DCS-Mirror-krispy_ged_mrk_text_ulb

Usula Inọ

¹ Ngene utọpọ ibe ga tsini, ni genu kọ uzọ unikpụkpụ, ngedu ka banị́ be ba gii'a gọ. U zwi gukpa kọ uzọ umẹ uyi nu uzọ unịkpụkpụ yẹ tẹ̀. ² U tsene ba ibe ni gadu nẹ, ni akizi nẹ, ugẹ̀ ba gẹ̀dẹ, u tsene ba gẹ̀de, ³ Nyẹnẹ a zi gutekpụ awu, unị́ gitẹ gamẹ gẹẹ ibe gezwị. ⁴ Uzwị ibe, idẹ̀ sị tịzẹ nu utumozi anaki niya tẹ li. ⁵ Idẹ̀ sị tịzẹ na apọ nnẹyẹ ita umyi, nde gebo ka gẹ̀dẹ tịzẹ a tsẹ'a la. ⁶ Kụ uzu fu tẹ̀, ibe ni bulu, gebo gẹ̀dẹ tịzẹ a tsiba la, nba ni tsi ka ba. ⁷ E dẹ̀ si tịzẹ nu ikụkụ nba ta umyi, nde ikụkụ kụba, nba mẹ'ẹ iwọwọ nu la. ⁸ Ibekọ ẹ dẹ̀ sị nnẹ̀ isesele, nbe kyẹ́, nba mẹ'ẹ iwọwọ isesele, ẹ dẹ̀ vu iketseyi, ẹ dẹ̀ vu ubobo-tseyi, ẹ dẹ̀ vu kpakụ. ⁹ Unị́ umẹ unya gutekpụ uwuwu, we wu. ¹⁰ Utu mẹ Uyesu dẹ nsụsụ'a na tẹ̀, nbanị́ imẹ nba tsutsu nanẹ tẹ̀, nu ubo nẹ iva imẹ nbe le nane tẹ̀, be byi'a ligẹ gẹ̀dẹ, ngyẹ uvu gasa kọ akizi yẹ. ¹¹ Ugẹ̀ ba gẹ̀dẹ, nu woze nẹ, a wụlụ gi nyinẹ akpụ ibe izizi yọ Usigapa. Nde banị́ imẹ nbe le nẹnẹnẹ la tẹ̀, gyẹngyẹ yaba avu akizi, ¹² ba'a pa, nde ba pa la, be'a wu, nde ba wagaba kana la, gẹ̀dẹ be kolegi, gi'a mọ̀ ba. ¹³ U gẹ̀ ba gẹ̀dẹ, nyinẹ'a wagaba ka akizi yẹ na? Nyinẹ mẹ gụnẹ mẹ nyinẹ wagaba ka akizi ikiki yẹ? ¹⁴ Unị́ mẹ uzwe ibe tẹ́, uzwe lika kọ Usigapa. ¹⁵ Ibekọ imẹ'ẹ sele nu tumozi tẹ́, vu banị́ imẹ a gẹ̀ ba lika kọ Usigapa nba wu tẹ̀, nde Usẹtan be, uni lika gumẹ'ẹ nbe wu tẹ̀ fune kiba. ¹⁶ Imẹ'ẹ ẹ zwe ni iku tẹ̀ evu banị́ mẹ'ẹ nba wu lika kọ Usigapa nba gu'a ni liyese nẹ. ¹⁷ Nde ba nya izụ ni iwụ yaba nẹ la, nde ba ba mọ liye gba'a la. Nliyẹ̀ bebe, gebo ka lika kọ Usigapa, nbe pyili kụkwa. ¹⁸ Banị́ kiki vu banị́ imẹ nbe sị tịzẹ nu ikuku tẹ̀, ba wu lika kọ Usigapa, ¹⁹ nde be su'a zi gyẹngyẹ la, gibe ka gasẹ gumẹ ni ba zẹẹ, gebo gụyẹ tẹ̀, lika kọ Usigapa wa yi ni iye yaba la. ²⁰ Nde imẹ azwe ni tịzẹ sesele tẹ̀, ba vu banị́ imẹ nbe wu lika kọ Usigapa nba gu'a, nba mẹ gatimẹ na nẹ tẹ̀, idika ketsẹyi, idika uboubo-tsẹyi, idika vu ukpakụ. ²¹ Uyesu gẹ̀ ba gẹ̀dẹ, nyinẹ a bene upyitila gami gẹ̀dẹ, nyinẹ a sị'a ni gada kọ ukaki, ko gada kọ ugodo? Nyẹ bene'a nyẹ'a ba'a nu ube ubaba upyitila. ²² A nya ube imẹ'ẹ uvu uwowo a ga'a kpụ'a la tẹ̀ la, a gini nya ube mẹ'ẹ a wo gi uge tse gasẹ la tẹ̀. ²³ Unị́ mẹ'ẹ unya gutakpụ ka ge wu we'a wu. ²⁴ Uyesu gẹ̀dẹ, "Zi gutakpụ nu ube ume nnynẹ wu tẹ̀, ube umẹ nnyẹ'a mọ gi unị́ tẹ̀, a'a sa mọ a gi'ẹ, a gini gi'ẹ a gbụnụ nẹ'a. ²⁵ Gebo gẹ̀dẹ, unị́ umẹ unya ibe tẹ̀, gi'a a gbụnụ'a. unị́ imẹ uwa nya la tẹ̀, a gu'a a ki'a. ²⁶ Ugini gẹ̀dẹ, litsẹ kọ Usigapa, uyi gayi kọ unị́ umẹ uzwe ibe ni tịzẹ tẹ̀. ²⁷ Uzi nu utụ nẹ, u sẹ nu utụtụ nẹ, ibe yẹ tu ni ga yapụkụ nẹ, nde wa kpụ kụ uyi ta la. ²⁸ Tịzẹ gumẹ ni iwụ yana nẹ, ngbọngbọ, we'a bene itsimi, u mẹ lutu, u mẹ iwụwụ nu lutu. ²⁹ Iwụwụ yẹ iba ni mẹ a bene ulize, gebo gẹ̀dẹ utu ya ga kyẹ́ ni mẹ. ³⁰ Ugini gẹ̀dẹ, ngyẹ nnyinẹ a su'a a mọ nu litsẹ kọ Usigapa nẹ, ko akizi umẹ nnyinẹ'a sa'a tẹ̀? ³¹ Uyi kanko iwụwụ yọ umusita umẹ a zwe tẹ̀, na uvu ibekọ gẹnyi ni tịzẹ. ³² Nde a zwe'a, u fu, wa vu uki unikpụkpụ ni igina nẹ, gi anaki ya nki a mẹ liyẹ nmọ tẹ̀. ³³ Akizi ni gedu nẹ u gẹ̀ giba, kẹ ba wagaba kana tẹ̀. ³⁴ Wa gẹ̀ lika ni ba nẹ ba akizi la. Nde be le nsusu'a ba, wa tsini batsagba yana gyẹngyẹ gbyi. ³⁵ Nu uzu yẹ nẹ, nu uzuganẹ nẹ, u gẹ̀ ba gẹ̀dẹ, "Ye tse'ẹ nẹ ya sa ukpasa yẹ." ³⁶ Nnẹyẹ nba nabo gedu, nba zwi ginyẹ ka gukpa nu Uyesu nẹ. Itikpa idẹ̀nẹ a gẹẹ na nẹ. ³⁷ Ugbọ ni sị́ afu inikpụkpụ a mẹ, uzọ a zumyi ni ntsi nẹ, n gukpa kọ ata afu, gbogbo ngukpa a ye a lele nu uzo nẹ. ³⁸ Nde Uyesu dẹ̀ndẹ kana nu guki ka igii, nu gukpa uwa zebala kana, nba sẹ'a bala, nba gẹ̀dẹ umali, ye tsi keyi tẹ̀, nde nyẹ zi yi la? ³⁹ U sẹ nbala, ugẹ̀ lika ni ugbafu nẹ, "Gẹ̀dẹ yi kpọ!" Afu nabo, nnẹ̀ki yi ze. ⁴⁰ U gẹ̀ ba gẹ̀dẹ, "Ngyẹ nyinẹ a mọ nzize? Nyinẹ a tsitsi nya ubangasikiya la? ⁴¹ Ba mọ nzize, nba gẹ̀ idika, "Ngọ uvu umẹ, sa afu, nu uzọ nẹ a fulu'a ba.