¹ Ni igii ya ibe mẹ, Uyesu fune bani ubo kele tọva, uné ba iva iva géde ba gee ile ile, ime uwa ba gee té, ² Ugé ba géde, "Ibe yo uno gengye nde bani ibe ya unọ gamẹẹ ba yi gbaãla, gebo guye tẹ, gé Ada unikpukpu ya ibe yọ unọ, gi we né bani uno gamẹẹ a bene. ³ Nyine a gẹẹ, me né nẹ, igogolo ni ginyẹ ka banị ikikpa. A nyinẹ ageé vo ukapo ya iku la, ko ukapo ya tuzu ga gẹẹ la, ko adaba, nyinẹ aga li gongo atsu nu utuwezi la. ⁴ Gami gumẹ nnyiéa zw, nyine a tọpọ a géde ngbẹnẹ liyesi ayi nẹnẹnẹ. ⁵ Nɗe unị liyesi u ɗẹ ni gani guyẹ, liyesi kẹnẹ wa yi na'a nẹ, nde gọngọ a yi la, liyesi we kolegi nẹnẹnẹ. ⁶ Nyinẹ a dẹnɗẹ ni gami guyẹ, ibe mẹ'ẹ mba gi nẹ, nyinẹ a li, nyinẹ a wụ, gebo gédẹ, unị liyẹ gọ gédẹ, wa li ibe. Nyinẹ a ga'a swi gami-gami la. ⁷ Gbyi ile mẹ nnyinẹ'a zwi, nba gụ'e nẹ, nyine a li ibe ime nbaã gine te. ⁸ Banị mẹé nba yi gẹlẹ laté, nyinẹ a sẹẹ ba. ⁹ Nyinẹă gé ba gédẹ ga zẹẹ ni nki, ube bẹlẹ nẹnẹnẹ. ¹⁰ Nde ile mẹ nnyinẹă zwi, nba gu'e nẹ la, nyinẹ'a agẹẹ ituwezi yaba nyinẹ'a gédẹ. ¹¹ Nnyinẹ a gédẹ, gulịlị kẹ nnẹ yẹyi, Ikọ le nẹ gi gi wa vu usenda nu lutu kẹnẹ, nde nyine'a kpụ gédẹ, ga zẹẹ ka litsẹ kọ Usigapa yi bẹlẹ nẹnẹnẹ. ¹² Ngé gédẹ uzụ ya iwa yọ Usigapa, liyẹ kẹnẹ we pe wo usudum ¹³ Aliwade nyẹ, Ukorosinu, Aliwade nye, Ubeseda, ibe ya anyini mẹ'ẹ nginye kẹnẹ tẹ, a'a mẹẹ'a ni Utaya nu Usudum né, ba gima tuba a kiye-kiye be, ba dẹndẹ ni ntẹ ni ngye ya gunyi ne. ¹⁴ Nde uzu ye iwa gọ Usigapa nyinẹ'a pa liyẹ ape liye ko Utaya nju Usudum ne. ¹⁵ Nde nyẹ'ẹ Ukafanahum nyinẹ'a apa ɠẹdẹ a yaba nẹ ni nki? A'a a tse'e nẹ a zwi nẹ uhadis. ¹⁶ Unị mẹ'ẹ uwu'ẹnẹ, uwu mi, unị mẹ'ẹ uwa ugyẹ'ẹ nẹ, ugyẹemi, ndẹ unị me ugyẹ mi, ugyẹ unị mẹ'ẹ uné mi gitẹ tẹ." ¹⁷ Banị ubo kẹlẹ tova yẹ bebe ni nmọ'ana nẹ, "Nba'a gẹdẹ, Ada unịkpụkpụ, alizeni ba fuluba yi ni liye." ¹⁸ Kene uyesu gé ba gédẹ, "Npa usetan fu ni nki si tịzẹ kẹ gagbana. ¹⁹ Pa, ngị'ẹ nẹ ntsị, gi nyinẹ'a zutuzu ni gapa kọ awa ni tini nẹ, ni gbyi ntsi ya banị ibibi, nde gyengye ibibi a tu'ẹ nẹla. ²⁰ Nde, sigayil té, nyine'a a ga mẹẹ nmọ'ana kili gédé gumunu ubibi ufulu ba'ene la, nde nyinẹ a mẹẹ nmọ'ana gẹdẹ a ka liyẹ kẹnẹ yi ninki." ²¹ Ni utv yẹ, uyesu mẹẹ nmọ'ana ni iye yana, "Ugédẹ nfuluba'ẹ Ada nki ni ya tịzẹ nẹ, nya ni ibe mẹ wo banị giwa ga bi ni banị gakpụ, nnye'a ni tsini banị mẹ'e a tsene ba la té, kanko ya be byiki. I Ada gayité usi ba'e" ²² "Ibe gbyi Ada naba gimi, Ada kili ukpu ubyi, anya unị mẹ ukpụ ubyi té la, ubyi kili ukpụ Ada. unị mẹ'ẹ kili ubyi wụlụ gédẹ na'a tsini'a Ada té." ²³ Unyiné batsagba yana, u gé bagédé, "Banị anibalika, nba vu banị mẹ'ẹ, nba pa ube mẹ'ẹ, nnyinẹ a pa me té. ²⁴ N gé'ẹ nẹ gédẹ, anabi ni gédẹ b a pa ibe mẹ'ẹ nnyinẹ wu mẹ té, nde be wu' ya la." ²⁵ Unị iwa ga za ka ibe izizi ya Uyahuda, be gédẹ, na'a mọ'a pa, "Umali, ngyẹ'ẹ nma mẹ'ẹ gima wa ga zẹẹ kọ ugbogbo agẹẹ?" ²⁶ Uyesu gé'a gédẹ, "Nya na gé ibe izizi ya uyahuda nẹ, gunẹ gé?" ²⁷ Uwulu'a gédẹ, "Ye Ada Unịkpụkpụ ni gbyi iye yẹnyẹ nẹ, ni gbyi guwu kẹnyẹ nẹ, ni gbyi ntsi yẹnyẹ nẹ, ni iye yenyẹnẹ. ye univa yẹnyẹ nko ye iwụ yẹnyẹ." ²⁸ Uyesu gé'a gédẹ, "Nya gédẹ, nya gé gyé. Nya mẹẹ té nya na." ²⁹ Nde umali yẹ we ye gédẹ na'e fune iwụ yana, ugé Uyesu gédẹ, "Ngọ'u uvu univuva ami?" ³⁰ U wụhụ'a gédẹ, "Unide funu Uruselima a gẹẹ Uyelico. Uzwiibo ya bagamwatsi, nbe funa'a ngye, nba gu ibe me uvo té gbyi, nbe le'a ibe, nbe nabo'a kụ unị tsitsi té. ³¹ Ufilisiti dé gu utuweziyẹ upa utse ukpọkpọntu, ugẹẹ kana. ³² Ulevi dé gu utuwezi ye upa, utse ukpọkpọtu, ugẹẹ kana. ³³ Nde usamariya dé gu utuwezi yẹ upa, unị yẹ zi, ngunugba kana mọla. ³⁴ Ube nné mẹ'ẹ unị yẹ zi té, ukyẹ nné me a gwa'atu té, uwe le'a uzo, uwe fo'a bani, usu'a ba nu uzanki, ugẹẹ na'a asimiti ( nné gute), gi ana'a mẹẹ'a asimiti (gate). ³⁵ Gayapụkụ kan u be u gi unị ya asimiti yẹ usule iva, 'Ugédẹ wani'a zi ankeli na'ane, nde nya ba gini wọ iku dẹ pe té, nbe be ma'a gi'e.' ³⁶ Ni ginyẹ ka bambẹ ita yẹ, ngọ unị vuva yọ unị mẹ'ẹ uzwi ibo ya bagamwatsi té?" ³⁷ Umali yẹ gédé "Unị mẹ'ẹ upa gunuigba kọ unị té." ³⁸ Kẹ ba gẹẹ tuzu té, nba zwi gulekyé gudé, unyine dé umẹ'ẹ avala gédẹ, umata té, gu'a ni gami kana. ³⁹ Unya unịkọ umariyamu umẹ'e udẹndẹ ni gegu kọ uyesu, uwe wn ibe mẹ'ẹ uyesu a gé té. ⁴⁰ Nde umata, we wu'ana ya ibe ilili ga mẹẹ u be nu uyesus u gédẹ, "Ada unịkpụkpụ, nya pa kụ unịkọ ami nabo nsusu'a mi, nma mẹẹ gatimẹ kili la? uyesu gé'a gédẹ we be uwa ba dẹ me ibo." ⁴¹ Nde Ada unikpụkpụ ugé'a gédẹ, "Umata, Umata nya ku ilegbẹla bẹ iwụ, ⁴² Nde ube udé, uyeliye. Umariyamu su lika usesele, umẹ ngọngọ a gu'a aki'a la té."