¹ I gada kasən, wun Sarka gaɗa məgənyi, na wilakun kun kwa thlan rakan kalkal na daura mi nda daurikun. ² Na wilakun kwan mbasi na gizhi getak na ankal na kəmar, kwantuti tike na gizhi gayi. ³ A thlamina tanke mi kwadu mudu aɗakun ikun Nunuwa Səku gaɗa kwambasi kəlapiya. ⁴ Na təka gayi na Nunuwa Səku gayi, kaki mi nda darikun ikun dawa aro gayi na daura mi nda thlamu. ⁵ A tiro wane Məgəngyi gayi, bari jirewa gayi, Baptisma gayi, ⁶ na Kakasəku gayi afək tike, aɗa tike, darik tike na kun tike. ⁷ I nən tawanke i kunawa dabar dici herr kalkal mi məgəngyi ngaltici barik Yeso. ⁸ Ati kaki mi kakkadi Səku maya: "Lakwtu mi gayi duskunin, dayina guzabccin gu ikun guzapina sai aci da thlan bari i ndawa". ⁹ Ma'ana, "Ahci thlangiri", kwa fahimtatu tam, in gaɗa ma waci fuwen gəri ɗa bin? ¹⁰ A chi me fuwe gu nən getak mi zam aye gaya wam i dəsku pədəm, gaɗa achi gafa aniya na tanke. ¹¹ Masihu bari jəgab da thlabi mawanauccin, jəgab da thlab Nabauccin, jəgab ndak nyana rama Səku i ndawa, jəgab makwatauccin, jəgab mallamccin. ¹² Aci barikshi wana tuku gaɗa da kilci nda gəri mina aibu bai. iɗak wana mi akshi a thlamo gaɗa dalmi təka Masihu. ¹³ Daci kəma na ləma tika gəri se rime duk wazada nipka aɗa bar jirewa na zigak wun Kakasəku, zam wathlam zigaya suki mi aniya na bar jirewa wa ikun Masihu. ¹⁴ Masihu limanawa i dizku gaɗa wa thlaba mamu wambai me nda babatakshi bai kaki zuwak mi aye kəma na akau, zuwak tawanke ki gugza da wuye du na dabarak ndawa ikun shiyata papiya. ¹⁵ Gaɗa kasən aramina jirewa ikun ntau, wa rawayi ikun dəvu tawanke i kunu gəri achi babu aɗau, Masihu kenan. ¹⁶ Masihu ləmu təka gayi nda nəbkədu da thlan wana gayi da dawi təkau darawi dalmi aɗa gara ikun ntau. ¹⁷ To na rame kun, katanas na rame kun wam ikun dlugun Səku, gaɗa kwambasa kaki kirɗauchin bai me zəga be bəlan bai i kun agithikshi ¹⁸ Ndawa ayiwa ikun zigaya aro. Riksu gaɗa rashik zigaya mi akunakshi, gaɗa gaudak gəzhi gəri. ¹⁹ Akshi a zhurubai da barna aɗakshi rashik ankal, da jəb thlama be bəlan bai tawanke. ²⁰ Amman sun be mikwa gugza aɗak Masihu bai. ²¹ Da thlaba ka be kwakimana koko gəri, kuma nda thlamikun gugza i kunu gəri, kaki jirewa akunu Yeso. ²² Nda gugzhikun kwabzina zada mbasukun ku wachi kwai vina gamana be bəlan bai mi kwa thlamau waci. Gamana be bəlan bigu mi a thlimid kun kwa thlam be bəlan mi a thlimikun kwa thlam be bilan bai. ²³ Na gugzikun kwa thlab karara ikun Nunuwa Seku ki gizhakun, ²⁴ kwa thlan nakun karara ndawa mi Suku thlamak shi ikun ginawa geri, ikun jirewa adalta na rashi aibu. ²⁵ Gada kasin, kwa thlama papiya bai, tike da rama jirewa i makaput geri gada wa be gayi. ²⁶ Amina gizhi amman kwa thlama aibu bai. kwabza afa davgi bai kwakwun gizhi. ²⁷ Kwabza lakwtu bai i lispir. ²⁸ Nin me achi a kiran da thlama kira wambai. Da thlama wana, da thlama wana na aikwak geri, gada aci dabi be mi wara aci a baaru i nda mi na jigtu. ²⁹ Kwabza rama mi bilan bai da virai da miyakun. A thlamina paida na tilam mi alum ndawa i disku, idak be mi akshi anchu, gada be mi kwaramo da thlap da banaci ndak kirimta kun. ³⁰ Kwa thlimta aro Nunuwa Kakasku, dari geri na wabik ra. ³¹ Awayina na dugwagwak aro da gizhakun na gishi, na thlira, na nanga, na be mi wara duk ki lispir. ³² Athlaba ndak ankal i gadava kun, kwalawan tausayi adakun, kwa tipta aibukun, kaki mi Kakasku ikun Masihu tuptiwa