DCS-Mirror-krispy_ged_mrk_text_ulb

Usula Tọta

¹ Nu utu uyẹ Uyesu gini pa gedu wa nde ibelili ayila, Uyesu ge batsagba na gede. ² Ma pa gunumgba ka ba gede bere nimine uzu ita te lime aguba, ³ Ngede ba gẹ gami nu lime ne idika yaba akye age nu tumozi gade be nu likpane. ⁴ Batsagba wo Uyesu bẹ gwi Uyesu gede yawa iberiri umẹ wa tsi gedu gume tẹ nnono nu unọda mẹ ⁵ Wbyi batsagba yana gadẹ iburodi gunẹ iyị? nba gẹdẹ tova, ⁶ Ugẹ ba gadẹ gwongwọ ă dẹndẹ gị azaya agi ba, umẹ aduwă umyi iburodi gi batsagba yana nba zayạ gi gongo ⁷ Ba gini nya imgbotụ nba gyi Uyesu umẹ aduwa, ụ gyi ba gadẹ bazaya a gyi gọngọ, ⁸ Ngọngọ li nginye ka gọngọ lele, ba tẹ galikiki ivu ikaki tova ugẹ gọngọ gẹdẹ wa gẹ gami ⁹ Bani idubụ inọ, ¹⁰ uzwi gukpă, kọ uzọ ugẹ Dalmanuta. ¹¹ Ifilisiyawa bẹ n ba mẹ gamintsi na ne gadẹ wa tsinini ba lika dạdạma ude nu inki gini ba a mwa a pa ¹² u nyine ba ze usene guwụ ugada ngeyi bani wo kẹkẹ mẹ bẹ yẹ lika dạdạma ndẹ bawa la. ¹³ uzwị gụkpă, kọ uzo ugẹ kpasayẹ ¹⁴ Nu tuyẹ batsagba yana bẹ vọ uburodi udedẹ kili nu gukpă kọ uzo ¹⁵ Uyesu gẹba gẹdẹ ba deyẹ nu ikam wọ ifalisiyawa su Helod ne ¹⁶ Batsagba wọ Uyesu ba nyine idika ba kpụ gẹdẹ uburodi ayi nu ba ne la ¹⁷ Uyesu kpụ gẹdẹ be si idika nboki sebo ka uburodi, ugẹ ba gẹdẹ nyine tsitsi kpụ bẹ na, iyẹ yenẹ tenẹ gọ? ¹⁸ Uyesu gẹ ba gẹ̀dẹ nyinẹ nya iyapụ nyinẹ pána? nyinẹ nya atakpụ nyinẹ ẹwu na? ¹⁹ nyinẹ tẹ̀ utu umẹ nzá iburodi itọ gi bani idubu itọ tẹ ganá? galikiki gunẹ̣ iki npá? nba gẹ́dẹ ubọ nu iva nẹ ²⁰ Iburọdi tovạ mẹ nzá gị̣ banị́ idụbú inọ tẹ. gáli kiki gụnẹ iki tẹ? nbá gédẹ tọvạ. ²¹ Uyesu gẹbá gédẹ nyinẹ wá gabá kaná begọ? ²² Bẹ bẹ ubasedá, ẹ bénẹ uvai iyápụ dẹ wọzaná gẹ̀dẹ wa sá, ²³ Uyesu mwá nụ gubọ génẹ ingi yẹ irẹ usá kikẹ nụ iyápụ, ụ bá gụbọ nụ iyápụ, ụ byá gẹ̀dẹ nyápá rimá? ²⁴ Upà nkị ụgẹ̀dẹ npạ̀ banị à zụtụzụ kụ iki tẹ. ²⁵ Uyesu gini bà gụbọ nụ iyạ̀pụ wà uwà pànẹki tsatsà, ²⁶ Ụ gà gẹ̀dẹ à gẹ gamị gạ zwị irẹ galạ. ²⁷ Uyesu nụ batśagba yaná nẹ bá zwi irẹ yọ kasiriyá nuwozekạ filibi. Nụ tumọzi yagagẹ Uyesu gwibạ gẹ̀dẹ banị à gẹ̀dẹ nvụ ngwore? ²⁸ nbá gẹ̀dẹ banị diká á gẹ̀dẹ nyavụ yohanà nụ bitizmà, idẹ nẹ à gẹ̀dẹ nyà vụ anàbị iliyá, idiká á gẹ̀dẹ nyà vụ ụdẹ nginyẹ kọ anibawá. ²⁹ Ugwibá gẹ̀dẹ nmị Uyesu nrụ ngọ nu̇wozẹnẹ? Ubiturusi gẹ̀dẹ useh ³⁰ ugẹ̀dẹ nyinẹ agá gẹ gwóngwọ gyèngyẹ nụ lutụ kamị lạ. ³² Utọpọ́ agatsinẹ bá gẹ̀dẹ si gagyẹ sigáwurụ ubyi wá uniyápụ wá paliyẹ nụ likạ nụ gẹ̀dụ nẹ itinibọ sụ itsẹ aduwá nụ banị gakpunẹ bá wurụ nánelá, bá wá ndẹ nụ uzụ wọ ụtitạ́ wẹ likẹ, ³¹ Ugẹbá tẹ gẹ̀dẹ ubiturusu gẹnạ́ kpasạ́ dẹ uwá sakasạ elạ. ³³ Uyesu gyị ngyị nyinẹ batsagba yanạ ụ sákạ sá lẹ ubiturusu dụ ugá gẹ̀dẹ tsụ nụ kpasamị usetamị nyạ nyinẹ iyẹ, wọ usigapálạ, iyẹ, wọ banị yàpụ nyàpạ́. ³⁴ ụvará gwọngwọ sụ batságba yanạ bẹnẹ nụ rụbọ ugẹ bá gẹ̀dẹ unimẹ wá gẹ̀dẹ ná bamị, wá gyẹ iwụ yanạ giwá sụ kyẹgapá kánạ gịwạ́ bámị. ³⁵ gẹ̀dẹ unimẹ uweyẹ gẹ̀dẹ gyẹngyẹ egẹ tụ uraị yaná lạ, usá wá́ uraị yaná lạ, unimẹ ugyẹ uraị yaná sebọ kamị nụ likạ kamị nẹ wá, wạ uraị gbogbọ agẹ ³⁶ Nyawá gibẹ kạ gasẹ gumẹ nụ gyẹngyẹ yaná nẹ uraị wáyilạ nyẹgilá tẹ. ³⁷ ngyẹ nyágyị ginyạ wá uraị.