¹ Gususku gaɗa ni Mǝgǝngyi Yeso Masihu na capta wa gaɗa wa dlaɓi i aɗa gayi na a ci: jaya kun yaganaucin, ² kwa dlaba na tlatla ankal bai ko dameta, ko dari Nǝnuwa, ko dari kǝmu labar, ko na kakkadi ko wara vire dari ja, lakwtu mi nyi Mǝgǝngyi zaden gara. ³ Kwa iva ɗagai da lǝvati kun bai i dǝvo tawanke. Gaɗa yǝwan gu a ni bai se gafo gu jibku nda da tatki nǝn baci tlatli a kan wara matau dagu. ⁴ Sutuku a ci makuri, a gǝtlap aɗa gǝri, datkina gǝd mi da ɗaurau Sǝku ko da dlamaw nakwana. Gaɗa kasǝn mbasǝn gǝri i ɗa i ri mbasu Sǝku har a daura aɗa gǝri ma a ci Sǝku. ⁵ Kwa dǝmuna tana lakwtu mi wara na ɗa gayi na kun na rami kun i ɗa zaɗa be kasau? ⁶ Gususku kwa zǝgina be wara dabtaci da tatǝki aɗa gǝri i tike, gaɗa a pakayi iɗa lakwtu mi danpau. ⁷ Gususku wun tlatli ankal mi wara dasgabai, da ɓandi du, amman biwu a wakata bai se da mana nǝn wara a dabtau. ⁸ Dakunu wun tlatli ankal gu Yeso Mǝgǝngyi a tǝk na aci na kǝrmai mafiya gǝri. Mǝgǝngyi a ka ci na a ci be wambai, da ri pakayi ni gǝri. ⁹ Ba ci tlatli ankal gu ani i kun kǝrmai ke lǝspir a dlama wana ki bik ajabta, na tatǝka kǝrmai, na wana dagwar kǝ papiya dama dama, ¹⁰ zam na lǝvata ke rashi jirewa. Bik tuku a dlama nakshi kǝ ndawa mi a dayunakshi, gaɗa akshi kurna gǝn ntu jirewa gaɗa da bi ra. ¹¹ Gaɗa sutuku Sǝku wanedikshi sanadi ɗayu gaɗa bar jirewa i papiya. ¹² Be mi aye wakata gǝd shi da dlami nakshi kagala, kǝ da kuri jirewa. zam akshi a kǝmu karak akumu karak rashi jirewa. ¹³ Amman ja ja bari sambarka i Sǝku fatawanke gaɗa kun, yaganaucin mi wara Sǝku ancu. Mǝgǝngyi cik ɗi kun in mbasu kutli sǝkur gaɗa ra dari viya aipapin kun dari Nǝnuwa Sǝku na ntuta bar jirewa wa kun. ¹⁴ Su tuku atu be dawu da dauri kun da rik labar Mǝgǝngyi mi wara ja rami kun kwabi saksakta ki Mǝgǝngyi Yeso Masihu. ¹⁵ Gaɗa kasau yaganaucin, ardi na bǝlan. kwa jǝb aɗa mi wara na gugzi kun ka ki tǝlam ka ki ke saktu. ¹⁶ Gususku ar'i Mǝgǝngyi Yeso Masihu na Sǝku Afǝwa na aɗa gǝri mi wara ntutu wa da bariwa viji gǝshi mi go dadigiri na dauzata gaɗa i kǝma da ri herr, ¹⁷ a ci jǝb na ami kun zam dauzatina gǝsha kun i ɗa wana tawanke na tǝlam.