¹ Kasǝn ke gaɗa jana wana tuku,kaki mi ja gǝn kanjino da gishaja bai, ² Gaɗa kasǝn,jaivu duk duvu mi ki zhirau mi nda dlamau da dibsa,ja dlam mbasu rashik jirewa bai,zam ja bar martapa i rama kakasǝku.Gaɗa ja tatka jirewa,ja kuwa ja bar na aɗaja i kun hal blan i tike i kuma kakasǝku. ³ Amman in waazaja da cuma nǝn,da cuma ne gaɗa ndawa mi a ɗasu. ⁴ I kun lamar shi,kakasǝku zaman tuku cim dukshi gishaki mi rashi bar jirewa;Gaɗa kasǝn,akshi duma lawan ɓayan ki labar herr ki masihu bai,mi aci ne wak sǝku. ⁵ Gaɗa ja bar labar adaja bai,amman masihu yeso mi aci ne mǝgǝnyi zam guzabcin kun gaɗa yeso. ⁶ Kakasǝku ne rammaɓayan a pakai da kun ɗa ayuwa"da dlam parak na gishawa,gaɗa da bariwa,kada zigawa saksakta kakasǝku ikun yeso masihu. ⁷ Amman jana birǝɗ tuku i kun vakinak riba mi a dlaɓa i patata mi ɗika du i marum kirmai kakasǝku ne kija bai. ⁸ Ja sa bone da duvu tawanke,nda damuja cacac bai.Hankal ja tlangara amman, gishaja tatulu bai, nda tatikija bone amman nda wayi ja bai. ⁹ nda tatikija bone amman,nda vurkija bai.Nda dadgija amman,da lalatu bai. ¹⁰ Ja dai i fatawanke ja mana mutu yeso i kun tikaja,gaɗa nda tatiki aro yeso i kunaja. ¹¹ Ja mi ja na aro fatawanke nda baraja i mutu gaɗa yeso da dlabi i patata i kun tikaja ki nǝn gayuwa. ¹² Gaɗa kasǝn,mutu a wana i gadavaja, amman aro a wana i kuna kun. ¹³ Amman dai ja na nǝnwa sǝku ki bar jirewa kaki mi nda tarnu."Na bar na jirewa gaɗa kasin ja ramau ke"Ja ke ja barna jirewa jake zam ja rammau. ¹⁴ Ja na zigawa ma,nǝn mi i tatla yeso da kun mutu,a sukuna na tlatla ja i ɗa gayi na aci.Ja zigdu a takkana ja na kun i kima geri. ¹⁵ Be tawawke gada ku gaɗa sarta mi nda tatku herr i ndawa gawan,giɗliɓ suku ,nǝn gara,sasksaktǝ kakasǝku. ¹⁶ Kasǝn ke ja gishaja tatlu bai,ko gada kasin ki jijewa ja tika dlimatu i kun nǝnwa sǝku nda kacinaja karara fatanwanke. ¹⁷ Gaɗa sǝn,sabone ki sartu rab, a saparataja i nye saksakta mi go dadigǝri mi dukshi mi dikana gawayu rama.g ¹⁸ Gaɗa ja zaga be mi nda lawangu bine ,amman be mi nda lawangu ,be mi a sukakaya bai amman be mi nda lawangu bai atune go dadigǝri.