¹ Gaɗa kasən, I Bulus pərsina Yeso Kiristi gaɗa kun ndawa mi ziga Səku bai. ² Na tumantu kwa kəmadu na kərmai Səku na tlam ga na babu wanagəri gaɗa kun. ³ Na tarnu kaki yanda nda tatikanai da ri məgənyi na zigi. Su jirewa mi wara da dəpsu na tarini kun. ⁴ In kwa karantatun, kwa ganetana be miwara ne kau a kun jirewa mi wara da dəpsa game na Masihu. ⁵ Zaiya nda wachi jirewa tuku akshi kutli nəngayawa ba zigaba. Ama gusuku kasau Nunuwa Səku da tatkidu i ndawa muwanauccin na nabauccin da thlan wana tuku. ⁶ Jirewa nda dəpsi ndawa miwara zəga Səku bai, wa na akshi duk be gayi, wa na gado akun alkawar Yeso Masihu da ri kəmu herr gəri. ⁷ Na thlan mugu guzub herr tuku da ri bari Səku gaɗa wana na awayau gəri. ⁸ Kakasku bara bari tuku, ko yaye i gamgam akunu ndawa na aibu bai ki Səku. Baritiku ma nayi na labar i ndawa mi ziga Səku bai. ⁹ Bari Kakasəku mi bara ma nayi na labar gəri i rawanke i tike. Be wara Kakasəku shiryatu shiri tuku amman na aman da dəpsa wachi nda tlam be tawanke. ¹⁰ Shiri tuku, da wana tuku da ri Ikilisiya gaɗa garvauccin na nda iko da zigi na tanke be miwara Səku anchu. ¹¹ Su a wakatu gaɗa kaki ntu Yeso məgənyi. ¹² Gaɗa Masihu wa tlam nawa be getak na wa na awayau gaɗa bari jirewa i kun gəri. ¹³ Gaɗa kasunu kwa lolotanbai gada kabine na ravan mi wara na sau gadakun. Su gu gaɗa sasaktakun. ¹⁴ Gada kasən napa kufu i ɗa, i afawa Səku, ¹⁵ babu thlama yal tawanke ki dəsku na ɗa mi wara achi bariwa dlugun. ¹⁶ Na magita Səku da bari kun liman a kun kərmai gəri, da dauzi kun na awayau Nunuwa ki Kakasəku mi wara a kuna kun. ¹⁷ Na thlam migita da tlabi a gizhakun na aro kun i kun jirewa ntau, da thlam aro i kunakun. ¹⁸ Kwa bi awayau na sanuta kun dakun na ndak bar jirewa, kwazigi na datu nana, na gazibir na atlau ntu Masihu. ¹⁹ Ma kazigi ntau məgənyi Yeso rima na awayau zəgaya, Səku aniya chi na niya gəri ki Səku. ²⁰ To i aci wara a dəmuna tlama be dəkana be wa jayau ko wa kararamtau dari kunawa. ²¹ saksakta da tlabi ikun Coci na i Masihu Yeso i zaman mak wara go dadegiri. Amin