¹ Gaɗa kungu gamtak ikun aipapin kun. ² Ikun aipapinkun ke waci kwatlam mbasu iɗak zaman duniyabu. kwa tlam mbasakun i kun kərmai lesper aci ne nunuwa wara a wana i gezhi kutli mi a kəmu rama bai. ³ Waci gəd ja tlam mbasu i kunakshi ja tlam be gabshi mi gezhaja anchu, ja tlam be təkaja anchu nabe mi adaja ntutu ja tlam naja kutli shaidan Səku, kaki ga gezhin ndawa. ⁴ Amman Səku ikun kanjino gəri gaɗa marem ntau kwina mi tatkew. ⁵ Lakwatu mi wa gamtak ikun aibabin wa tlitnawa iɗa gayina Yeso, gaɗa herr da ri nakun. ⁶ Səku tlatli nawa i ɗa gayi na Masihu, da bariwa ri mbasu ikun janna gaɗa Yeso. ⁷ Gaɗa zaman mi ni da tatkija liman herr gəri mi wara da demu kaktlaubai dari Masihu Yeso. ⁸ Gaɗa dara kun dari herr na bar jirewa sutku wana aɗakun bai, atu barine dari Səku. ⁹ Herr wanakunbai. Gaɗa sun, nən tawanke da tlam varariyabai. ¹⁰ Gaɗa wa wana ami gəri, da tlamiwa ikun Yeso gaɗa ja tlam wana bəlan wara duku seperati wa tun waci gaɗa wa tlam rakan i kunu. ¹¹ Kasən asgina waci kun dawami zəga Səku bai ikun təka. Da daurukun, "Ndawa mi go wuda" be da daurau "wuda" ikun təka da dlamau na amai. ¹² Gaɗa i lakwtu kun ga barak na Masihu. Gaɗa kun magirafccin i nɗak Israila. kun megerafccin i kun alkawar ki Səku. Kun na Suku bai i kun Duniya. ¹³ Gaɗa waci kun pədəm na Səku da de nakun i dantau dari dədəm ke Masihu. ¹⁴ Gaɗa Masihu acine salamwa aci mi dawu na gəd shiringu iɗa gayi, aci rubgina garu mi bira na gadavaja na Yahudauccin. ¹⁵ Gaɗa tlapina linok dumaya dari bar tika gəri gaɗa da tlam kararanin ikunu gəri, gaɗa sun da tlam salam. ¹⁶ Masihu salantu shiringu, da tlam nakshi təka gayi i kun Suku dari dəm tliga, da sunu dar'yi na gabau. ¹⁷ Yeso dew tlamikun albishir salam kun dak pədəm na dek dantau. ¹⁸ Gaɗa dari Yeso gəd na dəvo ikun Nunuwa herr i ri Afak. ¹⁹ To gaɗa kasən, kerdadin, kun chan kun magirafccin bai, kwa tlam nakun mangitu ke bi aɗa na ndawa mi go aibu, yal Səku cham. ²⁰ Miwara nda ləmu i vəkshi dama ke muwanauccin na nabauccin, Masihu Yeso achi ne marum guguyak mi ndampa ləmau. ²¹ I kun gəri gəɗ ləmau jəb təkakshi atkarawa da tlam nakshi səsu nakwana ke Səku. ²² Ikunu gəri ne gəd kun da tlamkun ida gayi ri mbasu ke Səku ikun Nunuwa gəri.