¹ Aku yuwan rab aci katau da kaparnahum, se nda kǝmi ma, aca wunduwa. ² Se ndawa gawa da cacpai, har da cǝmi na rawanke, se Yeso da ramikshi rama Suku. ³ Ndawa dagai da ni di ci baci ranu; kare acin ndawa fudu. ⁴ Akshi a dǝmu ni damtu gǝri bai, gaɗa algu tǝn, se da ji na palla gayi gayi ke adak sǝsau, da palla mi Yeso dambasu, da wurte baci ranu i kǝma gǝri. ⁵ Yeso ikau immani ndak ni na aci tǝn, se da ramici ma, "Wunga nda tuptudici aibabinci." ⁶ Malamcin dumaya jǝgab dan mbasu a riwu, se da rami gǝshakshi ma, ⁷ "Nana waratku a rama kasau? A sabo! Tai adǝmuna tupta aibu banda Kakasku rugǝri?" ⁸ Yeso zǝgadu akshi atǝka darrurra biwu i gǝshakshi, se da ramishi ma, "Kwa darrurra sau a gǝsha kun gaɗa gemo? ⁹ Tawan rǝmadu, 'Nda rami baci ranu ma nda tubtudici, a dlam rakanci? ¹⁰ Amman gaɗa kwa zegi ma wun genin na kǝrmai tubta aibu, se da rami baci ranu, ¹¹ "na rameci, atlu ami bucaci kayi naci wuduwa ci." ¹² se da tli kǝrat da mi buci gvri da verin gǝri da wunduwau i da tike, ndawa jabtu, da saksakci Suku a ramau ma, "Ngalte jaika be kasau bai. ¹³ Yeso da vure wam i miya anku, algi gawa da nai i rǝgi, aci da dlamikshi gugza. ¹⁴ Aca nuta tǝn, daiki Lawi wun Alfa dambasu i ri gǝn arajo, da ramici ma, "Aɗgen iyu" se da tli da ɗegaci. ¹⁵ Lakwtu mi Yeso a ta masana i wunduwa Lawi tǝn, ndak gǝn arajo gawa na ndak aibu ke a takta na aci na pakuraucin gǝri, gaɗa akshi gawa ɗege aci. ¹⁶ Malamcin dumaya mi akshi parisaucin i ka Yeso ata masana ndak aibu na ndak gǝn arajo tǝn, se da rami pakuraucin gǝri ma, "Gaɗa gemo aci ta masana na nda gǝn arajo na ndak aibu?" V 17 Yeso kǝma kasǝn tǝn, se da ramikshi ma, "Ndawa mi na kelapiya a tǝka anci baci kwargun bai, se ndak fǝra rukshi. Na dew daura ndawa mi go aibu bai, amman gaɗa ndak aibu. ¹⁸ Pakuraucin Yahai na ke parisaucin a tǝka asham. Se ndawa dagai da nai da jayi Yeso ma, "Gaɗa gǝmo pakuraucin ci a dlamau bai? ¹⁹ Yeso da ramikshi ma, "Mangaucin ango a dlam asham bai lakwtu mi ango a witakshi?" Ai angogu a witakshin, akshi a dlama asham bai. ²⁰ Amman yuwan ayeni mi nda ma na angogu da rikshi, to, i lakwtu, aksha dlamana asham. ²¹ Na nǝn mi a danka karara bakta i gamana kare bai, gaɗa karara baktau a tlmpiya na gamana kare gu tlaparr. ²² Go nǝn mi a dasa karara am i kun gamana janjamya, binin janjamiya a dladingara nda bakena am inabigu dǝk. Da miya kasun, a pina kararra inabi i kun karara janjamiya. ²³ Yesu ɗegi da kun kam au gafa putu yahudaucin, se pakuraucin da jǝb ketl aɗa augu. ²⁴ Parisaucin da ramikshi ma, "Aiki, gaɗa gǝmo akshi a dlamak be wara kalkal bai i gafa putu yahudaucin? ²⁵ Yesu da ramikshi ma, "Ngalte kwa karatu be mi Dauda dlam bai lakwtu mi aci na nda adageri na tetken, zam na maya ²⁶ dayi wunduwa kakasku lakwatu abiyata a masem paris, da ci burodi mi tike bai a atau se parusaucin rukshi, har da bari jǝgab i ndawa mi a ɗa gayi na ci ke da ci? ²⁷ Yeso da ramma, "Gafa putu yahudaucingu dlam gaɗa nengaiwa, amman nǝngaiwa nda dlamaci gaɗa gafa putu yahudaucin bai. ²⁸ Gada kasǝn, "Wungǝnen, megenyi, harke gafa putu yahudaucin.