tita bai. ²⁸ Bitrus da jib rama na aci ma " aiki ja jabuze na be tawanke , ja diginaci" ²⁹ Yeso da ramma na ramekun jirewa na nǝn gaitak bai wara ive na wuduwagiri , yaganagiri, gimsik ko yaganaucin gamaɗ ko mi ko afik ko kutlai ko kamin gaɗa ganai a bina aro mi go dadigǝri. ³⁰ wara aye gǝnyi disku na danamak ikun duniyatku wuduwawin yaganauci gamsak na miwad na mamau na yagananin na bone ikun duniyatku mi na aro go dadigiri. ³¹ Amman dawa gawa ki sikur a dlamanakshi ki akau ki aku ke a dlamanakshi ki a kau ki aku ke a dlamankshi ki sukur ³² Akshi a da duvu i nye Urushalima pukuraucin Yeso a rakan i kimakshi pukuraucin gu a kun ajab , da rakan ikun ki akau aun kimu kalau, se Yeso da gu gumu a yawo shirin i baka wqau da jib ramekshi be wara a ye wakata na aci. ³³ Aikina wa nya i Urushalima, da yi bari na wungi nǝn i malamcin dumaya na ndak taran aye bar na aci i mutu, nda bar na aci i ami ndawa mi ziga sǝku bai. ³⁴ Akshi aye ngarimtagiri da tibtici nawuk, da pici ngar da tikina aci amma aku yuwan kwan nin a dlayingir. ³⁵ Yakubu na yahai kutli zabadi da nai i rigiri da ramma malum jancu ka dlamija be tawanke mi ja jayaci, ³⁶ Na dlamekun tam" ³⁷ Aivi ja jambashi na ci ikun kirmici gayi da amici ki mata gayi da amici ki madlawai" ³⁸ Amma Yeso da daramikshi ma kwasga be kwajayau bai, kwadumuna sau ikun girgiya wara naye nye sau ko babtisma wara da ye dlama ³⁹ Akshi da ramikshi ja dumudu se Yeso da ramikshi girgiya wara vna nye se kunu, kunke kwaye se kunu babtisma wara da dlama ke kuye da dlamekun ⁴⁰ Amman baci basu i a mi matagagu ko ami madlawai ga sin na barikun nin i bai. amma atu ki ndawa wara nda saparatu. ⁴¹ Laktu pukuraucin guma kimalabar tiku se da dlam nakshi gishi na yakubu na yahai ⁴² Yeso da daurai akshi da daurai akshi da ramma kwasgana ndak garva ki ndak ada ayuwa a ginna ri basu da tifi i garva ki garva kwina i diskwakshi ⁴³ Amma a dlama kasǝn bai, i gadaba kun nǝn wara ancu da dlaɓi marum i witakun n̂ǝn da dlamin gǝri mayum gangam kunakun. ⁴⁴ kuru dǝk nǝn baci intu dlamaki sǝkur i gadavakun kun nǝn, da dlamin gǝri guzuɓ kun gid. ⁴⁵ wungi nǝn dew gaɗanda dlamici guzabana bai, sǝi dai aci da dlaɓi guzuɓ.Da bar aro gǝri gaɗa da tligji aro ndawa gawa. ⁴⁶ Akshi danai i jariko, locktu aci aiva jirico na pukurrauci gǝri na algi gawaa akugǝri wun Timaeus, Bartmaeus kutli baci wili dam mbasu a baka duvu loctu ⁴⁷ aci ƙuma Yeso ki Nazarat a nuta t̂unu, jib ɗaura ma, "Yesowun Dauda a ki mi kanjino ga!. ⁴⁸ Ndawa gawa da jib gǝrin i ɗa tliguyu, ma, da cim na wura miya gǝri, amma sǝi ɗauri na awayau ma,"wun Dauda a kimi kanjinoga!". ⁴⁹ Yeso dar i da ramma nda daure aci, akshi da ɗaure tliguyuma, a dlam awayau! a tlen!, warau a ɗaura ci. ⁵⁰ Aci da vǝrki na kachim gǝri i baka, da katǝri dar i , i kuma Yeso. ⁵¹ Sei Yeso da ngumici da ramici maya, "kan cu na dlamici tam?"Tliguyu da ram ma "mǝgǝnyi" nancu nabi .lawan ⁵² Sei Yesoda ramicima aji naci, barjirewaci ngatu naci dasun dasun dajib na lawan.Sei da ɗigi na aci i dǝvu.