¹ Gaɗa kasən, jadəma kəmarta bai se ja dlam kuraram ma kalkal jadi Atania dugo. ² Se ja wani Timoty yagana ja, baci wana ja i wazik Masihu gaɗa dagwaita na jəba ammi kun i kun bar jirewa. ³ Ja dlam kasau gaɗa dagai da kuna kun dalalwa bai i kun bone tuku. Gaɗa kun na aɗa kun kwas gadu da ɗari ja gaɗa sən. ⁴ Jirewa sartu ja ɗa gayi na kun, ja ran di kun ja dantau sa bone. Kasən dlamin gara ka ki mi kwasgau. ⁵ Gaɗa kasən na dəmu kəmarta bai se na wanai gaɗa na kəmi awayau kasakta kun i Səku. Nasgabai ko lispir yəwina kun, se da dlabin gara sa bone wa i vatku. ⁶ Amman Timoty kateu da ri kun se dan di ja labar karak i aɗak kasakta kun na ntu kun. Ra mi ja ma kwa kuraram bəlan i aɗa ja, kuru kwa pərdai lawan ja ka ki me ja pərdai lawan kun. ⁷ Gaɗa kasau, yaganaucin, ja ba na dagwaita dari kun gaɗa bar jirewa kun, i kun duk awayu gəzhi na sa bone ja. ⁸ Gusku wana aro, in wardi nawa bəlan i kun Məgənyi. ⁹ Wate zaɗa gətlab tawan ja bari i Səku gaɗa kun, gaɗa pərɗai wara jana atu i kəma Kakasəku gaɗa kun. ¹⁰ Dəvid na afa ja dlame kun magita tlapar gaɗa ja ki ɗa kun, ke ja jəbki kun be kwa buku i kun bari jirewa kun. ¹¹ Kakasəku Afəwa na aɗa gəri, na Məgənyi Yeso, dan pi ja aɗak dəvo i nye i ri kun. ¹² Məgənyi das kuna kun, ntau kun da dlam tlaparr i yaganaucin na ndawa mak, ka ki mi ja dlame kun. ¹³ Da dlama kasau gaɗa daskuni kun awayau gəzgha kun wara na bi nanga bai i ri Kakasəku Afawa. Lakwtu ni Yeso Məgəngyi na duk ndawa mi go aibu.