¹ Yeso da banji gugza i kun rama na gagǝnawa, maya. "Nǝn ɗagai zegumu kam inabi, da vaikǝdu na daraga, da ɗalmi ri takad inabu, dalmina dababurak da saarnuti na kangu i ndak ruwai da yin gǝri buwa pǝdǝm. ² Kalkal lawtu gara, se da wanyi gabayi gǝri gayi iri ndak ruwai kam inabu gaɗa dagǝneci ɗi wakau. ³ Amman ndau wana kangu da jibaci, da dadgaci, da rarkǝnaci ami gaɗau. ⁴ Se aci da wanyi dama, nda kǝmi dici tǝta i aɗa gǝri, daivi naci i kun zhirau. ⁵ Zam aci da wanyi gabayi dama akshi da tǝkǝdu. Akshi dlam kasǝn i ndawa gawa da dadgi jǝgab dat tǝki na jǝgab. ⁶ Zam aci na nǝn gayi wara aye wanayu, wǝn gǝri kǝ ntau. Aci ne kǝ akau wara wanaci rǝkshi. Da ramma, "Ko da wanange akshi a kǝmu na martapha wǝngagu." ⁷ Nda wani ikam gu da rami gatukshi ma, "Yo, su baci ta gado gu, anna wa tǝkina aci. gadogǝro da dlam gara kuwa." ⁸ Akshi da jibaci, da tǝkǝnaci, da vǝrkina guvu da kun kamgu. Wata baci kamgu a dlama gǝmo na akshi? Aci ani ndatki nakshi da bar na gamgu i ndawa ɗagai. ¹⁰ Kwa gugza biko ikun kakadu Sǝku? Gugyak mi yara nda lima kuru, atine dlamin gara shi limau, ¹¹ sutku migyi dlmingara bi ajab i dawa"' Akshi maku dajǝb na Yǝso, amman da kalwuna algu, ¹² gaɗa akshi zugadu rama gaginawa wara aci dlamau gu na akshi. Sai akshi daivi na aci dayinakshi. ¹⁴ Akshi deu tǝnu, se da ramici maya, "Mullum, jasgadu lameci bai na nǝn , kamana tike kalka. gugza rama Sǝku ke jirewa. Dlamungara kalkalbi da bar arajo i Kaisar, Ko a'a? Jabari ra a'a? ¹⁵ Amman Yeso zigana halshi kǝ munafǝk da ramik shi ma, "Kwa kaktlaga gaɗa gǝmo? Annada dinar gu naki ¹⁶ Akshi dan di ci dinari gayi, se daramikshi ma, "Janpel na dlagun gaye a ɗau?" Akshi da ramma, "Kǝ Kaisar" ¹⁷ Se Yeso da ramma, "Abarine Kaisar be wara kǝ Kaisar, i Sǝku ke bee mi kǝ Seku." Akshi da jabtaci. ¹⁸ Se sadukiyaucin wara a ramau ma na tlayi da mutu bai dani ri gǝri dajayaci maya, " ¹⁹ Mallum, Musa tarnija ma 'yagana ginin mutu daivi aa go matkamnin, se yagana gǝri dami amau da 'yawici kutlai' ²⁰ Na yaganaucin katkasa, kǝ sukur zǝba amau dam tun gǝri ba ɗi bai. ²¹ Mashirin gu dami gado amau, a cike damcin gǝri ba ɗi bai. Makwangu ke kǝsen. ²² Har ma gatkasau ba matkambai. Amauke damcin gara. ²³ I lakwtu tlayi da m,utu atugu a tlaɓa ama gaye da kunakshi? gaɗa yaganaucin gatkasa mak zǝbatu" ²⁴ Yeso da ramma, "Sutku ne dalili taltakun bai gaɗa kwa zǝga rama Sǝku bai ko kǝrmai gǝri? ²⁵ Gaɗa lakwtu mi akshi tla da mutu nin, akshi a dlama zǝba bai, ke nda basakshi zǝbai, amma akshi a dlaɓa ka malaikaucin ²⁶ Amman iɗak dlayi da mutu, kwa kǝratu bai i kun kakkadu Musa, labar baka pata kakǝ mi Kakasku dlamici rama; 'Iyu Kakasku Ibrhim, nakǝ Ishaku, na kǝ Yakubu?' ²⁷ Aci Kaksku amman kǝ nda bar arro, kwa taltu nakun" ²⁸ Gayi dakun malamcin dumaya kǝma ramakshi tǝn; daiki Yeso ngumu dikshi kalka. Se da jaya ci ma, "I kun dumaya, marǝm nǝn tawan?" ²⁹ Yeso da ngumuci ma, "Marǝm kunakshi atune; A kǝrǝmci Israila, Mǝgǝnyi Kakaskawa, Mǝgǝnyi gayi, ³⁰ Dolle, kantuci Mǝgǝnyi Kaskacina gǝshaci, na arroci, na kuraramci na awayuci.' ³¹ Kǝ mashǝringu kasau, 'Ka ntuci makapǝtci kakǝ aɗaci' na dumaya wara rǝma sau bai" ³² Se malum dumayau da ramma, "Mulum bǝlan! Jire, ka ramdu kalkal, Kaska gayi, ke na ndama wambai banda aci. ³³ Ka ntuci na gǝshaci mak, na asǝmci, na awayauci mak. Kantuci makapǝtci kaǝ aɗaci, sau dǝk ɗǝkana zayad-zayad na sanam mak." ³⁴ Lakwtu mi Yeso kǝmau acu ngumdici ramau kalkal tǝnu, se ramici maya, "Ka pǝɗǝm na garva Sǝku bai." Dakuksǝn, go nǝn mi jayici wam. ³⁵ Se Yeso da ngumi, lakwtu mi aca gugza ikun wundeuwa Sǝku, da ramma, nanawam malamcin dumaya ramma masihugu wǝn Dauda? ³⁶ Dauda na aɗagǝri ngun, i kun kǝrmai nǝnwa Sǝku ramma, "Mǝgǝnyi, rami mǝgǝnyiga, ambashi da amiga kǝ mata, se na ɗawu ndakaramci da dlaɓ bik takaɗci.' ³⁷ Dauda na aɗa gǝri gun ɗaraci mǝgǝnyi; Gada ka sǝn, adlama nana Masihu da dlaɓi wǝn Dauda?" Marǝm algu da kǝramta ci na pǝrdai. ³⁸ I kun gugza gǝri aci da ramma, "A dlamina ankal na malamcin, mi acu da rakini na marmamin kacum na ntu gazbǝr ndǝma i asǝk ³⁹ akshi ancu marmamin ri mbasu i kun lǝnari cacpa yahudaucin na ri ngǝmuri. ⁴⁰ A gumba wǝnduwa gudugwamcin, zam a gazbǝr magita gaɗa ndawa daiki. Ndaye dlamekshi marum hagata. ⁴¹ Sǝ Yeso da mbashin gǝri damtu akwati cacpa bari i wǝnduwa Sǝku; a lawan ndawa atlayi dagwda i kun akwati gu. Ndak bǝrǝd gawa pa dagwda gawa i kun akwati gu. ⁴² Se gudugum mi tlawa ɗagai da nai da pi rǝta kobo shirin, wato kobo gayi kenan. ⁴³ Se da ɗaure pakuraucin gǝri, da ramikshi ma, "Jire na ramekun, I kun ndawa tǝku mak, go nǝn mi dlam bari kakǝ gudum tǝku bai. ⁴⁴ Gaɗa dǝkshi baru da kun lǝmanshi, amman atu baru da kun tluwagara, ɓe wara atu na atu cakcak.