¹ Kẹ be bewoze kpasa wozoye te ni gyepe gubogude wo Ugalasinawa. ² Ke Uyesu wofu gase no gukpa ko uzo ne te kukwa nnaye unide fu nu bekune loloni nu gumunu byibyinsa ne. ³ Unawa udende nu bakune ina ma utse atsangbaye. Agini da me uba gakye tela. ⁴ A kya ni atsangba kasi mari nu ulokoci ne gadume nde utsi atsangba ye su mari yee. ⁵ Utu ne uzune no bakune kase lugu, Usigapa utsi iwuyana na ikome ilitane. ⁶ Tume uba Uyesu nane sa te utseki, be wozena, ukulo tso to nane. ⁷ Ina Ugiguyi na gure nagbogbone igye n gya mame nene ubyi woa da wonki, na masebo saboko ada na iwoyanene, kagigi marogula. ⁸ Ina uga kami gede mafu maki uneme nami ubame uweyeri yarate. ⁹ Ubye avareyi gede ukwa ugada avaram gede Legion nai coma i redu. ¹⁰ Ugaba ugini geba gede ukabane ba Legion gera. ¹¹ Kekeme ube nukpakpa faru nauneme uwagi inkborusu iberi rite, ¹² alizeni ga gede, kpa gi yazu, kyiye ke ikporusume, ugabageda ngye, ¹³ a ge tume ibazu kgye kaba te, ikporusu me tsaki i ba zamzara saneki. ¹⁴ Ina uneme uwa kpabate upa ube wodadama, ina umode utsaki ga banite. naba banimekoma be bapa ubame wa tutuzute naba ka. ¹⁵ Bebe wazu Uyesu te, bapa alizeni Legion me urere narika bibi maitene naba ba mozenze. ¹⁶ Naba banime n ba pa ubame alizeni me uniyite, kose ikporusute, i bacinete, bagaba, gede gyine. ¹⁷ Tsukutsuku a nabo Legion me. ¹⁸ Kane waga gi wa zwi gukpa wa uzo te alizeni ye, gagede wa tsukutsuku na gi na ba. ¹⁹ Ina kuma wawurola gagam kegye ina ga bani yaye. ²⁰ Kose ile yaye ubame n ma te, ina kuma ume ubeme a nete tsini bani kuma. ²¹ Gyine lika guye keke, kuma ina nu gubo gude wa uzu bani nagatu ne, ba tsu mo, ²² Uni de ni gyeye kaba avala gede Jairus. ²³ Nami ubim waya cikana ba. ²⁴ Gina da na gubo kegyene gi wa se ina guba ugye sebani na gadune kuma uda na gubokanane. ²⁵ Nyine de wa byeliba iye ubone-iva. ²⁶ Ugi ni bani gufe hali uwo nku yana kare, nde wawa gasela. ²⁷ Tume uwu lika ko Uyesu te, uwuru na iye yanane. ²⁸ Gede, ko guge kana kili nda mawa gase. ²⁹ Use matete uwa gase. ³⁰ Uyesu na wowoyane lika dama, upa ntsi ya gase funi wuyana keke, ugede ugu udami. ³¹ N batsagba gede, nya pa gadu gume, nnya gede u go dan. ³² Nde Uyesu pa ba gede ugo me te. ³³ Ko nyineme wute mete, ulike sa gazuge ko Uyesu. ³⁴ U gede namide Uyesu gagede gawulo kyaye seba gakeye ne liyesene nagose naba utuba. ³⁵ Ina uwagalika te, banide batsekpa fu na guza ka aduwa ba gede ubikye wayi galela, arimajeri yana ga gede gene a nabowa. ³⁶ Tuba uwu ubame uyi te ugaba gede gyene a ka sonara gyene de a wuru, ina waga unede sada wa punibala. ³⁷ Nde uvala, Ubitulusu, Uyakubu, nu Uyahaya uniko Uyakubu. ³⁸ Nbe gami ko ganibo ko guza ka aduwa u pa bani a gi gunye. ³⁹ Ku zwi gami guye te ugaba gede ngyine a damu, ubyiye atsi la we zebala. ⁴⁰ Bee tsa tumo ufune ba gase usu ada se uma wo ubyiye na baniya nane nba zu nu ubyiye. ⁴¹ Umo gubo ko ubyi ye uga gede "Utilata koum" uvu gede ubiki nyinezu like. ⁴² Nneye ulike uzutuzu gede unu iye ibo nu iva ne be, lika guge u dama bani nu gasikya ne. ⁴³ Ugeba gede ba gage gwongwo te la. Ugede nyina gya ibelili.