1
I yuwan tǝn, ndawa chacpi gawa, kuma akshi na bi ta bai. Yeso da dare pakuraucin da ramik shi ,
2
"I na mugurim algi gada akshi a dagayi na iyu tǝn yuwan kwan akshi ba bik tabai.
3
In na jimbilanashi i wunduwa na bik tabin a dagam nakshi i ɗak dǝvo, jigab kuwa veri da ri pǝdǝm"
4
Pakuraucin gǝri da ramikshi ma, "Wabi bikta daman da rawan da patatku har da ba ci ndawa?"
5
Da jayakshi kun na guntu burodi nawan? Akshi ma, "Gatkasa"
6
Da rami algu dambasunak shi gagai. dami burodi gatsau da bar kawaci, da pishashiri. Da bari pakuraucin da tarɓi i ndawa.
7
Akshi na vǝnakau rap, da barkawaci wam, da rami pakuraucin gǝri ma da ɓiri wam.
8
Akshi da ci da wayinakshi, akshi dan gu gagizhin da niyi dapǝr katkasa.
9
Akshi diwa dantu dubu hudu. Da wayi nak shi.
10
Go labirta a ci da tifin gǝri kun daragai am, dai nakshi i kun lardik dalmanuta.
11
Se parisaucin danai da jǝb gamdaya na aci. Akshi da maki dari gǝri gaginawa be da dǝsku, gaɗa kaktla gǝri.
12
Da tlan kuraram da pǝdǝm i gǝshi gǝri daram maya' "Gada gumu zadak zaman tuku an ci ginawa?" Jirewa na ramekun, "Go ginawa me na barikun zadak zaman tuku."
13
Se dabzinakshi dayi datfin gǝri ikun daragai am gu wam, da yin gǝri jampel dama.
14
Se pakuraucin gǝri gu datiwayi na ma burodi a kun daragai gu.
15
Da gabdak shi da ramikshi maya, "Aikina blan, kwa tlan ankal na gabshaucin yesti parisaucin na ki Hiridus.
16
Pakuraucin gu da yardatinakshi i gadavakshi gaɗa akshi na burodi bai.
17
Yeso zigana sǝn, se daramikshi maya, "Dawan tam kwat ka dameta gada kun na burodi bai?" Gusku ya ye kwa gun bai? Gusku ya ye kwa sanutu bai? Gisha kun tlmun gara dukshi bi?
18
Kun na da kwa lawan bai? kunna aguɗ kwa kimu gu bai? kwa tanu bai?
19
Lakwtu na kitli guntu burodi vaɗ i gadava ndawa dubu vaɗ tun, kwa vina dabǝr nawan ki pishashira burodi gu? akshi daramma, "Guma ayawu shirin"
20
Lakwtu na biri burodi gatkasa i gadava ndawa dubu hudu, kwame dabǝr nawan? Akshi daramici ma, "Gatkasa"
21
Darami shi ma, gusguyaye kwa sanutu bai?
22
Akshi danai i Baiseda. Ndau dan di ci tliguyu da ramici ma da lintaci.
23
Se Yeso da jǝbai ami tliguyu dai na aci i akau ɗa. Da tǝbki ci nawuk i da gǝri da mi amai dan pi i aɗa gǝri, da jaya ci ma, "Ka lawan gǝmo?"
24
Daki dǝsku darammaya, "Na lawan ndawa a rakan kaki wakakin".
25
Se dampi ami wan i da gǝri, se da warau da ripchin na da gǝri, se da bandi lawan, adumuna lawan sosai.
26
Se Yeso da sallamaci naci dayin gǝri wunduwa, se darammaya, "Kat tife kun da bai"
27
Yeso dayin gǝri na pakuraucin gǝri i patak kaisariya filibi. I da dǝvo se da jayi pakuraucin gǝri, "Ndawa aramo ma i tai?"
V 28 Se daramichi maya jǝgab ma ci Yahai baci baptisma, jǝgab ma ci Iliya, ndau jǝgab ma, "Gayi dakun nabaucin."
29
Da jayakshi ma, "Wate kun wam kwaramau ma i tai? Bitrus ma, "Ci Masihu."
30
Yeso dagabdakshi darame nǝn wambai.
31
Se dabanji gugzekshi wam ma wǝn ginin aye sa bone gawa, gazgaraucin na mallamci dumaya na ndak taran a kur na aci, aku yuwan kwan a tlayin giri.
32
Ran kasu ipatata, Se Bitrus i wa ci baka da tlamici thliri
33
Amman Yeso damistai daki pakuraucin gǝri da tlan thiri i Bitrus maya, "A tlabi dagu ga! "Ka dawa aroci iɗak bi Sǝku bai se idak bin ndawa"
34
Se da daure ndawa na pakuraucin giri da gayi, daramikshi maya, in nǝn anchu ɗiga ga nǝn, akurna aɗa gǝri; da me dim dliga gǝri dadge iyu.
35
Duk nǝn anci dari aro a ɗayidu, kuru duk nǝn mi dayina aro gǝri gadaga, na gada labar herr abidu wam.
36
A ribta gǝmo i nǝn, dabina duniya duk da bukina aro gǝri?
37
Nǝn abargumo imiya aro gǝri?
38
Duk nǝn azhuruga na ramaga i kun ndak tapai na ndak aibu, wun ginǝn akumu na zhirau gǝri gafa saksakta Kakasku na melekaucin den