¹ Ja bandu gǝtliɓ aɗa bi? Jan wanyi taron i ɗa ja da ri kun ko ja ni i rikun kaki ndawa ɗagai, ko kasǝn bai? ² Kun na aɗa kun ne kakadu a ɗa kun i rija.Mi wara nda tarnu kun gǝshaja, kasǝn ke a karantau. ³ Zan kwa tatku kun tarian ne da ri masihu ,mi ja dedikun.Nda tarnu na kwankasak bai amman na nǝnwa kakasǝku babu aro.Mi nda tarnau duk guguyak bai amman i ɗa gǝshi ndawa. ⁴ Sune awayau gǝshaja mi ja na atu i kun kakasǝku da ri masihu. ⁵ Jana zigaya aɗa ja bai mi ja dlam gaɗa ra be dagai mi de da rija.Surum sǝn, zigayaja da ri kakasǝku ne ⁶ kakasǝku dawuja mi batadu da dlam nakshi guzab cin alkawar.Alkawar mi ki taran sǝku.Gaɗa taran shariya a tu a tǝk , amman Nǝnwasǝku a bar aro. ⁷ To wana mutu mi nda tarnu i kun shariya i ɗa guguyak dew na zadak saksakta har ndak israila a dumu lawan da musa cacac bai.Su kwa gaɗa zadak saksakca mi a da musa,saksakta mi a daman gara . ⁸ Balle ngum nǝnwa kakassǝku a ɗiki su bai i saksakta? ⁹ To in wana papiya na saksaktan,to balle wana adalci mi wara sukunungara nda saksakci. ¹⁰ Go shaka ba mi nda kata du bai saksaktǝa i waci,na gagǝhǝn saksakta bai irimu,gada zaɗak saksakta mi ɗika na atu. ¹¹ To in dai har mi dama nǝn,sǝn na saksakta;balle kuma zadak saksakta mi'a nadadigǝri bai? ¹² Tunda wana awayuk gǝshi tuku, wana awayuk gǝshi rankata. ¹³ Wa kaki musa bai,mi damu bargo da cim na da gǝri, su ne ,dabtina kutli israila da launyi dadigǝrik saksakta tun mi dama. ¹⁴ Gaɗa kasǝn tuna nak shi da dlamingara da cuma.guski yaye cima na bargogu nda dlamau a lokwtu mi nda karam tata gamana alkawar nǝn.Ndai i vatuda rupta bai,gaɗa a kun masihu ne rigǝri nda jumbulu nasǝn. ¹⁵ Amman ko i gusku yaye duk sartu mi pda karata,kakadu musan,na bargo da cima a kun gǝshakshi ¹⁶ Amman in nǝn mǝgǝnyi nǝn,nda ruptun bargogu da da gǝri. ¹⁷ To mǝgǝnyi aci ne nǝnwa kakasǝku.Ri mi nǝnwa mǝgǝnyi a riwun, na dligda. ¹⁸ Duk wa gususku,na puska mi go bargo,lawan saksakta mǝgǝnyi.Wa bi zaɗa saksakta tuku,da mataki tuku ki saksakta i nye matake,kaki dai da ri mǝgǝnyi,mi aci ne nǝnwa kakasǝku.