25
Yaganaucin a dlamina magita gaɗa ja.
26
An dima yaganaucin na ndak iman.
27
Na jaya kun gaɗa Məgənyi kwa karata sakwtu tuku i yaganaucin mak.
28
Herr Məgənyi wa Yeso Masihu da dlabi na kun.
1
Amman rama ki sartu na zaman, yaganaucin, kun na jəktu da tarnyi kun be wan bai.
2
Kun na aɗa kun kwa zəgadu gafa ni Məgəngyi ka ki ni akər i dəvid.
3
Nda kun rama mbasu kalapiya na veji aro nin, se kwabeta da nai go tasena, a dlab ka ama maɗau aɗa kufu; na dəvo di aɗa bai.
4
Amman kun yaganaucin ai kwa kun ayuwa aɗa bai har yuwan gu datase kun go zəgaya ka nik akər.
5
Gaɗa mak kun kutli bedla na kutli afa. Wa kutli dəvid bai ko ki lemakenim.
6
Gaɗa kasən wa dlam yuwan bai ka ki ndawa jəgab a dlamau. i sərin sən, wa dlama mbasu ki demai, na ke kanadi.
7
Ndak dlama yuwan a dlamau dəvid, ndak kuyo ke a dlamau kasən.
8
Gaɗa wa ndak afa, aryi wambasu i da zəgaya, aryi wa ɗawi salke ki iman na ntau na tabbas jakuwak zha ke rra wa.
9
Gaɗa Kakasəku dawi wa i dəvo hagata bai, se dəvo bi rra Məgəngyi Yeso Masihu.
10
Aci ne wara mutu gaɗa wa, gaɗa ko wana aro ko wa gamtak, wa dlaba iɗa gayi na a ci.
11
Gaɗa kasən, a barina kanadi i gatukun, ka ki mi kwa dlamau.
12
Ja taptla kun yaganaucin, a shalina na ndak wana Səku i wita kun na mərmamin i kun Məgəngyi wara ke a gabɗa kun.
13
Ja rame kun, a saksaktinakshi, kwa ntutakshi gaɗa za da wanakshi kwa dlab mbasu kalapiya i wita kun.
14
Ja dlame kun gabaɗ yaganaucin a yuwina aguɗ ndawa mi a kəmu rama bai, aɗa gwaitinakshi nda gəzhi gamtak, a banatina taskaucin kwa dlam mbasu kanadi na tike.
15
A ankaltina nən wam danguma kəmangar na kəmangar bai, gaɗa kasən, ata kəma na dlama be bəlan i wita kun na tike mak.
16
A dlamina pərdai fatawanke.
17
A dlamina migita na pashi bai.
18
I be tawanke a godota. Gaɗa satku ne ntu Səku i kun Yeso Məgəngyi gaɗa kun.
19
Kwa dapta wana Nənuwa Səku bai i wita kun.
20
Kwa muwa anabci bai.
21
A kaktla be tawanke; kwa jəb be wara kuna ntu bəlan.
22
A gwapina na kun i be wara genawa na kəmangar.
23
Kakasəku baci salam da dlama na kun ndawa mi ko aibu. Nənuwa, na gəzha kun, na təka kun da dlabi bəlan, ko aibu, gaɗa ni Məgəngyi Yeso Masihu.
24
Baci daura kun baci jirewa, ke ba ci dlamau.
25
Yaganaucin a dlamina magita gaɗa ja.
26
An dima yaganaucin na ndak iman.
27
Na jaya kun, gaɗa Mǝgǝnyi kwa karati saktu tuku i yaganaucin mak.
28
Herr Mǝgǝngyi wa Yeso Masihu da dlaɓi na kun