¹ Ramatuku tabbas: in de nən ntutu da thlab marum ko babu nute kəma i səsau magita, a ntuta wana bəlan rankata. ² Gaɗa kasən, dolle ne marəm Iklilisiya da thlab na bik nanga bai. Da thlab babu aama gayi. Dolle da thlab babujiba aɗa gəri babu ankal, babu ntu gəni magirafccin. Dole da thlab baci gugza. ³ Da thlab baci sa səma bai, na baci gamdaya bai. Gaɗa kasən, da thlaba babu jəba aɗa gəri, baci salam. Baci ntu dokwada bai. ⁴ Dolle da ankalti na wənduwa gəri bəlan, kuthli gəri da thlab ndak ladab na bari marum kwina. ⁵ Gaɗa in nən zəga digana wənduwa gəri bin, a thlan nana da ankaltci Iklisiya Kakasəku? ⁷ Dolle da thlab babu dlugun bəlan ikun ndak ɗa, gada kar davgən gəri kun zhirau na kun arakau lisper. ⁸ Kasən ke deaconauccin da thlaba ndak hal bəlan, ndak rama shirin bai. Mbasu bai da thlab ndak sa səma ko ndak mbamba. ⁹ Da thlab ndak jəba jirewa na gizhi bəlan sosai. ¹⁰ Kalkal ke da jəbna tatkakshi tabas, dasin da jəb thlama wana gaɗa akshi na bi nanga bai aɗakshi. ¹¹ Zam na kasin amatu da thlaba ndak jəba aɗa. Thlam bai akshi da thlab ndak ngadar. Amman ndak jəba aɗa na jirewa ikun tanke. ¹² Dole marmamin ndak wazik da thlab ndak ammatu gayi gayi: Da shalina kuthlikshi na wənduwawinshi. ¹³ Atiro ndawa mi thlan wana bəlan bana irdi bəlan gizhi getak ikun bari jirewa kəkun Masihu Yeso. ¹⁴ Na tarne kun bituku, na dawa gizhi na ni ri ci yəwan dantau. ¹⁵ Amman in naskwakwiyin ga nin, na tarne ci gaɗa kazigi yadda ka rakina na be mi ka thlamau ikun wənduwa Səku. Wato ndak diga Kakasəku mi na aro, awayau na jimbila aku jirewa. ¹⁶ Go gamɗaya idak virayu jirewa Kakasəku kwina na marim virew ikun təka, Nunuwaksəku gumbenaci, melekawaɗ dai kaci, nda Kassaktina aci i duniya, da sən ndami na ci dəsku ikun garva.