¹ Ja zigadu i ɗa cewan in munduwa tuku mi ja dambasu i kunu rubungara nǝn, ja na zaka luma ɗagai da ri kaksǝku munduwa ne mi nda lumna aikwak nǝn gayuwa bai. ² Gaɗa a kun tuka ja ngurgur,ja zagau nda cirupci ja na ri mbasaja ki disku. ³ Ja zaga sune gaɗa da ri curuptaja nda bi ja na tuka gaɗu bai. ⁴ To sǝn go'yuwa, sartunǝn ja kun baga tuku,ja ngurgur gaɗa dukshi, gaɗa ma jancu nda cirupci ja,gaɗa aro danci na bi mi ƙi mutu. ⁵ Nǝn mi a saparata ja gaɗa sǝn aci ne kakasǝku ne mi bardija nǝnwa gǝri i miyak alkawar bi mi aye ni. ⁶ Gaɗa sǝn ja na awayu gishi fatawnke.Jampi ankal i ɗa gafa mi ja dlam kawa I kun tǝkatukin ja puɗǝn na mǝgǝnyi. ⁷ Gada ja rakan ikun bar jirewa,amma dari lawan da bai. ⁸ Gaɗa sǝn jana awayuk gǝshi.Ngalgo ja bur na ja na tika tuku jam mbasu na mǝgǝnyi. ⁹ Se ja kaci naaci buraja,ko ja kun tika ko ja piɗǝm,dlam be mi aci ancu. ¹⁰ Gaɗa katanas tike a akitta i kuma gwajere sheria ki masihu.Gaɗa tike da gǝn ladek wana gǝri kal_kal na be aci dlamu saturni mi aci kun tika tuku.Ko be blan ne ,ko be gaɓshui. ¹¹ Gaɗa ja ziga na kalu mǝgǝnyi,ja iwa ankal ndawa.kakasǝku a lawan be wara wa kunu i patata,na tumangu kasǝngu ne a patatai kun kuraram kun. ¹² Gaɗa ma jance ja i wi ankal kun gaɗa kwaki i dak ja ndak jirewa bai,amman ja bari kun auva dlam maɗe na ja.Gaɗa jabi amsa ml kwa bari ndawa mi fariya na wanakshi,mi a dlamau ammanvda kun gishakshi bai. ¹³ To ko da ngum ja vernaja,gaɗa kun ankalja,gaɗa kakasǝku ne amman in ja kun ankalja to gaɗa kun ne. ¹⁴ Gaɗa ntu masihu katanas ne ija gȧɗa ja zigana sau ma:nda ramma,nǝn gayi mutu gaɗa tike,zam gaɗa sǝn duk nda mutu nakshi. ¹⁵ Gaɗa masihu mutu gaɗak tike,ndawa mi na aro akshi a aro gaɗa aɗakshi bai.sǝrum sǝn akshi na aro gaɗa aci mi mutu zam da tlingǝri. ¹⁶ Gaɗa sen ne, da gususku ja sukuna hagata nǝn wambai i dak ka i dak kilado nǝngaiwa ko da waci i kau ja taɓatu lawan masihu na sǝn .Amman gususku,jaivu na hagata ta tike kasǝn. ¹⁷ gaɗa kasǝn,duk nǝn mi akun masihu nǝn ,aci karakara dlama ne gamana wana duk na bai ɗasǝngara,nabi dlamnakshi karara gususǝku. ¹⁸ Duk bi tuku da ri kakasǝku ne,mi aci salotuwa na aɗagǝri da ri masihu,dan da bardiwa wanak dlam salo ¹⁹ Wato,i kun masihu,kakasǝku salotu duniya i nye ri gǝri,lambe gǝri bai na zadak aibabin nǝn gayuwa, sai aci da bardiwa wanak salo. ²⁰ Gaɗa kasǝn nda cikɗuwa i sǝrum dak wanyi masihu,ƙabe kakasǝku a wila ndawa da riwa.Ja wilakun gaɗa masihu,"adlamina salo na kakasǝku" ²¹ Aci ƙata na masihu da dlam gǝri bik samsam gada aibawa,mi aci ngalte-dlam aipu bai gaɗa i kun masihu wa bi mbasu adalta kakasǝku.