¹ I dama, yaganaucin, ja dagwaita kun na gabaɗ i kun Məgəngyi Yeso ka ki mi kwa gə ni yarji da ri ja i aɗak mi dolle kwa dlam rakan bəlan ki ntu Kakasəku, kuru iɗa dəvo tuku rakan kasən. ² Gaɗa kwas gana yarji wara ja bari kun dari Məgəngyi Yeso. ³ Sau dlama Səku: bira kun ma kwagapi damiya tapai na dababkin, ⁴ Maya tike dazigi jəba i kun rashi aibu na saksakta. ⁵ Ka tlame tu i kun ramak ntu bai ka ki kərdaucin me zəga Səku bai. ⁶ Nən wam da ta aman yagana gəri bai iɗak zaɗak sau. Məgəngyi ba ci rama i aɗak zadak lamar tuku, ka ki mi i akau ja gabɗi kun, kuru wa shaiditudu. ⁷ Kakasəku dauri wa i be mi na aibu bai amman wa dlab be go aibu. ⁸ Gaɗa kasən, nən tawanke wara kuru sau kuru nən bai, amman kuru Kakasəku wara bar Nənwa gəri mi ko aibu i kun. ⁹ A tiro i da ntau yaganaucin, kun na jəgtu dagai da tarni kun wam bai, kun na aɗa kun Kakasəku gusgudi kun ntau yaganaucin. ¹⁰ Tabbas, kwa dlama sau i yaganaucin mak wara akun Makidoniya chakchak. Amman ja dauzata kun yaganaucin, a dlama wana dəka kasau. ¹¹ Zam wam ja gabaɗ yaganaucin, kwa dlam mbasu ki bəlan, ampa ankal i aɗak lamar kun, kwa dlam wana na aikwak kun ka ki wara ja dlami kun kashedi waci. ¹² A dlama kasau gaɗa rakan kun da dlab bəlan iri ndawa wara dlam i man, gaɗa da dlabi go jəkta wam bai. ¹³ Jan cu kwa buka sanuta bai yaganaucin i aɗak iman wara bakotu nakshi gaɗa dlab na dlimət aro bai ka ki ndawa wara na tabbas be wara a wakata i kəma bai. ¹⁴ Gaɗa in wa dlama iman na mutu na tlayi kasau ke aɗak gayi na Yeso Kakasəku a katayi na ndawa wara mutu i kun iman gəri. ¹⁵ A turo ja rame kun sau da ri rama Məgəngyi ma, wa wara na aro har ni Məgəngyi, tabbaswa wurma ndawa wara bakotu i kun iman bai. ¹⁶ Gaɗa Məgəngyi na aɗa gəri a fuwayi da dəsku a ni na adər, marəm ki wura Maleka, na adər gazhi ki Kakasəku, se ndawa wara mutu ikun iman Masihu da banji tlayi. ¹⁷ Se wa wara na aro, wara dabzhu i aɗa gayi, nda tlatlinakshi i nye dəsku, wa ta shi Məgəngyi i kun dəsku. Ka sən wa dlaɓa aɗa gayi. ¹⁸ Gaɗa kasən, adagwaitina aɗa kun na rama tuku.