DCS-Mirror-krispy_ged_mrk_text_ulb

Usula Tọnọ

¹ Ụgẹ bá gẹ̀dẹ, kukwasị magenẹ, banị dẹ inginyẹ kenẹ mẹ bengyẹ mẹ tẹ, bá pá gitsị tse gị litsẹ kọ ntsị̣ wọ Usigapa ebẹlà. ² Nụ ngị wọ izụ tseyị Uyesu usụ ubiturusu nụ yakubu nẹ sụ uyahaya gọnẹ logụ nsụsụ abá. iwụ yaná sakị ngẹgụ kábạ, ³ ngyẹ yaná sákị vụ uzụrẹ paụ́ ugịnạ kụkụ nỵalị nỵaị kyẹ gạpá kọ unịyapụ. ⁴ Nụ gayị tẹ kụkụwá nbá pá ilyạ nụ ụmusá nẹ bá gẹliká́ nụ Uyesu nẹ. ⁵ Ubiturusu gẹ Uyesu gẹ̀dẹ, umalị uyẹliyẹ gịya tá ibọ itá nụ nẹmẹ ụdẹ wá vụ wanyẹ udẹ wávụ wọ ụmusá wọ ụtitạ wávụ wọ iliya ⁶ ̣ ụgẹ tẹ sẹbọ kạ gutsitsị gẹ̀dẹ ụvubá likạ ụdàdạmạ nlukụ gịnẹ fụbạ. ⁷ Abẹ̀mbẹrẹ bẹ kụlụ bạ. nbẹwụgurẹ nụ ginyẹ kà abẹ̀mbẹrẹ ụwá gẹ̀dẹ, ụbyị yẹyẹ wá mị ụtẹ nyinẹ ewụ liká kanạ, ⁸ nụ gẹwụ tẹ nnẹkị kụ tsá nbà pá Uyesu kilị ngẹ bạpá gyẹnyẹ sụ gọ̀ngọ gàlạ. ⁹ Kụ bẹsị nụ lụgụ tẹ ụgẹbá gẹ̀dẹ bá ká gẹ gọngọ ubẹmẹ nbá pá tẹ lá sẹ ná bẹ tsị likẹ nụ bẹkụnẹ tsẹ, ¹⁰ nbàsị vọ li̇kẹ giyẹ nụ iyė yà bá ṇsusuwạ bá, ndẹ báginạ gẹlịkạ nụ iwụyábạ nẹ gẹ̀dẹ ngẹ ụgịnị vụ ṇbẹ tsị lịkẹ nụ bẹkụnẹ ¹¹ Bẹ byiạ gẹ̀dẹ ingyẹ yị nbanị gàkpụ gẹ̀dẹ iliyạ ụwẹ gụzẹ ebẹ? ¹² Ugẹbà gẹ̀dẹ usiyitẹ. wẹbẹ abà ginị gyẹngyẹ. nbà ginị byiạ gẹ̀dẹ ngyeyị anị kạ zị gẹ̀dẹ ụbyị wọ uniyàpụ wá paliyẹ ngụbọ kạ bànị, bànị eyalá. ¹³ Mbẹri mà gẹnẹ iliyà ụbẹ ndẹ bàmạ ubẹmẹ ubàbạ tẹ gẹ̀dẹ anị gọzị kazị bẹ nụ likạ kọ Usigapa. ¹⁴ Kụ, bẹbẹ nụ batsagba tẹ bá pá gẹdụ nụwọzẹbà, sị banị gàkpụ á mẹ gamintsị nụ bá nẹ, ¹⁵ Kụ bá pá́ Uyesu tẹ liká damá bá, mbạ tsákị garatsụ, ¹⁶ Uyesu byibà gẹ̀dẹ gàmintsị kangẹ nyị nẹ amẹ nụbá nẹ? ¹⁷ Unidẹ nginyẹ ká gẹdụ ụwurụ gẹ̀dẹ umarị nbẹnẹ ụbyiamị wọzẹ nyẹ gẹ̀dẹ ẃabị likạ gagẹlà ¹⁸ ụnnyạ gụmunụ ụbyibyinsá, wamẹ akikpụ nị gànụ, wọ gọnạ nkị usịna lụ tizẹ, uginạ lị iyị, nẹna nụ batsagba nyẹ ndẹ bá sanụlà ¹⁹ Ugẹbá gẹ̀dẹ banị yà kẹkemẹ bá nyá gáwuru̇ la, nnẹ gụnẹ ndẹ nẹnenẹ màmẹ aká kàn kọ umẹ, Nyinẹ bẹnạ vọm ²⁰ Nbẹ bẹnẹ ụgwie vọa, kụkwá nlibà kyẹ kyẹgẹ likẹnà uwà zenẹ ụginị sinẹ ụgwie lụ tịzẹ uwẹ bọnẹ nụ tizẹ nganụ kanạ asẹ akịkpụ. ²¹ Uyesu byị ádanạ gẹ̀dẹ ribạ gụyẹ utọpọ etẹkinọ? ádanạ gẹ̀dẹ utọpọ nụ lịbịkikanà, ²² wàná mẹtẹ wẹ gịnȧ elụ nụ gịwạ sụ uzọ. tsụkụ tsụkụ pá gụnụmgbạ keyị deyị ibọ. ²³ Uyesu gạ gẹ̀dẹ nyạ wụrụ? gẹ̀dẹ gyẹngyẹ uyị gyẹ nụ banị mẹ bá wụrụ tẹnẹ ²⁴ , nneyẹ kụkwá adá wọ ubyiẹ gọligbà gẹ̀dẹ ṇwurụ Uyesu dẹ gàwurụ kamị ibọ, ²⁵ Kụ Uyesu pá gẹ̀dụ ebẹ wọzabà nà akinẹtẹ ugẹa gụmụnụ ụbibin sá yẹ gẹ̀dẹ, nyẹ gụmụnụ ụwuwụ atákpụ lá mẹ fụ gạ bá ginị kọlẹ zwị ụbyị mẹ gẹrọ ²⁶ Alizẹnị mẹ udẹ nụ ginyẹ kọ ubyiẹ tẹ na lịgbạ, uginẹ ubyiẹ dẹ ụfụ, ubyiẹ ni mẹ kuká gẹ̀dẹ untsị tẹ, nbanị á gẹ̀dẹ ubyiẹ tsị bẹ, ²⁷ Uyesu mwà nụ gụbọ ụ likẹnà, ụ likẹ. ²⁸ Kụ Uyesu bẹ gamị tẹ, batsagba yaná bẹ byià gẹ̀dẹ ngyeyị iyá funá umenị nulá, ²⁹ Uyesu gẹ bá gẹ̀dẹ umenị nyamẹ aduwá tsẹ. ³⁰ Bẹfú nneyẹ nbá kyẹ gẹ wọ galilị, weyẹ gẹ̀dė gọngọ á gapábá lá ³¹ gẹ̀dẹ wá tsinị batsagba yaná ibẹ. ugẹbá gẹ̀dẹ, agyị ubyị wọ unịyapụ nụ gụbọ kà banị, bà gyạ liyẹ bawá, wẹ tsị ndẹ uzụ wọ utịtạ wẹ likẹ nụ bẹkụnẹ, ³² ndẹ bàwá gabạ kọ ubẹmẹ uwá gẹ telá, ndẹ bẹ byiạ nulá bá mwọ nzịzẹ ³³ nbebẹ kafarnahum, kụ zwị gamị tẹ ụ byị batsagba yaná gẹ̀dẹ nyinẹ gẹ̀dẹ ngyẹ nụ tumozị tẹ? ³⁴ nbá yị kpọ gẹ̀dẹ bamẹ gámintsị nụ idá nẹ nụ tumọzị gẹ̀dẹ ngọ uvụ uganibọ. ³⁵ Kụ bá dendẹ tẹ ụvarà bá ibọ nụ ivanẹ ugẹ bá gẹ̀dẹ unimẹ wẹyẹ gẹ̀dẹ nà vụ uganibọ nginyẹ kabá, wẹ guzị avụ ubikịkị nụ ufọ nẹ nụ ginyẹ kenẹ tse.̣ ³⁶ Usụ ubyikịkị benẹ gákị gákị kabá usuạ vọ ugẹ bá gẹ̀dẹ, ³⁷ unimẹ ụ gwụ ubyị kankọ umẹ nụ liyẹ kamị nẹ ugwụmị tẹ, ká unimẹ ugwumị wavụ nimị kilị ugwụ lá ugwụ unimẹ unemị benẹ tẹ. ³⁸ Uyahaya gá gẹ̀dẹ, ipá unidẹ wá pẹnẹ alizenị efụnẹ nụ liyẹ kenyẹ nẹ ndẹ igá gẹ̀dẹ wá nabọ gẹ̀dẹ wá dẹ niyị nẹ lá, ³⁹ Uyesu, gẹbạ gẹ̀dẹ bá nabọ unawá gẹ̀dẹ anyà unimẹ wamẹ liká unụ kpụkpụ nụ liyẹ kamị nẹ giwá ginà geliká bibinsá wamị lá ⁴⁰ unimẹ wá gyẹ yilá uvụweyị tẹ́ ⁴¹ gẹ̀dẹ anyạ unimẹ uwá gyenẹ uzọ nụ ukọpị udẹ sẹbọ ká gẹ̀dẹ nyinẹ vụ wọ Uyesu gị ụ gạwá ulàdá lá tẹ. ⁴² Unimẹ ugigị udẹ nụ ginyẹ kọ bẹ byị yamị kwirị, usiyị zá nụ unimẹ á zaná uku̱ wá lugọ nụ utọ gyị etsea adẹ nụ uzọ tẹnẹ, ⁴³ gụbọ kenyẹ ugáná gyịgyị gịnyà zwị giwá, tsá́ fenẹ, gánụ gụyetẹ zwị gasẹ nụ gụbȯ gụdẹ nẹ, upẹ gá zwị giwạ gbọgbo ⁴⁴ ̣.nẹmẹ igụ yabà etsilá tẹ, sụ giwá kabá wẹ lilá ⁴⁵ Ginẹ kènyẹ ugàná gyigyị nyá pyilị, tsá fẹnẹ ganụ guyẹ tẹ zwyị kenyẹ gạzẹ nụ ginẹ gụdẹ nẹ ụpẹ gazwyị giwá kọ gbọgbọ̀ agẹ ⁴⁶ nnimẹ igụ yabá etsị lá tẹ sị giwá kàbá wẹ lilá. ⁴⁷ Iyápụ yenyẹ ugàná gyịgyị nyá tụ ginẹ funá tsèfenẹ gánụ guyẹ tẹ zwị g̀azẹ nụ iyàpu̇ dẹdẹ nẹ ụpẹ gà zwị giwá nụ iyàpu̇ ivạ nẹ. ⁴⁸ nẹmẹ igụ yabá etsị lá tẹ sị gịwá kabá elilá ⁴⁹ á mwọ ibẹ yá gọngọn nụ giwá nẹ. ⁵⁰ ukátsị ụmunụ, ndẹ rumụnụ kánà ụnị zoẹ, amẹ gụnẹ mẹ? Nyinẹ ayị nụ rumụnụ nẹ nyinẹ eyẹ idịkà.