¹ U vala iboneva ye, bene ne dẹdẹ, ugi ba ntsi ni litse nẹ ntulu ko bani uno ni aba gasẹ nẹ. ² Useba gitẹ genẹ ga gase gédẹ bame uwazi wo Usigapa nba gini ase bani. ³ Ugédẹ nyine'a ke vo gyengye gẹnẹ tuzu la, uka vu uki la, ube ulele iku la ibe lili la, iku la si ibe iwuwu la. ⁴ Du gam gume nyineă zwi nyineă lemo gbogbo ebe gii. ⁵ Guleke gume nyineă gẹ nba gwe'ene la, nyineă kwo gulili ka nne da yẹne gede wa vu usenda ubibi ezi ba. ⁶ Ngene nbe gi, nba zwi guleke, guleke nba gé lika sele, nba gini ase bani ni nono no mẹ nba zwi tẹ. ⁷ Hirudu ogomo wụ lika guye gbi, tẹ utse yapu, gebo gédẹ bani dika ni mẹ gede uvu yohana uni ubantisma ulike ni bekune. ⁸ Bani dika gédẹ uvu illiya ufu ba, nbani dika gédẹ uvu umanzo de ye ekiye-ekiye ulike. ⁹ Hirudu gédẹ na tsi uyohana lutu be, ngwo uga gini vu uye nne wu liye kana, umẹ gédẹ na kpaa. ¹⁰ Kẹ umatsi kwolegi be tẹ ba zaa aka mẹ uyitẹ. Uvoba gé na nẹ, nba gé guleke gude mẹ avala gédẹ ubaitsaida. ¹¹ Nde kẹ gedu wu aka mẹ tẹ, ba ba'a, ugwu ba, ugini a gé ba lika ko umilki ya Usigapa, ugini sẹ bani me nbe ye gasẹ tẹ. ¹² Keke metẹ uzu eye bye, u ubon-eva ye ga gédẹ, wa gé gedu gume gédẹ be kwolegi agé gulekye, si igkpasa ye ile, gi nbe ye ibelili ebene gédẹ neme idẹ mete yi sulu gengye. ¹³ Nde ugéba gédẹ udeme nniba nya tẹ epe ubuledi ito mẹ, ni lugbetu iva mene kili la, gaguye tẹ iga si ebe ilili ye voba gbi aba. ¹⁴ Bavu bani udubu ito, ugé, ba tsagba yana gede wa gini ba ga dende ni ibo kuri agwon gwo. ¹⁵ Gebo guye tẹ ba metẹ ngwo gwo dende. ¹⁶ Usu ubledi ito, ni ligbetu iva ne u nyine nki, ude ba anibalika, utsaka,, u gi batsagba nba zaa gi gebu gume. ¹⁷ Nba li tsiba igini ki ukaki ubo neva. ¹⁸ Kẹ uyesu bana mẹ aduwa ni iwu yana ne te, batsagba le nanẹ, ubiba lige gédẹ ngye ngedu gume gédẹ nvu? ¹⁹ Nbe gina gédẹ, uyohana uni ubatisma. Nde ban kiki gédẹ illya idika gédẹ unanebi wo ekiye-ekiye ulike." ²⁰ gédẹ nde ngye nyineă gédẹ nvu? Ubiturusu gineă, Almasihu wo Usigapa. ²¹ Nde u géba ni ntsi nẹ gédẹ ba ka gé gwongwo tẹ la, ²² ugede ubi uni a paliyé nigedu nẹ, gyi batinigbo ni bebyi ye ugwole nẹ si bani ibe ga ka a gya, gi agyi na awuă nde uzu wo utita tẹ wọ likẹ. ²³ ugé ba gbi gédẹ, unime uweye gédẹ na ba nina, uvu kwukwasi gédẹ wa gye iwu yana, gi wo su ukye gapa kana zam a bami. ²⁴ Du unime uweye gédẹ ulai ana na wo vuvu nde unime wo ye gédẹ ulai ana evuvu gebo kana wa n"a". ²⁵ Nge usensele uni awa ni gase gume gbi, nde kaba wo ulai la. ²⁶ Du unime u mo azi yami, ko wa lika, ubi wo uni a mo azi yona nu utu ya litse kana, ni litse ka Ada, ni umaleka utsa nẹ ²⁷ Nde ma gé ne kwukwa si, bani idika me nbe ngye nnẹmẹ tẹ be tsii tse gi nba pa litse ko Usigapa la. ²⁸ Keke mete kẹ Uyesu gé aka mẹ kye tẹ uvala ubiturusu, yohana uyakubu, nba den nẹ gwo lugu nba me aduwa. ²⁹ Kẹ wa mẹ aduwa tẹ upisika ana gyi like gudẹ, ngugye kana ni su uzule tsaa. ³⁰ Nban ba va a gelika na nẹ, umusa nu illiya ³¹ Ufu ba, ni ga nyi usenselé ba gelika ka ge gi kana, umẹ uweye bye nu urishelima tẹ. ³² Keke metẹ ubitrurusu ni bani me nbe le ni ba nẹ tẹ nẹ, beze bala ni likpa , ne nde kẹ ba, ba sen nbala tẹ ba pa aniheli ya Usigapa, nba gini pa belolo iva ye gyengye nanẹ. ³³ kẹ ba gé eki Uyesu tẹ ubiturusu bya gédẹ ya yi nneme. Nbeli gi ya mé guvu ita, ude avu ye nye, yo umusa ni illiyab nẹ. (Wa kpu ubeme uwa gé te la). ³⁴ Kẹ wa gé aka mẹ tẹ abembele be kulu ba, nzize moba, ke ba zwi nmo tẹ. ³⁵ Gule fu ni abembele gédẹ ubi mẹ vu wa mi, ume nza tẹ, nyine ewu lika kana. ³⁶ Ke gule guye agé lika tẹ Uyesu ki nsusu ana. Nba yi kpo nba ge gwogwo tuye ubeme nba pa tẹ la. ³⁷ Keke me tẹ kẹ be si ni, gaya pu ku ne ni lugu tẹ, gedu ka bani be tu ba. ³⁸ Ngene uni de su ligba gẹdé na kẹ li nnya. ³⁹ Nya nyine kẹ ulufu me egina ade uwo su ligba kukwa la wa gigi gi kyikye efu nganu kana. Wa gya liye zwi, ugina nabo gi wa bana la. ⁴⁰ Ma saa batsagba ye nye ibo gédẹ be funa nde ba be la. ⁴¹ Uyesa gi neba gédẹ nyineă bani me nyina nye ubangskiya la me tẹ nẹ kele gune nma dẹ nene ne? Bene ubi en nye neme " ⁴² K e ubi ye ebe te alijenu tsu'a lu tize uwa sekike. Nde Uyesu tene ulufu utsu ku, useé ubi ye ani gi Ada na. ⁴³ Nlika ko Usigapa tsiba yapu, ke nbala a nyine lika unukpukpu gume ume te gbi, ugé ba tsagba yana gede, ⁴⁴ "Nbeli gi nyine wu lika gume sensele, etse ubi wo uni yapa agi bani." ⁴⁵ Nde ba wa gaba ka lika gume la gebo gede aka ye vu ubo-ubo, ka ba mo nzize wa lika guma ge bi. ⁴⁶ Ngene n gamen tsi like ngi nye kaba gédẹ ngwo uwa vu uni nukpukpu ki. ⁴⁷ Nde Uyesu kpu te gédẹ ba mé lika ni iye yaba li, usu ubi genye ube ne ukpasa na ⁴⁸ ugédẹ du unị mẹ uye ubi mẹ nliye kami, we yemi du, gebo guye tẹ unịme uyem, wo yé unime unim gịtẹ tẹ du. Gebo guye tẹ unịme uvu ugbagba ngi enye kene gbi lẹ na uvu unị nu kpukpu. ⁴⁹ Uyohana gina gédẹ, umali ipa uni efune alijenu nliye kenye, iya wulu la, gebo gédẹ wana beyi la. ⁵⁰ Uyesu gédẹ nyina naboă gebo gédẹ unime uwa gye ne la, uvu wene. ⁵¹ Kẹ utu etsu ebe gédẹ we like tẹ ude iwu gede na ge urish elima. ⁵² U né unị usako génẹ gezuge kana, nba gé nba zwi guleke ko usamariya gi nba gini gyẹgyé agya. ⁵³ nde banị mẹ nbe le nneye tẹ a wulu la, gebo gédẹ ugede na gé urish elima. ⁵⁴ Kẹ batsagba yana, Uyakubu nu yohana ne pa tẹ tẹ, ba gẹdẹ Alimashihu nya giyi ganu gi ya gé giwa gédẹ wo si ni nki gi wa du ba la? ⁵⁵ Nde ugede ba nabo ⁵⁶ nba gé guleke udika. ⁵⁷ Kẹ ba gé nu utoezi tẹ uni dé ga gédẹ neme ugé na ba. ⁵⁸ Uyesu ga gédẹ mgbege nyo ugye, u gunaki ni nki nyo liyẹ, nde ubi wo unị a nya nnilutu ga dẹ la. ⁵⁹ Ngene ugé unidika gede ba mi." unawo gede nbeli gi na ga puũ Ada ana tse." ⁶⁰ Nde ugédẹ nabo gitsi gi gitsi guye epu iwu yana. Nde nye gene likpa ne nya gelika ko umulki wo Usigapa. ⁶¹ Unị de gédẹ Usigapa ma beẹ, nde nbeli gima ge bani gam kami gédẹ ngaa ge ebe". ⁶² Uyesu gineă gede unime uwa bami ugina nyine igi watsi gede wa, wa umulki ami la.