¹ Banị́kọ yami, iyė aesine nu ginye kọ Ada unịkpukpu nu weze ami ibẹ gaka vọ ene zamzam wá vumi gawulu, la ivu ibẹmẹ ya denẹ ibo tẹ̀. ² Yezi ankeli nu nbiki ne yẹ zi ankeli nu banị aka bibi ne, yẹ zi ankeli nu banị gayiyite ne. ³ Gẹ̀dẹ niyi ivu banị inezi uvu niyi iya gi ukwe yagi gumunu ka Usigapa. uvu niyi iyẹ lu gẹgu nu alimasihu Uyesu ne, iyẹ yeyi avu guwupa la. ⁴ Si gagẹ̀dẹ, mẹ lugegu nu guwupa. Unimẹ unimẹ ku ka gẹ̀dẹ ne lu gẹgu nu guwupa, ugogẹ̀dẹ wavu nimi. ⁵ Amemi unezi nu uzu wọ tọta, ne wọ banị isele yila wọ gukẹ kọ ubenzami nu uyahuda wọ uyahudawa. uki wọ ibẹ izizi nvu Ibafalisi. ⁶ Uki ya gufa, ngi banị aduwa liyẹ tsini bẹ, uki ya lika usele wo ibẹ izizi, ngye. ⁷ Nu gyengye gbyi umẹ gawagaba kana vu yamị tẹ̀, mẹyẹya la gẹbo ko Uyesu. ⁸ Mẹsu gyengye zi gyengye la gẹbo ka geyeliye ko alimasihu Uyesu Ada unikpukpu. Gẹ̀dẹ gėbo kana nnabo gyengye gbyi, mẹ suya zi gyengye gala, gẹbo ka gẹ̀dẹ máwa gaba nu alimisihu. ⁹ Máwa nu ginye kana. anya lika sesele nu ibẹ izizi ya guke la, ndẹ̣ anawa nu ginye ka gawulu nu alimisihu ne, ibẹ sesele imẹ ifu nu Usigapa tẹ̀. ¹⁰ Gebo guyẹ tẹ̀ mẹyẹ gẹ̀dẹ makpua nu ntsi ya ge likye kana ne nu liyẹ ka lutu gago kana ne mẹyẹ gẹ̀dẹ mayi gayi ka gitsi kana. ¹¹ Ni gayi tẹ̀, mawa gelikye nu bekune.̇ ¹² Avu gẹ̀dẹ ngye nu gyengye ne bẹla. Ndẹ ma mẹ gatimẹ gbogbọ gima wa ibẹmẹ ugo gẹ̀dẹ mawa tẹ̀ nu Alimisihu Uyesu tẹ̀. ¹³ Baṇikọ yami mẹsu gẹ̀dẹ nwa bẹla. Ndẹ ubẹdẹ̀ yiwali: Nmawate nu ibẹ ya ngine, nyine gẹ̀zugẹ gima wa ibẹmẹ ivu gawa tẹ̀, nu Uyesu. ¹⁴ Má mòliyẹ̀ gima wa ibẹ sesele imẹ igigi Usigapa vala mi nu ginye ka alimisihu Uyesu tẹ̀. ¹⁵ Gbyi iyẹ mẹ nnya ntsi tẹ̀ ya nyine lika tẹ̀. uvu umẹ unidẹ anyine lika nu utumozi idika, Usigapa wa giyi gakpu. ¹⁶ Nnẹ̀mẹ nnu tẹ̀ ni ibẹ̀mẹ nwa tẹ̀nẹ, ya mòa gubo. ¹⁷ Nyine a amẹ kankọ ami, Banịkọ yami nyine a anyine banị imẹ̀ nba zutuzu kankọ umẹ nyine etsene nu woze yitẹ. ¹⁸ Banị ni gẹ̀du ne a zutuzu, banị imẹ nmani ma gẹ̀̇nẹ lika kaba tẹ̀, ndẹ kyekye mẹ ma gẹ̀nẹ nu baya ne ki banị bibi ya ukye gàpa ko alimisihu. ¹⁹ Gẹ guyẹ uvu utsuku gẹ̀dẹ Usigapa aba uvu ginye, iwu yaba gamẹ uyi nu ginye ka azi. Ba nyine ibẹ ya gasẹ gumẹ kili. ²⁰ Niyi ivu banị ya nki gẹ̀dẹ itse iyapu ba Usigapa, ada inikpukpu Uyesu alimisihu. ²¹ Wa saki guwupa keyi utsuku mẹ giwa giyi guwupa kana sesele umẹ uma nu ntsi yana ne tẹ̀, ngyengye gini vu yana.