¹ Akshi dew i Urshalima tǝn, dantau na Bethphage na Bethany, i gugyak olive, se Yeso da wani pakuraucin gǝri shirin ² da ramikshi ma, "A da i ɗa tiu, Kwatfǝn kwa lawan na, matkam kwara wara gale da guyubai. Afit kina kwanda nai. ³ Gǝd nǝn jayikun nin, kwa ramma megenyi ancu gusku a dlam paida na atu. ⁴ Akshi dew tǝn da bi na matkam kwara da tawksa miyak dǝvu, sai akshi da fǝtkedu. ⁵ Ndawa dagai dar'i beramgu da ramik shi ma, "Kwa fitka matkam kwara tǝku i tam?" ⁶ Se pakuraucin gu da ramik shi yadda mǝgyni ramǝkshi, se ndau dab zina akshi da fǝtki. ⁷ Pakuraucin gu danna matkam kwarau i Yeso se dan pi akumari i aɗau gada Yeso dan dagayi. ⁸ Ndawa gawa da pi akumarakshi i adak dǝvu ndau jǝgab danpi awai wokakin shi gaɗa Yeso da tak'i in a bǝntan. ⁹ Ndawa wara wurminaci i nya na ndak diga gǝri dajǝp ruwa ma, "Hossana! Barka i nǝn wara dew i kun dlagun Seku. ¹⁰ Barka i garva dǝsku wara ani ki afawa Dauda! Hossana i nǝn wara a garva!" ¹¹ Se Yeso da yi Urshalima datfi i kun wunduwa Sǝku se daki betawanke mi wara a kunu. Aduwaw dlam tǝn, dayin gǝri i Bethany na pakuraucin gǝri guma ayawu shirin. ¹² Da dlanu katayakshi da Bethany, a chi a kemu maya. ¹³ Se da kai waka ayawu da pǝdim miwara na awai, se aci dayi riwu gaɗa ko da wakau na ɗi, amman na be wanbai se awai, gaɗa lawtu ɗi ayawu bai. ¹⁴ Se da rami wakau ma, "Nen wam ata di kem wam bai." Se pakuraucin giri da kemidu. ¹⁵ Tufew i Urshalima, se datfi i wǝnduwa Sǝku da bandi raika ndak asek na ndak masa da riwu. Se a ci da jimbilina tebur ndak piya dagwda na ri mbasu ndak dǝbda bararin. ¹⁶ A ci bizu nǝn wam bai dami be da kun wǝnduwa Seku wara ki dibiɗ. ¹⁷ A ci nda gugzig shi ma, "Da tarna bai, 'wunduwa ga a dlab ri magita waginik da? amman kwa dlamdu ri chacpa akiraucin" ¹⁸ Marmamin ndak dumaya na ndak taran da ki mina be wara a ci ramu. Se akshi da dlam dǝvu wara akshi a tǝk na a ci. Akshi kalwunak shi ga da ndawa gǝd a jabta na be wara a chi a guskek shi. ¹⁹ Gǝd aduwau dlamin, akshi dap zina da gu. ²⁰ Akshi a bǝnta pǝdem tǝn, se da ki waka ayawu gu wudin gara har arau gara. ²¹ Se Bitrus da tani da ramma, "Mullum a ki! waka ayawu wara ka tharyu wudin gara" ²² Yeso da ramikshi ma, "Abarina jirewa na Sǝku. ²³ Jire na ramekun gǝd nǝn mi wara rami gugiyak tu ku, "Aptenakem kate fi i kun anku, in aci barna jirewa i gǝshi gǝri nen na be a ci ramu, Sǝku a dlamadu. ²⁴ Jirewa na rame kun; Gid be ka dlam magita ka jayin, a bar jire ka badu, zam a dlamangara ki ci. ²⁵ In ka magita nen, ka tubti na ged be wara nda dlami ci, gada Afukun wara a desku a tebta di kun be kwa dlam kalkal bai. ²⁶ Kwa tibti bin kun wara a desku a tibte kun aibakun ²⁷ Akshi dew i Urshalima wan ten. Yeso a rakan i wǝnduwa Sǝku tǝn, marmamin ndak dumaya, nda taran na gasgaraucin da nai i ri gǝri. ²⁸ Akshi da ramma, "Ka dlama bitku na kǝrmai tawan? zam ba ri ci kǝrmai dlamau nǝn tai?" ²⁹ Yeso da ramishi ma, "Na dlame kun jaya gayi. A ramina i ke na ram di kun kǝrmai wara na dlama betku na atu. ³⁰ Baptisma Yahai ki Sǝku ra ki ndawa? a ramina" ³¹ Gamɗaya datfin gara i witak shi, "In wa ramma ki Sǝku nǝn, a rammau ma gaɗa gǝmu wa bar jirewa na aci bai? ³² Zam wa ramma da ri ndawa nǝn da bizawabai, ndawa gǝd bar na jire iɗa Yahai nabi. ³³ Se akshi rammi Yeso ma, "Jazgabai." Se Yeso da ramikshi ma, "Iyu ke na rame kun garva wara nda dlam bitku bai."