¹ Yeso a gugza a miya anku, se ndawa gawa danai i ri gǝri, se da tefin gǝri kun daragai am dan mbasun sengeri ndau dar'i a jigam anku gu ² Dajib gugzekshi i kun gaginawa da ramik shi ma, ³ "Baci ruwai ji zǝgem kam gǝri ⁴ A ci a zegǝm gu tǝn, zadakgu jǝgab da pi nakshi i ɗa dǝvo, se datuten da chicdidu. ⁵ Zadakgu jegab da pi nakshi i aɗa gugiyak, ri na gagai bǝlan bai; da verenakshi, amman gagigu bǝlan bai. ⁶ Kema afatǝn se da samadinak shi gaɗa dawu arau bǝlan bai da wundinak shi. ⁷ Zadakgu gafakai wam da pinak shi kun jijim, da rawunak shi amma jijim gu da zhibnakshi da kurna ɗi aɗa. ⁸ Zadak gu jǝgab da pinak shi iɗa gagiwak bǝlan mi na vuru da 'yawi tlapar jǝgab gumu kwan, gafikai gumu zedu nye danamak." ⁹ Se achi ma, "Babu aguɗ kǝrǝmtau da kǝrǝmumta!" ¹⁰ Sartu Yeso, rugǝri, se ndawa jǝgab na pakuraucin gǝri da jaya ci i ɗak gaginawa na rama gu. ¹¹ A chi da ramikshi ma, "Kuntǝn nda bardikun assir bǝk dǝsku amman i gafikai se i kun gaginawa rama bin a zigigu bai!" ¹² Gaɗa akshi fatawanke a lawan, i, a lawan amman lawan biwu bai, zam akshi a kǝmugu i, a kumugu amman yakintu be me akshi a kǝrumtau bai gaɗa wange megenyi a tubta dikshi aibabik shi." ¹³ Zam da ramik shi ma, "Ko zam kwa yakintu gagǝnawa ramagu bai? kwa zigi gagǝnawa ramau jigab nana? ¹⁴ Babu ruwai mi dlam zǝgǝmu zadak gǝri aci ne babu zǝgǝm tilam ¹⁵ zadak mi vigi da gagiwak akshi ne mi kǝremtu na rama Sǝku akshi dlam pidǝm i kunu bai se lispir da gǝnna ramau da gishak shi. ¹⁶ Zadak mi wara vegi i aɗa guguyak atu ne gǝn na ramau Sǝku na jirewa ¹⁷ ki sartu rap amma gaɗa dlam pidǝm i kunu bai, jaraba lispir na duniya, gada rama se tlǝlam da vǝgǝnakshi ¹⁸ Jǝgab mi pe gadavak jijim akshi ne mi kǝrem tuna rama Kasku, da gǝndu, ¹⁹ amman jarabak duniya, na inuta birǝd na ntu kǝmu karak duniya da jigtenak shi karak duniya da jigtǝnakshi da kurna dlamekshi paida. ²⁰ Zadak mi wara vǝgu i aɗa gagai bǝlan kǝma ramau tǝn da gendu na gishakshi duk, da dlam paida ribu gumu kwan har nye danamak. ²¹ Yeso da ramikshi maya, "Kwanpi petila i kun sǝsau kwan pidu i kun dabǝr ko i diɗa rakai? ai kwan pidu i dǝsku baya gaɗa da bari payan. ²² Go ɓe mi wara a vere patata bai, mi da ɗibsu zam go asir me a vere patat bai. ²³ Nǝn tawanke na aguɗ kǝrumtan da kǝrumta!" ²⁴ A chi da ramik shi ma, "ampina hankal iɗak be mi kwa kǝremtau, gaɗa be mi kwa ngaltu na atu da ngalte kun atu har na sǝkuna. ²⁵ Gaɗa nǝn na be gawa da bari ci gawa, nǝn na be bin nda genna fencik mi aci na atu." ²⁶ Da ramma garva sǝku dlam gǝnawa na babu zǝgem zada gǝri i aɗa gagai. ²⁷ Aku zǝgǝm dayi dafjin gǝri ɗa dlanu tun zadaggu da veren gara, amma aci ziga yada zadak gu vǝre bai. ²⁸ Waka tawanke a vǝrayi da kun gagai, da dlam gabta na aguɗ na ayawa i kun ɗigu. ²⁹ In zadak gu nawan garan, a tatkana gagenawa gada lakwtu karam dlamungara" ³⁰ A chi da ramma, "Na kaktla garva sǝku na tam, ko zadak gagǝnawa rama tawan na kaktlau na atu? ³¹ Dlam genawa na ngaber gaɗa a tune gangam i kun zadak i kun duniya. ³² Duk na kasǝn nda zǝgǝm nǝn, a vera da rawi da dlam marum waka mi wara dutaten dǝsku a mbasu da dalm sakakinshi i kunu." ³³ A chi gugzigshi na gagǝnawa rama kaki mi akshi a yakintau, ³⁴ ngalte aci gugzekshi be bai se i kun gaginawa rama amman aci rugeri nǝn se da tatki i pakuraucin giri. ³⁵ Gafau, aduwaw da ramik shi ma, "Wada da baka tew." ³⁶ Zam akshi da tli daivǝ na algu akshi na Yeso tunda aci a kun daragai am gafikai ke ada gayi na akshi. ³⁷ Se zuwak na am mi awayau da tlai i kun anku gu da ni yi na kun daragai am gu tlar. ³⁸ Amma Yeso sartu a yuwan i kun daragai, akshi da lathlaci da yuwan gu da ramma, "Mullum ka lawangu waye mutunawa?" ³⁹ A ci dan da tli da gǝrnyi iɗak zuwak anku gu da ramma, "Salam, a roci nakǝm se zuwak anku gu dar in gara kidak kaki na be wakatu bai. ⁴⁰ A ci da ramikshi ma, "Kwa kalau gada gǝmo? gusku yaye kwa bar jirebai?" ⁴¹ Mak se kalau da jeɓnakshi da rami gatukshi ma, "Su wam tai, Kasau har zuwak na am anku a kǝrim ta gǝri ?"