¹ Gẹbo guyẹ tẹ̀, banịkọ ka liyẹba ka luwo yami liyẹsi kami, nu ulindiyami ne, nyine agyengye tsim nu tumozi wo Usigapa, banịko liyẹba kami. ² Mása Afo ibo, masa Usantiki ibo, iye yẹnẹ wavu udẹ nu ginye ka ada nikpukpu. ³ Ba gasona, ngini ma se ne ibo bada ya gatimẹ kọ liyẹ̀ kami, nyine adẹ benyine imẹ ibo gẹ̀dẹ ba mẹ liyẹ̀ nimi ne nu gatimẹ ka Usigapa ga gẹ̀nẹ si Ukilimas nu banị kiki ya gatimẹ ne, umẹ liyẹ̀ kaba yi nu utakada wo Usigapa tẹ̀. ⁴ Iyẹ e sene zamzam nginye ka Ada, ngini gẹ̀dẹ iyẹ e senẹ. /v 5 Nyine a gigi gibani a pa liyẹ gamo kenẹ gẹ̀dẹ gẹ bẹ ka Ada utsutu be. ⁶ Gyengye aka damẹ ne la, ganuguye tẹ̀ nyine adẹ gyengye nu aduwa, si ibẹ ibàba, si ugodiya yẹne, nyine a gigi Usigapa a kpu ibẹ̀mẹ nnyine ayẹ tẹ̀. ⁷ Liyẹ̇̀si kọ Usigapa umẹ upẹ gbyi gakpu tẹ, wa denẹ ibọ, si iyẹ ye ne nu ginye ka Alimisihu Uyesu ⁸ Ni gebye banịkọ̀ nu gyengye umẹ uvu wo akukwasi tẹ̀, ni gyengye umẹ utsi gẹ̀dẹ afulụ aba tẹ ne nu gyengye umẹ uvu uselee ne nu gyengye umẹ uyi tsa tẹ̀ ne nu gyengye umẹ liyẹ̀ ba tẹ̀ ne, nu gyengye umẹ ngongo agẹ lika kana tẹ̀ ne, gayaba uyi mẹ nyine amẹ utunani nu lutu kaba. ⁹ Ibẹmẹ nyina a tsenė tẹ̀ ayi imẹ nyine gu tẹ̀, si imẹ nyine wu, nyine gini pa nu wọzẹ amị tẹ̀. Nyine a mẹ ya Usigapa wa liyẹsi wade nene ne. ¹⁰ Iyẹ simi kyekye mẹ gẹ̀dẹ iyẹ ne saki, ivu upupa, nimi ne be. Nyine si banị a saki tẹ̀, ndẹ nyine nya unị ibọ gadẹ gala. /v11 Mágẹ̀tẹ, gẹ̀̇bo ka gẹ̀dẹ meyẹ ibọ gadẹ la gẹ̀dẹ ntsene gadẹ nu utu nonono. ¹² Nkpu utu wa ganya gyengye la, ngini kpu utu wa ganya be tẹ̀. nu gbyi yaba ne ntsènė gadẹ̀ nu gatsi si limẹ si nu ga nya bẹ̀lẹ ne si nu utu we gẹyẹ ne. ¹³ Mámẹ gyengye mánu nu unimẹ uwa dẹmi ibọ tẹ̀ ne. ¹⁴ Nyine mẹ liyẹ̀ nimine nu ginye ka liyẹ̀ kami. ¹⁵ Nyine banị ufilibiyawa kpu gẹ̀dẹ nu ga tọ̀po kọ lika kọ sigapa, kan nabo umakidoniya tẹ̀ anya guza ka aduwa umẹ nba dẹmi ibọ nu tumozi we ikụ gagi nu gagunẹ tẹ̀le avu nyine dẹ̀mi ibọ avu gine gudẹ kilila. ¹⁶ Kin de nu uta salonika tẹ̀ nyine dẹ̀mi ibọ avu gine gudẹ kilila. ¹⁷ Avu gamunụ nmẹ yẹ la. Ndẹ mẹ̀yẹ gẹ̀dẹ gagị kẹ̀nẹ wanya gaba nnẹmẹ̀ eziya tẹ. ¹⁸ Ngu ibẹ̀ gbị, nya berẹ. Akpani be ngu nu gubọ ka Abafroditus ibẹmẹ nyine ne benẹ tẹ̀. ivu hadaya iseselẹ ibẹ igugu nu gubo ka Usigapa. ¹⁹ Usigapa na gẹ̀nẹ gbị ibẹmẹ nyine eyẹ̀tẹ̀ nu ginye ka gibẹ iseselẹ̀ yana nu alimisihu Uyesu. ²⁰ Kyẹkyẹ mẹ nu Usigapa ada, uyába uvu yana gbọgbọ agẹ̀. usayitẹ̀. ²¹ Li gbị banị aduwa a tsu nu ginye ka Alimisihu Uyesu. Banịkọ̀ umẹ nberẹ̀ nimi ne tẹ̀̇ arene atsu. ²² Gbị banị aduwa ya nemẹ̀ á lene atsu. umonyi nu gami kọ Ukesari. ²³ Aniheri wọ ada Uyesu Alimisihu wayi nu gumunu kene ne. Usayitẹ̀.