DCS-Mirror-krispy_gvl_rut_text

Loo kayai'n 4

¹ Boaj aw ndi tà kǝi kɔg'tɨ lǝ ɓee-bò. Loo kɨ nje nojǝ kɨ mbain kɨ è tam tà lǝnn a, è kɨ asǝ k'an dǝ Rut nga tee pan a tɔ. Ɓa Boaj ǝdǝ'n ǝdǝ nè: i kɨ nè i ree ndi nang nè. Dingǝm nè nga ree ngɔr rann'tɨ ɓaa ndi nang. ² Boaj ɔr doo gɨ dɔg dann ngantɔg gɨ't kɛ̀m ɓee-bò'tɨ lǝ kadǝ ndii nang sǝ dǝ. Loo kɨ ei ndii nang ɓa-ɓaa, ³ è djǝ tà njenojǝ kɨ mbain ngá ǝdǝ nè: Naomi kɨ in ɓeekon kɨ Moab tǝl ree nga, ndig loo ndɔr lǝ nojǝ jei Elimelek ngă. ⁴ M'gir lǝ kilǝ tànn mbi'tɨ a, kundǝ noin'tɨ ɔjǝ dǝ nyan ndubǝ nè nga tà kum koosǝ doogɨ lǝm kɨ ndii nè a tɔ. M nè i ndig lǝ kuwǝ nyan ndubǝ ɓaa i ra nyan'n. M' nè e bè le ɓaa, ǝdǝm ndàt kadǝ m'gǝr tǝdǝ i a ɔjǝ dǝi kete ɓitá ma m'ore goi ɓai. Dindǝm nga tǝl ilee dǝ'tɨ ǝdǝ nɛ̀: oiyo m'ndig lǝ ra titɨ kɨ ɓee kuwǝ. ⁵ Boaj aw kum'n kɨ kete ǝdǝ nɛ̀: M né i ndig taa loo ndɔr ji Naomi't ɓaa, i a taa Rut dinyen kɨ Moab kɨ nje kǝi kingǝ lǝ njegoto Malon kɨ dinyǝn lǝi lǝ kadǝ undǝ'n gir kà kɨ a uwǝ nyan ndubǝ lǝnn. ⁶ Sǝ go tàgɨ kɨ nè nga njenojǝ kɨ mbain ǝdǝ nɛ̀: Mas lǝ ra titɨ kɨ ɓee le, tǝdǝ m'ɓel le kadǝ nyan kingǝm a tujǝ. Majǝ kadǝ i taa nyan ndubǝ nè nga kɨ lǝi tǝdǝ ma m'asǝ le. ⁷ Kɛ̀m ndonn'tɨ lǝ Israel nga doo kɨ ndig kuwǝ nyan ndubǝ eke mɓel nyan majgɨ ɓaa, nyan gir kà ɔjǝ kadǝ doo kɨ rang lǝ kadǝ è nyan tɔj. ⁸ E a doo kɨ nyan ndubǝ ɔjǝ denn nga, ǝdǝ nɛ̀: << I taa loo ndɔr nga, ɓaa è ɔr gabang'tɨ lǝnn>>. ⁹ E a Boaj ǝdǝ ngatɔgɨ sǝ doo gɨ kɨ rang malang kɨ ndii tutɨ ngă ǝdǝ nɛ̀: sǝi ai-in sǝ kum si ɓila m'taa nyangɨ malang kɨ ɔjǝ dǝ Abimelek kɛ̀m ji Naomi't a, sǝ nyangɨ malang kɨ ɔjǝ dǝ Kiljon sǝ Malon a tɔ. ¹⁰ Gir'n kɨ nɛ̀ a m'taa Rut dinyǝn kɨ Moab njekǝi kingǝ kɨ dinyǝn lǝm lǝ kundǝ'n gir kà kɨ a uwǝ nyan ndubǝ gutǝ Malon'tɨ a lǝ kadǝ rinn goto dann gir kojǝ lǝnn'tɨ le a, kɛ̀m ɓee kojǝnn't le a tɔ. Sǝi kuwǝ ain sǝ kum si ɓila. ¹¹ Ɓà doogǝ malang kɨ ndii ndata ɓee tɨ, sə ngatɔg gɨ lǝ dɨ malang nga ǝdi nɛ̀: oiyo ee nyan kɨ j'an sǝ kum je. Majǝ kadɨ Njendisənon adɨ dinyǝ kɨ ree kɛ̀m kǝi lǝi nga too titɨ Rachel gɨ sə Léa kɨ ei joo kuwə undǝi gir girkojǝ lǝ Israël malang. Majǝ kadɨ i kuwǝ gea i tee kɔdɨ kɛ̀m ɓee kɨ Ephrata ā, majǝ kaɨ ingə riɓar kɛ̀m ɓee kɨ Bɛtlehɛm ā tɔ. ¹² Majǝ kadɨ Njèndisǝnon adɨ ngann kai gǝ bulǝi nan ɗik-ɗik sǝ rǝbɨ kɨ ra ngonn kɨ dinyə tɨ nɛ̀ titɨ lǝ ngann ka Perets kɨ Tamar ojǝ'n sǝ Juda. ¹³ Ee á Boaj taa Ruth kɨ nɛɛ'n , loo kɨ ee too sǝ'n ɓa Njèndisənon tɔr tà'n də Ruth tɨ adɨ ndann ngonn, ɓaa ojə ngonn kɨ dingəm. ¹⁴ Dinyǝ gɨ kɨ Bɛtléhɛm ədi Naomi ədi nɛ̀: majə kadɨ doo gə ilə riɓar də Njèndisənon tɨ kɨ ɔgi njè gəti kɛ̀m kəi ləi le. majə kadɨ kɔbɨ'n oso sə loo mbitɨ-mbitɨ də nang kɨ Israël tɨ. ¹⁵ Ngonn nɛ̀ à kadǝ kum ndi kumgajər ləi too ā, a k'oto ɓugəi ā tɔ. Tədə ee umi kɨ dinyə kɨ tari ngain á ojə ngann kɨ dingəm nɛ̀ nga. È dum ngann kɨ dingəm gə jisɔjimutɨ. ¹⁶ Naomi unn ngonn kɨ kidɨ nga uwə'n kadə'n tɨ sɛ̀m tabai è kuwə ee njè k'oto'n ā tɔ. ¹⁷ Madɨ ɓeeé kɨ dinyə gə tami beng ədi nɛ̀: ...Naomi ingə ngonn kɨ dingəm. tabai undəi ri'n nɛ̀ Obɛd, Obɛd nga è bɔ̄ Isaï ā, è ka David ā tɔ. ¹⁸ Gir kojɨ lə Pere ā to nè: Pere ojɨ Hetsrom, ¹⁹ Hetsrom ojɨ Ram, Ram ojɨ Aminadabɨ, ²⁰ Aminadabɨ ojɨ Nachon, Nachon ojɨ Salma, ²¹ Salma ojɨ Boajɨ, Boajɨ ojɨ Obɛdɨ, ²² Obɛbɨ ojɨ Isai, Isai ojɨ Dabibɨ