¹ Parisaucin na nda gin arajo jigab deu da Urshalima, da chapci nakshi iɗagiri. ² Se akshi da ki pakuraucin gu a tak taa viya amikshi bai. ³ Pharasaucin na yahudaucin a taa bik taa bai se viyu amikshi gaɗa lono gasgaraucin. ⁴ ka ki parisaucin de da assik nin, se vuyu tikakshi damba da chi taa. Na linok gawa mi wara se nda ɗugu i awayau. Har na viya ja girgiyayin, dawawin, dipapin, funanin mi wara nda tak taa i kunu. ⁵ Parasaucin na ndak taran da jayi Yeso ma, "Ɗawun tam pakuraucin chi a ɗiga be gasgaraucin ramu bai? a viya amikshi bai damba tak taa?" ⁶ Se Yeso da ramikshi maya, " Ishaya ramu jirewa i aɗa kun munapaucin a ci tarnu ma, "A dlama kǝrmai na miyak shi amma gǝsha shi pudun da riganai ⁷ Kǝrmai shi ki vatku, gugzak shi na linok shi kun ndawa. ⁸ Kwai vuna linokk Kakasku, kwa ɗiga ki ndawa ⁹ a chi da ramikshi maya, "Kwa kurna linok Sǝku, kwa jibna aɗakun ¹⁰ Musa ram maya, 'A saksakci Afa chi na michi, 'Nin ramu gabshi afuk giri ko na migiri tabbas a chi amantn giri.' ¹¹ Amma, 'Nin rami afuk ko mi giri ma, "Be miwara kwa biwu da riga na bardi Sǝku ¹² ga ɗa ka sunu na duva wantai ki banata afku na mai. ¹³ kwa mistana linok Sǝku atubai se be mi wara aɗa kun ramekun tin wacci. Na be mi wara ganawaa bai kwa dlamau." ¹⁴ Se aci da ɗauri algu guwam da ramikshi maya, "A kiminayu duk kun kwa sanuci. ¹⁵ na be miwara a tifa da miya ginin bai da vuda mi wara da dlamchachi, se dai be mi wara avurayi da miya ginin ne da dlamcachi." ¹⁶ Duk nin mi wara na aguɗd da kǝramta. ¹⁷ Yeso daivina algi gu datfin giri i munduwa, se pakuraucin giri da jaya chi wurzu rammau. ¹⁸ Se Yeso da ramma ya, "Kuncham kwa sanutu ramau bai? ko kwe ka be mi wara tufi kun ginin da vuda a dlamta giri bai ¹⁹ gaɗa a tifa i kun gǝshi giri bai, amman i kun bashi giri da dlamin gara shau sai kun shadda." Na ramatku Yeso ɗalmuna bi taa duk. ²⁰ A chi da ramma ya, "Be me wara vure da kun ginin a tune a dlamid giri. ²¹ Gaɗa da kun gǝshi ginin gabshu kǝmangar, tunani ki maka ama, kǝra, tǝk ginin, ²² tapai, gin kare ginin, hal gabshu, livata ginin, ta gǝshi, rakatta, marǝm aɗa na dlabgǝnu. ²³ Duk be gabshu tuku a vuraryi da kun gǝshi, su akshi ne a dlamǝd gi nin. ²⁴ Se a chi da tlhi dayin giri i lardi ki Tyre na Sidon. Se da nai i wunduwa, mi wara an chu nda ziga a chi a riwu bai. Duk na kasǝn a chi dabsu bai. ²⁵ Kade ama ɗagai mi wunya gamgam mi wara na zuwak, kǝma na labar gǝri, danai da dagami i kǝma giri ²⁶ Amau zadak greek basurafinya amau da wila chi da ji na zuwak gu da aɗa wunyau. ²⁷ A ci da ramma, "Dugo mamu da tana ta'a. Kalkal bai ndami bik taa mamu nda wayi i jaɗin." ²⁸ Se amau da rami chi maya, "Ka sunu miginyi aman jaɗin a tak taa mi wara vǝgu da ɗa tebur ki mamu gu." ²⁹ A chi da ramitu maya, " Gaɗa karan kasu, aji bekǝm na bǝbai zuwak gu na bai i vuna wunya kǝm gu" ³⁰ atu da kalchin gar i wunduwa gar, da tashi matkan gu da viji aɗarai nabai gatǝn gara. ³¹ Zamwam a chi ɗa tlhi da lardi Tyre, dayi da sidon i gaddira Galili har lardi Dikafolis. ³² zamwam ɗani dici nin wara kurma dakwiya, akshi da wilici ma dampi amigǝri i da warau ³³ Se achi dami warau i baka da gadavan ndawa na abkal se daɗawi gubak gǝri i aguɗ warau, a chi tupki nawuk tǝn da linci marnyi warau. ³⁴ A chi daki dǝsku i Kakasku da ram maya, 'Iffat!' ma, "Aribchi" ³⁵ kade kuma rama gǝri da latetengara, be mi wara daptu maryi gǝri namramau na bai, se rama gǝri bǝlan. ³⁶ A chi da ramikshi ma rame inin wambai, kulum a chi a daptak shi na ramau amman kullum se a sukuna. ³⁷ Ndawa se jabta be mi wara a wakata, akshi a ramau ma, "A tanke kalkal bǝlan" a ɗawa kurma da kimi, dakuya da dlam rama.