1
Laktuwara akshi jinakshi i miya anku tənu, i lardi Garasunawa.
2
Go zigaya laktu Yeso vərai da kun daragai am se baci zəwak da pakai da kun ri dabak ndawa.
3
Warau dan mbasu akun ri dabakgu amman gawa. Go nən batau da daptaci ko dawaa kan dumbil.
4
Nda tagsaci zəgir gawa I dimbil na zayi. Se da burjina zayew na dimgu go baci awayau wara da daptaci.
5
Divəd na afa tawanke lokuty aci a kun ri dabagu ko kun guguyak na divəd bai na afa bai a wuda təka gəri na guguyaym nda lanau.
6
Lockwtu aci ike Yeso da pidim, da vərena rawai iri gəri da gutki i kəmagri.
7
Se aci da danyi na wura sosai da ramma, "Na dlam gumo naci, Yeso wun kakasəku? Na nibkici na kakaseku na aɗa gəri ka bara bone bai."
8
Gada aci a ramedi ma "a vərnachi da kum warau ci zuwak."
9
Se aci da jayaci ma, "Dlugunci matam?" Aci da ngumi ma, "Dlugənga ma, Tlapar gada ja gawa."
10
Se aci da wilitaci da ramma, kadaəa bai da lardu.
11
A laktu gu na birri aladadin gawaa dawa a ɗa zigawu.
12
Se zuwawingu da jayaci ma, "Aci daivakshi datfi nakshi i tika aladadin."
13
Se aci daivinakshi zuwawingu da vəre nakshi da təfinakshi i kum aladadin gu, akshi da rawai mak da dasinakshi kun ankil. Akshi datu dubu shirm da 'yam nakshi i kun ankugu.
14
Se, makwataklingu vər na rawa, dayi na labar be mi wakatu i ɗak ɗa na lardu. Ndawa gawa da vərai gaɗa ki be wara wakatu.
15
Se kshi danai i rik Yeso daki baci zuwak, wara gwaigwailu. Babu zuwakgu, dam mbasu a kun kachum kuru a kun hankal gəri; se akshi da kumi na kalau.
16
Ndawa wara ikana be wakatu na babuk zuwak gu, da ramikshi be wara wakatu na aci na aladadingu.
17
Se akshi da barikshi kəmar daivi na lardu.
18
Laktu wara aci atifi kuu daragai amm, baci zuwakgu da barici kumar ma aci a ɗigana aci.
19
Amman aci yar da tubai, "Se da rami ci ma, asi mun duwa iri ndakun, ka ramikshi be məgənyi dlam mi ci, na kanjino wara dlami ci."
20
Dasən se dayingiri da tli yayata bik ajab wara Yeso dlamu i Dikapolis, tike a jabtau.
21
Laktu wara Yeso sa aɗa anku i kun daragai am tən algi da chacpai I Irigəri.
22
Laktu na nin marim gayi babu wana a sisau magita, tligun gəri ma Jaixus, canai, se ika Yeso tunu, da gudki i kima gəri.
23
Da barici kemar wam da rameei atlən! atlen! "wənya ga a miya mutu, a dlam kanadani ayen, kampi ami ci l'agaəa saɗ a ugatəngara."
24
Se ari da digəna aci na algi a digagəri dantau, dantau. (dama-dama)
25
Na ama, lakwtu, mara a pik didim ki amman guma ayaw a shirin.
26
A tu sa bonai rankata I ami dak korgun, da dlimcina bi, amigara gid amman ba, rama bai.
27
Atu, kima labar Yeso tən, danai, daku gəri lockwtu wara aci a rakan a kun algi, se atu da linci miya jampa gəri.
28
Da rami gəshi gara ma, "In na lintu mya jampa gəri nin na ngatənga."
29
Lockwtu atu linta ci tunu, didimgy darin gara, se atu da kimi itukagara atu ngatungaəg.
30
Tinin Yeso kimi kirmai viri dakun gəri. Se pimi da jayi ndawa, "Lintu zanigan tai?"
31
Se pukuraucin gəri da rami ci ma, ka gada va ndawa, ka ramma, lintunyin tai?"
32
Amma Yeso da pime gaɗa daki bai linta gəri.
33
Amau zigana be wara batu tunu kalu ɗa jəbnatu tika gara da jəb jiganta se atu danai i kimak Yeso da gutki da ramdici jirewa be atu dlamu.
34
Se aci da ramitu, "Wun'ya bar jirewakum dgatu ngatuna keim, aji kilapiya, kura ka ngatuna kəmda kun furakəm."
35
Laktu wara aci akun rama, se dawa da nai da ridegim magita da rami ci maya, "Wieyanci bukotun gara. Ka jigta mallum gu wambai."
36
Amma laktu wara Yeso a kirimta bəwara akshi a ramau tunu se darami digim susa mayitau, "Ka kima kalaubai a barina jirewa."
37
Aci ivu nin mambai da digaci se Bitrus, na Yakubu, na Yahai Yagang Yakubu.
38
Se akshi danai i wunduwau warim susu magita, se da ki dawa a kara a na aɗan tlapar.
39
Laktu wara aci tifu i wunduwau da ramikshi, "Gaɗa gimo d
dametinakun kwa aɗan?" matkamgu mutu bai ai ayiwan.
40
Se akshi da gamsa ci se da ji nakshi gidlvuda, se aci da dibai afuk na mi magugy na dawa mi wara aɗa gayi na aci dayi riwara mayum gu a riwu.
41
Sai aci da jib aikwak wuyau, "Da ramma, Talitha koun," da rimitu, "Talitha koun, watp wuya gangam na ramikum, atu dar, I."
42
Da rituni wuyau da tli dar, I, da dlam rakan. Mi amman guma ayawa shirin, akshi guɗ da jib jabtau.
43
Aci da ramma na dabaretu bikta, amman da gabɗakshi da rame nin wambai be wakatu.