¹ Ningi ya lika guye, Uyesu ni batsagba yana bona-iva ne, be gi guleke-guleke, nba me uwa 'azi udada ge wu wa lika ka ka nki. ² Benyinẹ me Uyesu fune Alizeni ni aba ida-dama ne te ba ba du. Ni gimye kaba anya Umariyamu nmagada ume Uyesu fune alizeni tova nu guwupa kana tẹ, ³ Uyuwana, unine ya unị gibe ka uhiridusi ga pa, si Usuzanatu ni benyine ni gadu ne. Ni abayi ya ba nba li ibe. ⁴ Gedu ka bani fu ni guleke-guleke, wa géda lika ni akizi ne. ⁵ Unide ge ibe kwo gezu ni ibe yana gézu ide kyẹ ibo ni tumwezi: nbanị taya nne, anaki gini téya li. ⁶ Ide kyẹ ibo ngupọ né mẹé ntizẹ ayi tị latẹ be kye ti la. ⁷ Ide kyẹ ibo ni ikũkũ nbe kyé za ni ikũkũ ne nbe kyé nu la. ⁸ Nde ide kyẹ ibo ni tize sensele nba mó bebyi ni gédu ne. "Uyesu géba te byé u geba gede uni gutakpu lika sele. ⁹ Batsagba yana bya géde akizi ye vu ngye te. ¹⁰ Ugédẹ ibe iwowo ya lika ka Usigapa nyine guzi kpuya nde banị kiki ma géba lika ni akizi ne gébo gédẹ, "gapa ba pa la, ba gini ewu nde' wa zu ba la. ¹¹ U géba akizi ye gédẹ, ibe kwo ye vu lika ka Usigapa, ¹² ime kye ibo ni tumuezi te, vu banime ewu lika kana nde usetan fune lika guye ke iye ya ba gi baka wulu mba wa gana la. ¹³ ime kye ibo ni gupọ te, be wu mba gu ni mmwana ne. ndi ba nya izụ la, ba wulu ni utu gẹlẹgẹlẹ nyị ufu kana kiba lutu. ¹⁴ Ibe kwo me ikye ibo ni Ikũkũ te vu bani me ba wu lika Usigapa, nba ba ndé gibe ka gase su ba iye nba mwaté nba mó bebyi me be like ni lika ka ne laté. ¹⁵ Ime kyé ibo ni tize sensele te, mba vu banị me ewu lika kana nba mwa gubo ba mó babyi bani liye gamo. ¹⁶ Anya unime wa kyé giwa nu pitila wa kula gugyw ugina sa nu gada ka godo nde wa ba ni gapa ka tebulu gi gwongo a pa neki ga ku kana. ¹⁷ Anya ubeme vu bóbó waka tsé gasela la te, si lika bibi wa tse gase. ¹⁸ Nyine zi gutakpu ewu, uni ibe mwa, a agya epété uni ibe kwéki, siga gédẹ unga gényi a gua a kẹ'. ¹⁹ Nmana ni bani kwo yana ne be woza na, ndé ba nu weza na la se bo ka gédu. ²⁰ Unide ga gédẹ nma nye ni bani kwo yenye ne le ni gase ayé a pa li. ²¹ Ndẹ Uyesu géba gẹdẹ nmami ni bakikwo yamine ivu bani me nbe wu lika ka Ada nba me gatime nane tẹ. ²² Uzude Uyesu zu gukpa ka uzo ni batsagba yana ne ugéba géne ukpana ye." Be su tuzu ge nukpana. ²³ Ndé ni ginyé ka tuzu u' Uyesu wa ze bala, afu nikpu-kpunki me, uzo zu le ni gukpa giye, liyé amo ba gala. ²⁴ Nbatsagba yana sa ni ,bala, "Ugomo! Ugomo! ya tsi! " Wu like n bala nge afu ,gédẹ utsi be afu gengye. ²⁵ Uyesu gêba gêdẹ ubangaskiya ene yin nono? nzẹzẹ mọ ba nba ǵ iwu yaba gėdẹ ngo te, ume uge afu gédẹ wa geengye u fulu ba dudu? ²⁶ Mba ge tize ka ugarasina, ume u tsu-tsu ni ugalili netẹ. ²⁷ Ku Uyesu a zu tize guyete, unide ni alizeni be batua. Ni tumwezi wa de utogọ la ugini a dee ni gami la ni gayite wade ni be kune. ²⁸ Uni alizeni ye pa Uyesu, wu go ligba ni ntsi ne, wu kulu ni gégu ka na ugédese ngye ma me'e, Uyesu, ubyi ya Ada nukpu-kpunki ugenge? Ma be ka gimi liyé lal " ²⁹ Gebo gede Uyesu fune alizeni kya gebo gede alizeni ye amwa ni utu-utu atsangba ime akya niya ba tsi afu ibibi ya alizeni ye ya gbina azune abi. ³⁰ Uyesu bya gédẹ avule gédẹ ngye? "U gede udubbai." u gete gebo gede alizeni zu leni guwupa kana mwa. ³¹ Alizeni ye ge Uyesu gede cuku ka ku yi zuni gunyé la. ³² Igụlụsụ me ba tsu-tsu neye té, alizeni ga Uyesu gédẹ na bo yi giya zu igụlụsụ me, Uyesu giba ganu. ³³ Alizeni fu ki niye ba zu guwupaa bka igụlụsụ, igụlụsụ gbasa ki niye nba tsi. ³⁴ Banị igụlụsụ ga kpa pa te, ba tsaki ga gebani ilė ubeme nba pa tẹ. ³⁵ Bani wu te, ba be gėde niba pa lika dadama, ba be nėmė Uyesu de tẹ, ba pa uni alizeni me dende ni gegu ka Uyesu ni gugyye ne, ugini kpu iwu yana, nzize mo ba. ³⁶ Ba pa te, nba ge banị kiki ubeme Uyesu me te, u fune alizeni kya. ³⁷ Bani tize ka Ugara sina. ri si guleke guleke ka ba, ba ge Uyesu gédẹ gi kiyi gebo ka gede nzize mọ ba. Uyesu zu gukpa ka uzo ni batsagba yana ne nbe gi. ³⁸ Unime Uyesu fune alizeni kya tẹ gédẹ ma be, nde u go gédẹ nyé. ³⁹ Kolegi ge gami nya ga gė bani yenye ibeme Usigapa me gye te. Ukolegi wa ge bani ibeme Usigapa me'a te. ⁴⁰ Ni ge kolegi ka Uyesu, bani me nnaba gébo gede ba pua. ⁴¹ Anya unide avula gede uyayirus uvu gezuge ka bani aduwa u kulu ni gégu ka Uyesu gédẹ tsuku tsuku be gami kami, ⁴² gébo gédẹ ubyi ami unyinani ni eye ibone-iva de ni ganu ka gitsi, na kili uvu ubyi ya mi, nde wa wa ni gake la gébo ka gédu. ⁴³ Anya unyime de ume wa tsaka anyi iye bona-iva te. U wu iku ni asimiti nde wawa gase la. ⁴⁴ U tsé ngi ya Uyesu u da ni gugye byé anyi yana si tsi ni utu de. ⁴⁵ Uyesu gédẹ, "ngo udami tẹ?" Géde gédẹ gongo a de be la, ubuturusu gédẹ Ada gami gédu gengye gébo giye. ⁴⁶ Nde Uyesu gédẹ "Unide dami be, gede ntsi de fu ni guwupa kami. ⁴⁷ Uniyine ye pa gédẹ ni na ewo iwuya na a nu gala ube kulu ni gégu kana ni gédu guye guye u ge ubeme utuma te, nna wa gase te. ⁴⁸ U ga gédẹ unyine agé ni iye dide ne, ubangaskiya nye ne tse. ⁴⁹ Ni lika gagé unide fu ni gami ka uganibo ka bani aduwa, u gédẹ ka ma umali me usulu la gédẹ ubyi nye guzi tsi be. ⁵⁰ Ge wuke ka Uyesu uge uyayarus gédẹ, "Ka mọ nzizẹ la; si eye, ubyi yange wawa gase" ⁵¹ Ku Uyesu be gami guye te, wa wulu gi gongo azi ni ba ne la, nde ubuturusu ni Uhayaya ne ni Uyakubu ne, ni nma ni Ade ya blbyi ye ne kili. ⁵² Ni gunyi gagi ugeba gédẹ nyine nabo gunyi gagyi Bala uze kili. ⁵³ Banị wute nba tsa tumọ, gébo gédẹ ubyi ye tsi kana be. ⁵⁴ U mọ ni gubo uga gédẹ, "Ubyi, like!" ⁵⁵ Kẹkẹ-kẹkẹ uluhu wana kwolegi be. U gaba géde nne agya ubede gi wa li. ⁵⁶ Lika dama Ada ni nma ana ne, nde u géba géde nyine aka ge gongo te la.