DCS-Mirror-krispy_gvl_rut_text

Loo kayai'n 3

¹ Naomi um Rut ǝdǝ'n ndɔ kare ǝdǝ nɛ: ngonn'm kɨ dinyen ta kɨ ɔjǝ dǝ sang rǝb ndi maj lǝi nga, ma m'ra kagǝ' nan le ta. ² Maj kad i gǝr titɨ kɨ Boaj sǝ ngann njekulǝ gɨ lǝnn kɨ dinyen kɨ i ra sǝ dǝ kulǝ nga, ei nojǝ jǝi gɨ. Loo sɔle nè nga è a too ko kɨ tana sǝ gɛ̀mɛ lǝnn kɨ d'um dǝ nan't ndaa ndɔr'tɨ. ³ Maj kad i ndogo mann, dum ubu kɨ ǝtɨ nǝl sunun rai't a tabai i t'ulǝ kubugɨ lǝi kɨ maj rai'tɨ a tɔ ɓaa aw i nda loo kɨ a undǝ ko kɨ tanan sǝ gɛ̀mɛ lǝnn tutɨ nga. Nè maj kad adǝ usǝ nya eke ain nyan mbak ɓita i tɔjǝ rai adǝ gǝri ɓai. ⁴ Loo kɨ è a too nang lǝ too ɓi ɓaa, i tǝr loo kɨ to'n maj an ɓaa ag ngɔr kɨ rann't, utǝ tà kubu kɨ kǝ'n njann ɓaa i too non. Ɓaa a tɔji nyan kɨ a ra ɓai. ⁵ Rut ile dǝtɨ ǝdǝ nɛ: ma m'ra nyan gɨ malang kɨ ǝdǝ nè. ⁶ E ɔtɨ aw loo kundǝ ko'tɨ, ra nyangɨ malang kɨ umǝ'n kɨ dinyen unn ndunn kad ra sǝ tà ɓar'n. ⁷ Boaj usǝ a an-in a ɓaa ra'n nǝl'n ngain, tabai ɔtɨ aw oso too nang tà ko'tɨ taa nan sǝ gɛ̀mɛ kɨ d'ur kugu dǝ nan'tɨ. Ɓa Rut ree njèke utɨ tà kubǝ kɨ Boaj ilǝ dǝ'nt tǝdǝ lǝ k'an jann a tǝl too kɨ non a tɔ. ⁸ Dann loo ɓɔp ɓaa Boaj tur rann ɓaa an titɨ kɨ dinyen kare too njan't. ⁹ E dǝjǝ'n ǝdǝ nɛ: ke è i nan wa? Man Rut, ngonn njekulǝ lǝi kɨ dinyen. Taai tɔ nják an dǝm, tǝdǝ k'è kɨ i njenojǝ kɨ mbain nga i njekan dǝm. ¹⁰ Boaj ile dǝ'tɨ ǝdǝ nɛ̀ majǝ kad Njendisǝnon tɔr ndun'n dǝi'tɨ ngonn'n kɨ dinyen nyan kɨ i ra nɛ̀ nga tɔj tàr kɨ i tár umi kɨ dinyen. Nyan nɛ̀ nga ur dǝ ei gɨ kɨ i ra dǝ ɓa ta. Ɓainlea, né a ai-in ngɔd go ngann balsagɨ kɨ ei njendoo eke baw gɨ. ¹¹ Ɗarine ɓaa ngonn'm kɨ dinyen, i ɓel le: ma m'ra nyan gɨ malang kɨ i dǝjǝm, tǝdǝ doo gɨ malang kɨ loo kɨ nè'tɨ gǝri titɨ kɨ i dinyen kɨ kanm.dǝjǝm ¹² Man njekan dǝi titɨ njenojǝ kɨ mbain ngă è kum kuwǝ, nè njenojǝ kɨ mbain dum'm è non. ¹³ I tǝl i too nang nè i ngonm tà lookar ɓaa bare sǝ ndoge j'a j'aw lǝ kad m'nè doo kɨ ɔjǝ dǝnn lǝ kad an dǝi kɨ è njenojǝ kɨ mbain nè nga ndig ɓaa, è tà lǝnn kadǝ an dǝi. Kɨ né è ndig ɓaa, majǝ kade ra nyan'n. M nè è ndig le ɓaa munn ndum madi, titɨ kɨ Njendisǝnon ndii'n kum gajǝj nga ma m'ɔr kurǝ kan dǝi nè dǝm'tɨ kɔk. Nè maj kad i tǝl i too nang saar bare sǝ ndoge. ¹⁴ Rut tǝl too nang nja Boaj't saar bare sǝ ndoge, go'tɨ gugu è in tà gir loo'tɨ loo kɨ loo too gundu-gundu kɨ doo asǝ k'an madǝ'n gǝr tǝdǝ Boaj ǝdǝ nè maj kad doo ger titɨ kɨ dinyen too loo kundǝ ko'tɨ nɛ̀ nga le. ¹⁵ Kete ɓita kadǝ Rut aw ɓaa Boaj tam ǝdǝ nɛ̀ adǝm kubu lǝi kɨ ilǝ dǝi'tɨ, uwǝ tà maj. E uwǝ tà kubu nɛ̀ kuwǝ tɔ. Ɓà Boaj mbɔj njar ko asǝ kilo kɔrjoo gidǝ mi um kɛ̀mɛ a, uwǝ undǝ dǝ Rutɨ ɓaa è aw'n kɛ̀m ɓee-ɓò tɨ. ¹⁶ Loo kɨ Ree tee kǝi ɓaa, è unn tà dǝjǝ'n ǝdǝ nɛ̀̀: ngonn'm kɨ dinyen ke nyangɨ rai ra dǝ titɨ kɨ ɓain wa? Ɓaa Rut ɔr sǝr nyangɨ malang kɨ doo nɛ̀ ra sǝ'n. ¹⁷ È tǝl ilǝ dǝ'tɨ ǝdǝ nɛ̀: doo nɛ̀ nga adǝm ko kɨ tanan sǝ gɛ̀mɛ asǝ kilo kɔr joo gidǝ mi tǝdǝ èǝdǝ nɛ̀: << A tǝl kaw ji wǝi rang-rang kaw'n ra umi kɨ dinyen'tɨ le.>> ¹⁸ Ɓà Naomi ǝdǝ nɛ̀: an! ɗarinè ngonn'm kɨ dinyen, i tǝl i ndii nɛ̀ saar lǝ kadcan'n nyan gɨ nɛ̀ ngă ke a tǝli tooi titɨ kǝ bain wa? Tǝdǝ doo nè nga a kuwǝ rann le saar kad nyan nè nga tɔl mbas ɓila nè kuwǝ.