¹ Na kasin sukur na kanjino kun, nda thlama kanjino na magita, na thlamak kanjino gaɗa ndo jəgab, na bari sambarka, nda thlama kasau gaɗak ndawa chakchak. ² Gaɗa digamccin na ndak garva, gaɗa wathlam mbasu kəlapiya na mbasu na hankal i kun Kakasəku na DARAJA. ³ Sutuku bəlan, gaginak i ri Səku baci ra wa. ⁴ Ancu dawa chakchak dabi aro dayi di zigaya jirewa. ⁵ Gaɗa Kakasəku getak gəri, babu witau getak gadava Səku na nin, waro nin Yeso Masihu. ⁶ Bar aɗa gəri i raa gaɗa tike, gaɗa saida idak lakwatu kalkal. ⁷ Gaɗa kasau, nda dawayu na aɗaga, na thlaminga babu ramak labar herr na mawanak. Na rama jirewa, na rama papiya bai. I babu gugza i ndawa me ziga Səku bai i kun iman na jire. ⁸ Gaɗa kasin, nan cu gamsak me a rawanke da thlan magita ke da suktu na amikshi mi na aibu bai i dəsku, go gizhi go gardama. ⁹ Kasin ke, nan ci amatau da dawi kare mi bəlan na akshi na kachum mi ginanakshi na jibak aɗa. Kar da thlab nakshi ndak lima aɗak shi na zinari na azurfa na karek dakwda gawa. ¹⁰ Nan cu akshi da dawu kare mi kalkal na amatu me a rakan kaki mi Kakasəku ancu dari be bəlan mi akshi a thlamau. ¹¹ Ama da gugza i kun hankal na SAUKI ADA ikun tanke. ¹² Na bar dəvo i ama da gugzhi ko da tatki kərmai iɗa gəmsik bai, amman dambasa hankal gavdak. ¹³ Nda jəb thlama Adamu damba nda thlan Hauwa'u. ¹⁴ Nda jəb lavata Adamu bai, amman amo ne nda livatu chakchak ikun aibu. ¹⁵ Duk na kasin abina aro darik di kwithlai, in takima ikun barik jirewa, na ntau na rashi aibu na kunu gayi