¹ Naomie aw sə nojə ngaw'n kare. Doo nɛ̀ nga ri'n nɛ̀ Boaj. dann njenojə gə tɨ lə Elimelek ɓaa Boaj e njenyankingə ā doo kɨ sə tɔgə'n ā tɔ. ² Ruth dinyə kɨ kɛm ɓee kɨ Moab ǝdǝ Naomi ǝdə nɛ̀: inyəm adǝ m'aw kɛm ndɔr gə tɨ , m'ɓur kó gǝ kɨ nainyin dǝ nja nje sako gǝ tɨ. M'a m'aw goo doo kɨ a uwə'm kɨ raan tɨ sǝ kɛ̀mnda káng. Naomi ǝdee ǝdǝ nɛ̀: ngonnɨm kɨ dinyǝ ɔt aw. ³ Ruth ɔt aw ɓa, ungir ɓur ko kɨ dǝ njà njésakogɨ tɨ. Nyan ra majɨ adɨ aw tee pan kɛ̀m ndɔr tɨ lǝ Boaj kɨ ee njǝ ̀nojɨ lǝ Elimalɛk nga. ⁴ Mbɔr goo tɨ gugu ɓa Boaj kuwǝ inyin kɛ̀m ɓee kɨ Bɛtléhɛm ree sǝ raa'n ra lapya njèsakogɨ ǝdǝ nɛ̀: majɨ kadɨ Njèndisǝnon nanyin sǝ si. Njèsakogɨ lǝ'n ilǝi ni dǝtɨ ǝdi nɛ̀: majɨ kadɨ Njèndisǝnon tɔr ndu'n dǝi tɨ. ⁵ Boaj dǝjɨ ngonn njèkulǝ kɨ an dǝ njésako gɨ lǝ'n ǝdɨ nɛ̀: ké dinyǝ kɨ nanyin mandǝ nɛ̀ nga, ké ee lǝ nan wa? ⁶ Njè kan dǝ njésako gɨ ilɨ'n dǝtɨ ǝdɨ nɛ̀: ee dinyǝ kɨ nainyin ngonnɓai nɛ̀ nga, inyin sǝ Naomi kɛ̀m ngonn ɓee kɨ ɓeekon kɨ Moab an ree sǝ'n. ⁷ Ee dǝjɨ jè lǝ kadɨ j'inyǝ loo j'adǝ'n ɓur ko gɨ kɨ nainyin mbonrɛ̀n kadɨgɨ tɨ dǝ nja njésako gɨ tɨ. Sǝ ndɔgé burǝ́ kɨ n'ree nga n'nda dɔ̌ sǝ kulǝ kuwǝ sár ɗarinɛ̀ n'taa khǝbɨ ndein bé kɛ̀m ndɔr tɨ. ⁸ Boaj ədɨ Rutɨ nɛ : Ngonn’m kɨ diyen o majɨ : aw i Ꞌɓur nyam kɛm ndɔr-tɨ kɨ rangɨ le ; i nda nɛ kuwə go ngannjekullə’g-tɨ ləm kɨ diyen. ⁹ Undə kumi majɨ aa loo kɨ dingəm’g ləm a ujəi koo tutə ɓaa, un go dinyəm’g kɨ a ɔyi ko nɛ nga. Ngannjekullə’g ləm nga m’ɔgdə kad ndɔji’n. Aa re kundə man rai ɓaa, awə ain man kɨ dɔdɨ rosɨ jo’g kɨ to non. ¹⁰ Rutɨ oso nangɨ undə burmba aa ədə nɛ : Tədə ri a uwə’m kɨ rai’t sə ranəl aa, i tɔsɨ kumi gom’t majɨ ngain, ma kɨ ma mba nɛ wa ? ¹¹ Boajɨ ilə’n də’tɨ ədə nɛ : Doo’gɨ ɔri sur nyan’gɨ malangɨ kɨ i ra kɨ umi kɨ dinyen go koi’tɨ lə ngai. M’gər kɨ ndɔkɨ i inyan boi sə koin a ɓee koji tədə re ndi dan doogə’tɨ kɨ gər’də kete le ɓai. ¹² Majɨ kadɨ njèndisənon ugəi dəji tədə nyan kɨ ndɔkɨ i ra ā kɨ Nubə lə Israel kɨ undə kum’n goi’tɨ re səi nɛ ngā adi nyan kugə dəji ndājɨ-ndājɨ. ¹³ Rutɨ ədə nɛ : Kuwə’m, i uwə’m rai’tɨ kɨ ranəl kɨ adəm tɔgɨ ngain. Tà gɨ ləi ra səm, ma ngonn njekulə ləi kɨ dinyə ; nɛ ma m’asɨ nyan madɨ go ngann njəkulə’g’tɨ ləi kɨ dinyen lé. ¹⁴ Lokɨ də kadɨ kusə nyan asɨ ɓāā, Boajɨ ədə ngueme kɨ ndir poro, adɨ n’usə ndan ā, ngom go’tɨ kɨ nai. ¹⁵ Lokɨ n’təl lə kaw go’gɨ ɓur koo nɛ nga, Boajɨ un ndu’n adɨ ngann njəkulə’gɨ lə’n ədə nɛ : inyain nɛ gea adɨ n’ɓur mbonre kadɨ koo’gɨ’tɨ, um rai adɨ ngir ta lé. ¹⁶ : Inyain də koo kɨ madɨ’gɨ adɨ toso nangɨ titɨ kɨ səi anin lé bè ā, inyain kokɨ tədə kadɨ nɔi ā, ta ɓai səi a ndangui ne le a. ¹⁷ Be a Rut ɓur kɛ̀m ndɔr nɛ̀ saar loo sɔl dǝ'tɨ, taá è undǝ kɨ ɔi nè nga ɓaa ingǝ kilo kɔr-so tutɨ. ¹⁸ Rut ɔi nyagɨ nè kadǝ'n tɨ, ree'n ɓee a tɔjǝ um'n kɨ dinyen a tɔ. È tee sǝ gutɨ nyan kɨ usǝ kada dann gɔj-gɔj nga adǝ'n. ¹⁹ Wum'n dǝjǝ'n ǝdǝ nè: ke ɓila i ɓur ko loo kɨ rat'ɨ wa? Ke i ra kulǝ kɛ̀m ndɔr kɨ raa't wa? Maj kad Njendisǝnon tɔr ndun'n dǝ è kɨ nje ra sǝi kɛ̀m kanm! E a Rut ǝdǝ um'n titɨ kɨ doo kɨ e ra kulǝ lǝnn ngă ri'n nɛ̀ Boaj. ²⁰ Naomi ǝdǝ um'n kɨ diyen ǝdǝ nɛ̀: Majǝ kad Njendisǝnon tɔr ndun dǝi'tɨ Njendisǝnon ngă nal ra majǝ sǝ jè j'ǝi kɨ njéndikumgajǝr le titɨ kɨ rann maj sǝ dǝ kɨ d'wǝi bè tɔ. Tabai è tam ǝdǝ nɛ̀: doo nè nga, è njenojǝ lǝ jǝi kɨ bain a, è è kɨ kare dann nje kɨ a tɔsi kum dǝ dǝ gir ka kɨ lǝ jei a tɔ. ²¹ E a Rut dinyen kɨ Moab tǝl ǝdǝ nɛ̀, è gea ǝdǝ'm ǝdǝ nɛ: maj kad i nain sǝ ngann njekulǝ gɨ lǝm nè saar kad ujǝi ko lǝm mbak. ²² Naomi ǝde ǝdǝ nè: maj ngain, ngonn'm kɨ dinyen aw kumi kɨ kete sǝ ngann njekulǝgɨ lǝnn kɨ dinyen gɨ titɨ kɨ bè a nal kad d'ulǝ kumi ndoo kɛm ndɔr kɨ rang'tɨ le.