1
Tla dasǝn dayi ɗa gǝri, pakuraucin gǝri ke da dǝgina aci.
2
Gafa putu yahudaucin aci dlam gugza i kun susau cacpa Yahudaucin. Ndawa gawa me kǝrǝmtaci, da jabci gugza gǝru. Akshi da ramma, "Ba zada gugza tǝku da lkawan ?" Zada asǝm tawan wara a ci dlamau?" na amigǝri
3
Sutku wǝn kapinta tǝn bai, wǝn Maryamu, yaganaucin gǝrin Yakub, na Isubu na Yahuda na Siman bai? Yaganaucin gǝri gamad a dagayi nawa bai a ritku? na Yeso
4
Sǝi da ramikshi ma, "Daman nabi na martapa bai i dakshi, i witak yaganaucin gǝri ko kun wunduwakshi."
5
Aci ba dlamu bik ajab marmamin bai, sǝi mpa amigǝri i adak ndak fǝra rap ndan gatinakshi.
6
Rashi bar jirewa shi jabtuna aci. Tlau da vaiki ɗa patatǝn a dlamek shi gugza.
V 7 Sǝi da dauri mawanak gǝri guma aywo shirin gu, da waynyakshi shirin, shirin, sǝi da barik shi kǝrmai idak zuwawin.
8
Aci ramikshi dama bebai gada rakanshi; sǝi zawa rugura: kwama ɓikta bai, dagwda bai i latintar kun.
9
Amman kwa ɗawi tankalepet zegǝrkun: kwa ɗawa zanai shirin bai.
11
Amman ɗa tawanke wara gǝni kun bai ko kǝremtu kun bin, lakwtu mi kwaiva riwun, sǝi kwa saspina bǝbǝr ɗagu da zǝgǝrkun, ga da dlamin gara saida i aɗakshi."
12
Akshi da vǝri da dlam wagǝrma ma ndawa da mǝstai nakshi da dǝvu aipapinkshi.
13
Daji zuwawin gawa da ɗak ndawa; da zuwi murak i ɗak ndak ferarin, da nga tunakshi.
14
Dǝgǝm Hiridus da kǝmu bitku mak gada dlugun Yeso jin gara ire tawanke. Ndau jǝgab atika ramau ma, "Yahai baci Baptisma tlen gǝri da mutu gada kasǝn kǝrmai dlama bik ajab a wakata da ri gǝri.
15
Ndawa jǝgab ma, "Aci Iliya, zam jǝgab ma, Aci nabi, kakǝ gayi dakun nabaucin kǝ waci.
16
Lakwtu Hiridus kǝmu sutku tǝn da rami ma, "Yahai wara daudi aɗau, thlan gǝri da mutu.
17
Gada Hiridus wanau nda jǝbe Yahai da taushi na aci i dǝlo gaɗak Hirodiya ama yaganagǝri wara aci zǝbidu.
18
Gada Yahai rami Hiridus ma, "Be wara ka dlamau gu kalkal bai gada ka kutuna am yagana ci."
19
Amman Hiridiya damina gǝshi na aci, har dama ki da tǝkina aci. amma ba dǝvu bai.
20
Gaɗa Hiridus a kalu Yahai gaɗa aci baci adaltu, nǝn mi go aibu, depsi na aci, kǝremta gǝri ani dici dlǝmid gǝshi amma dǝkana kasǝn, a kǝrǝm ta gǝri tlapar.
21
Sǝi manawa danai kǝ gafa ɗi Hiridus, a ci dlami ngǝmuri i ndak garva gǝri, na marmamin askaraucin na ndawa marmamin kǝ Galili.
22
Wunya Hirodiya na aɗa gara, da nai da dlamishi suwari, Hiridus na ndawa wara deu ri ngǝmuru, da kǝmi karak suwaru. Dǝgǝmsu da rami wunya ma, "Ajayiyu be tawanke mi kancu I ke na baridikǝm."
23
Acu da ci yinɗa da ramma, "Be tanwanke ka jayin, na bari dikǝm harr reta lardi ga."
24
Wunya daviri vǝda, da rami miwu ma, "Na jayi tam?" miwu da ramma, "Aɗa Yahai baci Baptisma."
25
Na tasǝna bai wunyau da tǝfai ri ɗegǝm kaɗe da rami ma, "Nancu ka bara aɗa Yahai baci baptisma."
26
Ko da bǝtku dlam tǝna gǝshi, dǝgemgu tlapar amman adumu kuri dlama be wunya jayu bai gaɗa yinɗa wara mau gaɗa magǝrafcingǝri.
27
Dǝgǝm gu da wayi askarabu gǝri danai dici aɗa Yahai. Askarabau dayi dǝdo gu dakdai na aɗau.
28
Ndanna aɗau i tire da bardi wunyau, atekǝ dayi da bardi migara.
29
Pakuraucin gǝri kǝma be wakatutǝnu, danai da mina guvu dayi da dabgǝdu.
30
Pakuraucin da cacpina da vaiki na Yeso a rameci ba akshi dlamu na be akshi gugze ndawa.
31
Sǝi aci da ramikshi ma, "Avǝrina kwayi nakun i fanfara pata, kwa putaci." gada ndawa ani aya, har akshi ba lakwtu ta masanagun bai.
32
Gaɗa kasǝn, sǝi akshi da tǝfi suwan am, dayi nakshi riwara go ndiwa.
33
Amman ndau daikina lakwtu pǝɗakshi, sanutinakshi tǝnu, sǝi da banji rawa a zǝgǝr da kunu ɗa marmamin har da wurmina pakuraucingu i nje riwu.
34
Akshi zade rewutǝnu sǝi dai kǝmi na kanjǝnuk shi gaɗa ndau dlamnakshi ka tumankin wara go magwatak. sǝi da mbanji gugzek shi be gawa.
35
Lakwtu nutǝn gara tlapar pakuraucin gu danai iri gǝri da rammm, "Rǝtku farfarak pata, afa ke jǝbna vǝgi.
36
" A sallamatinak shi gaɗa dayi vǝdadin, na ɗa patatin kǝ damtutku da masai bikta , da ci."
37
Amma da wurǝk shi da ramma; "A barinekshi bikta da ci" Akshi da ramici ma, "Jayi bi, ja masai burodi kǝ dinari danmak shirin ja barikshi da ci?"
38
Sǝi aci da ramikshi ma, "Kunna burodi nawan? Ada kwai ki." Akshi i ke detǝnu, da ramici ma "Ada burodi vad na vunakau shirin.
39
A ci ɗawi ndau dan mbashi i aɗa azem gatla tlered.
40
Akshi da mbashi i kun kurak: kurak kǝ cacpa danamak-danamak na kurak kǝ cacpa gumu vad- gum vad.
41
Dami burodi vadgu na vunakau shirin gu, da sukci aɗa gǝri dǝsku da barkawaci, dak ji burodi, da bari pakuraucin gǝri dampi kǝma ndau. Da bǝri vunakau gu cam i ndau.
42
Algi cak-cak da ci da wayi.
43
Akshi da cacpi gagǝzhin burodu na vunakau wara ndawa tau har da bi daɓer guma ayawo shirin.
44
Ndawa dubu vad ne mi ta burodu na vunakau gu.
45
Kade da ɗawi pakuraucin gǝri tǝfi nakshi i kun suwa am dayi nakshi i kǝma gǝri, da palla Betsaida. Lakwtu kǝ a aci a kun sallamata algu tǝnu, sǝi aci dayin gǝri iɗa gugyak i magita.
47
Aduwau dlaman gara, sǝi suwa anku dai vina aci rugǝri ada gagai.
48
Sǝi aci dai ki pakuraucin gǝri a tǝfinakshi ngǝnǝpu i ri wara akshi aya gu. gada zǝwak tlengara adakshi. Divid, sǝi a ci da nai irikshi, a rakan a ɗa anku, ancu da bǝnci da bakakshi.
49
Lakwtu akshi i ka ci a rakan a da anku tǝnu, akshi daiki ka acu ka kulǝram, sǝi akshi da ɓanji kalau kur wa
50
gaɗa akshi i ka ci da kalwunakshi. Na tasǝna bai sǝi aci da dlamik shi rama, "Kwa kalwa bai iyu ne pa!"
51
Acu da tǝfi i kunu suwa am gu, sǝi zǝwak am gu da yingara. cak-cak shi da jǝb jabta biwu.
52
Gada akshi sanutu benda dlamau kǝ ajab kǝ sukuna burodi bai. Gadak sǝn sǝi gǝshakshi da dlamingara dukshi.
53
Akshi de jigam anku tǝn iɗa Jinisarata, da taushi na suwa am shu i rewu.
54
Sǝi akshi da vǝre da kun suwa am gu, na tasǝna bai ndawa da sanutinakshi.
55
Sǝi ndawa da yi lardu mak, da jǝb nina ndawa mi ngabai i aɗa rakai, da ri tawanke mi kǝma na labar ni gǝri.