1
A ci tufuwam i susau magita na nin ɗagai ,iwara amigǝri gasak.
2
Sǝi dawa dapchi na daki ko aya ngatina warau i gafa subduwa gada akshi da jib aibu gǝri
3
Sai yeso daramio i nin miwara amigiri gasakgu, "Atli dar'i gadava ndawa"
4
Sai Yeso da ramindawa ma "tawan kalkal da dan dalam be blan gafa subduwa ko gapshi ndari aro ko datki?" Sai ndawa da dlaminaakshi shiru.
5
Sai a ci daki ndawau ikun shitina, na tlumat gǝshi gaɗa kurna ramak suku na gauɗak aɗakshi, sai Yeso darami i warau "Abaren amici" warau bare amigu tǝn, sǝi amigiri dan dagatingara.
6
Sai parrisaucin da virinakshi kaɗe da nupki aɗak shi na nda Hiridus i da devu ta wan akshi a be giri gaɗa datkina ci.
8
na Urshalima na ɗa Edom na ɗa miwara a akau anku Urdun na lardi ɗa Taya na ki Sidon, ndawa gawa, akshi kima be ajab miwara a tlamau, sǝi algi da virai nakkadabai i ri giri
9
Yeso da jayi pakuraucin giri da bareci daragai amm, gada algu tlamnakshi gawa, gaɗa da jimbilaci bai.
10
Gada achi gatina ndawa gawa, da fura tawanke, algi atkani gaɗa dan da lintaci
11
Lakto tawanke ndak zuwawin ikacin sai da dagaminakshi kǝma giri da dawi kurwa ma, "ci ne wun Kakasku Mula."
12
Yeso da gabdakshi da ramikshi ma nda ziga bai.
13
Sǝi Yeso da gayi da gayi da gugyak da dauri ndawa miwara aci ancu akshi da nai i rigiri
14
A ci cikɗo nǝn guma aywau shirin (da barekshi dlagun mawanaucin), gaɗa akshi a dlapa na aci gada wanakshi da dlam wazik ki herr suku,
15
Bardikshi kirmai kidi zuwawin.
16
Sǝi ndawa guma ayawau shirin mi aci wanau Simon wara baci dlagun Bitrus
17
na Yakubu wun Zebadi, na Yahai yagana wara aci barikshi dlagun Bartanawus, miwara barikshi dlagun girin Kakasku.
18
na Andarawus, na filibus, na Bartalami na Matiyu, na Toma, Na Yakubu wun Alfa, na Thadayus na Saminu Bakan'ane,
19
na Yahuda Iskariti miwara aye barna aci.
21
Laktu miwara nda giri ika kasun, akshi anchi da jibina aci gaɗa a tumangu akun ankal giri bai.
22
Ndak taran wara dǝw da Urshalima ramma "A ciu na Ba alzabuba, a dlama wanaktu na kirmai zuwawin gaɗa sun ne a di zuwawin
23
Sǝi Yeso da ɗaurakshi ida gayi da barikshi rama na gagǝnawa ma " A dlama nana lirpir daji lispir?
24
Garva ɓiringara a zhiya i gadavakshi, garva tǝn a bik mbasu kilapiya bai
25
In wunduwa birin gara shirin, wunduwatunu abǝk mbasu likapiya bai
26
In lispir a tliri na aɗagirin , aci cam a riɗi bai gada aci ye den giri i dadigiri giri
27
Go nǝn miwara a tufe wunduwa babu awayu da dlam kǝra, taksu baci awayau gu bai sukur dam ba da tlamici kǝra i wundiwaw.
28
Jire naramekun gid aibu wara nǝn gaywa a dlamau da tǝp ta dici ko ndak rama ngadar na thgun Suju wara akshi a ramau,
29
amman nǝn tawanke nangi Nunuwa suku nǝn nda tiptau bai gada tlmna aibu miwara go tupta.
30
Yeso rami sutuku gaɗa akshi a ramau ma ' Aci na zuwawin ko a wana na zuwaawin
31
Sǝi migiri na yaganaucin giri danai i vǝda akshi da wani ci ma danai.
32
Ndawa mi basu i dantau na a aci daramici ma "Mici a vǝda amaka ci."
33
Daramikshi ma, "Migan tai, i na yagana nǝn ga?"
34
Sǝi daki ndawa wara dan mbasu vaikina aci da ram maya, "Aikina ndagu wara akshi ne miganai na yaganaucin ganai"
35
Gaɗa gid nǝn wara dlam bǝwara afukga, akshi ne miga na yagaucin ga