¹ To Nunuwa Səku randi patata maya, i damak zaman ndo jəgab a thlakdanakshi da ɗak jirewa, dampina ankal shi iɗak nunuwa lisper ndak lirata na gugza aljan, ² i kun papiya na munafirci. Gizhakshi a thlaba gamɗak. ³ A dabta na ziba na gini bikta mi Səku thlamu gaɗakshi da biri na sambarka ta i gadavak ndak bari jirewa mi zigana jirewau. ⁴ A tiro duk be Səku thlamu ro bəlan. Gaɗa chakchak be mi wagunu na sambarka akunu, kalkal bai wakuri. ⁵ A turo nda divaru dari ramak Səku na magita. ⁶ In katani yaganauccin bitiku nin ka thlapanaci guzub jirewa ki Masihu. Gaɗa nda təka thlathlaci darik ramak bari jirewa na gugza bəlan mi ka digau. ⁷ Amman akurna labar duniya mi gwangurauccin ammatua ancu. Gaɗa kasən se ka gabɗi adaci ikun Kakasəku kwina. ⁸ Gaɗa dema tika na paida rab. Amman dena aɗa ikun Kakasəku kwina, na paida ikun tanke. Atiro ikon gara na alkawar gaɗa aro tiku na aro mi ani. ⁹ Ramatuku ki jirewa batana gəni i chakchak. ¹⁰ Be dawu ja wana tukuro thlapar. Gaɗa jana dawa aro iɗak Kakasəku baci aro, babu rak ndawa mak, amman musamman ndak bari jirewa. ¹¹ Arami ka gugzi bituku. ¹² Ka kasak tabai tiye da mowi mapindi kwina ci. Gaɗa kasən a thlab naci bi gugza indak diga, iri rama, hal, ntau, jirewa na Nunuwa Səku. ¹³ Har se na dew, kar ɗabai na karatu na wazik, na gugze ndawa. ¹⁴ Ka thlama ngesta bai na bari me ci na atu me nda barici darik anabci lakwtu mi gazgaruccin barkawatici. ¹⁵ Ankalci na bitiku. Abar awayau ikunakshi, Gaɗa takəma ci da thlab dazgaya iɗak tike. ¹⁶ A shalina aɗaci na gugza mi ka thlamau. Atikina ikunak shi. Gaɗa darik thlamo kasin ka rana aɗaci na ndak kərəmta ci.