¹ Bulus na Sila na Timoty i nye i coci kǝ Tassalonicaucin i kunu Mǝgǝngyi Afǝk wa dari Sǝku Afǝk wa na Mǝgǝngyi Yeso Masihu. ² Herr da dlaɓi i ri kun na salam da ri Kakasǝku Afǝk wa na mǝgǝngyi Yeso Masihu. ³ Gambasak ja dlam sambarka i Mǝgǝngyi fatawanke gaɗa kun, kasǝn ke bari jirewa gaɗa da sǝkuni tlapar zam ntu kwina kun a sǝkuna. ⁴ Ja na aɗa ja ja pariya na kun i kun coci Sǝku. Ja rama kǝrmai kun na bari jirewa kun i kunu gǝd dakinekine wara kwa kunu na ayuwa gǝshi wara kwa sau. ⁵ Su tuku atu ne wana bǝlan wara kagala jire Mǝgǝngyi. Be wara gaɗa kwa dlaɓi nda garva ke mǝgǝngyi gaɗa sa kabine kun. ⁶ Adalta Mǝgǝngyi da kalakcina sa bone kun i aɗa nda bari kun ravan. ⁷ Zam da bari kun putu na ja cam. A dlama kasau i za dayi Mǝgǝngyi Yeso da dǝsku na marmamin Malǝkaucin gǝri. ⁸ I kunu aka a dawa na ndawa wara zǝga Sǝku bai na ndawa kur labar herr ki Yeso Masihu. ⁹ Akshi a sa butǝkǝnna ki bakota har dumaro dari Mǝgǝngyi na kǝrmai gǝri. ¹⁰ A dlama sau i lakwtu ni gaɗa nda ɗǝga gǝri da sakta ci kuru da dlaɓi bik jabta i ri ndawa wara gǝshu barna jirewa. Gaɗa akshi barna jirewa i ɗa be ja rami kun. ¹¹ Gaɗa kasǝn ja migita fatawanke gaɗa kun. Ja magita gaɗa Mǝgǝngyi wa dawi kun kwa zǝgi paida daura kun, dan ngumi kun bikta kun ki dlama jirewa na gafakai ki bari jirewa zam na kǝrmai. ¹² Ja magita gaɗa dlugun Sǝkuwa Yeso da bi saksakta i ri kun. Ja masta gaɗa kun kabi saksakta da ri gǝri, gaɗa herr mǝgǝngyi wa Yeso Masihu.