DCS-Mirror-krispy_ged_luk_text

Ubo ne ita

¹ Ngadu ka banị like nbẹ vọ uyesu gẹ̀dẹ gẹgu kọ ubilatus. ² nba toupọ atsami aba,a gẹ̀dẹ, uni me wa go banị ligọgọ ni tizẹ keyi gume gẹ̀dẹ aga,a gi ukaisa ugendu gala ugina gẹ̀dẹ nina vu ugọmọ Ada unikpukpu. ³ Ubilatus bwu uyesu ligẹ gẹ̀dẹ na gugusi vu ugomo wọ Iyahudawa go? Uyesu gina gẹ̀dẹ kana si gẹ tẹẹ ⁴ Ubilatus gẹ itinibo yọ ipilistoci nigedu ka'a banị yapu ne gẹ̀de, ma pa'a lika bibi sa gume unime me te la. ⁵ Ndẹ ba ga gẹ̀dẹ go banị lika, utopo nu ugalili be uyahuda. ⁶ Ubilatus wu tẹ, ubi ligẹ gi akpwu nime uyesu fute. Nba mẹ ukpu tẹ gẹ̀dẹ uyesu fu ni tizẹ kọ́ Hiludus, u gẹ̀dẹ a gana ni ugomo hiludus gẹbo gẹ̀dẹ u galili yini tize kọ uliselima. ⁸ Utume agẹnẹ uyesu ni ilidus tẹ,uwa me i mọa na gẹbo gẹ̀dẹ u gima yẹ uyesu apa ekiye kiye, usi gima yẹ a wu lika kana, weye gẹ̀dẹ ina pa ibẹ idadama me uyesu aname tẹ. ⁹ Hilidus ubi uyesu aka ni gẹdunẹ nde wa bala la. ¹⁰ Batinibo yọ ipilist ni yẹ banị ibẹ ga ka'a nẹ, basi gengẹ́ nba sa awa ni tutu ne. ¹¹ Hilidus ni isoza yana nẹ, sa tsye uyesu tutu nba gina Ada uwulu. Inẹ, nba da,a nge ̣̀ipipa nbe kole ge'a gẹne nu ubiladus. ¹² Ine uhilidus nu ubilatus ne nba vu belọlọ nu uzu yẹ gẹbo gẹ̀dẹ ba gina agọ́ ni idika nẹ la. ¹³ Ubilatus vala batinibo yoifilistoci, si bagomọ si banị lẹẹ ¹⁴ Ugẹ ba gẹ̀dẹ nyinẹ bẹnẹ unime uye zami nyinẹ gẹ̀dẹ weye a bẹnẹ lukọ́ ni lẹẹ, ndẹ nimi nbya ni yapu yinẹ, ma mua ni lika ubibi sa ne me nyinẹ gẹ̀dẹ wa me te la. ¹⁵ Nyinẹ eyani gẹne? hiludus da u gẹ̀dẹ aginẹ ebena uwezami gẹ̀dẹ wa me gẹgẹ ubibi sa me uya gẹ̀dẹ awu,a te la. ¹⁶ Gẹbo guyẹ tė, ma gya ufọlọ gi nma naboa. ¹⁷ Uvu utaki wọ uhahudawa gė̀dẹ utu wọ idi, ubilatus wa gyi unidẹ gaya awa.. ¹⁸ Ndẹ byiba be su ligba nba gẹde awu nime, gya anabo ubalabbas. ¹⁹ U balabbas uvu uni me Ada,a nu uglusuna gẹ̀dẹ wa me ukana nibanị ne ugini wu unidẹ. ²⁰ Ubilatus ginị ge,a lika ni banị ne, weye gẹ̀dẹ a nabo uyesu. ²¹ Ndẹ be su ligba gẹ̀dẹ a wa, a wa. ²² Ugini geba kele tita gẹ̀dẹ unime u mẹnị́ ge ubibi? Ma pa ubeme ume nyine gẹ̀dẹ a wa tẹ la. Gẹbo guyẹ tẹ, ma gya ufọlọ gi ima nabo'a a gẹnẹ. ²³ Nde be su ligba ni ntsine, gede a wa. Gage kaba te ugigi ubeme nba ge te. ²⁴ Ubilatutus me ubeme nba ge te. ²⁵ Unabo unime nba gede wa nabo te, nna me adua,a nu gulusuna gebo gede ume ukana, ugini wuanide ugiba uyesu gede ba me ubeme usibe iye te. ²⁶ Nba bana mo uyesu agene, nba pa unide, nu utuwezi nba vala gede wo su ukyegapa, gi uwa ba uyesu ni igii ²⁷ Bani ni gedune belolo si benyine me nba mogunugba ko uyesu te, nba ba,a nigi, ni guyi ne. ²⁸ Uyesu yine ngii upa ba, u gede, Benyine yo uliselima, yina ga gi guyi gabo kami la, nde gye ne a gi guyi gebo ke iwuyene si be bi yene. ²⁹ Nyine a kpwu gede utu abeli, nme nba gede, albalika vu bani me nba mo bebi pabe la te, si bani me nba ya liye pa be la te. ³⁰ Ba gede ikwu ye si ekulu niba si agu asii ekulu niba. ³¹ Nde nba,a me aka me, nu utu me uki uvu ususu te, nge uwo tuba, utu me uki bani? wu ukekele. ³² Bani de banba va, baga mu tsi, agene ba nu uyesu ne gi aga wuba za,a nu uyesu ne. ³³ N baba nu neme awu bani te neye nba wu uyesu ni ba timotsi iva ne ude ni gyibo galili kani, ude ni gibo gepele kana. ³⁴ Uyesu gede Ada ni mu ba, gede ba kwu ubeme nba me te la. Ine nbe dulu gulu guge ko uyesu gede ngo uwa wana la. ³⁵ Bani gege apa, nba gomo Ada uwulu gede wana se bni, nge uwa se iwu yana n gede uvu ubi wusigapa. ³⁶ Si isoza be tsaya timo, nbe owoza na, nba tana uzo umomo. ³⁷ Nba gede navu ugomo yo iyahudawa, see iwuyenye. ³⁸ A gini kii ebede ngapa ke lutu kana gede unime uvu ugomo wo bagamo. ³⁹ Ni giyẹ ka ba gamatsi iva ye, ụdẹ age uyesu aka etsụkụ, gẹ̀dẹ n gẹdẹ n gẹ̀dẹ na vu ubị usigapa? sẹẹ iwu yenye si nii. ⁴⁰ Ndẹ unị ụvụ va ye, uma ikana gẹ̀dẹ na mọ nzizye yọ usigapa la? gubọ aye awuyi za si nna ta? ⁴¹ ubeme ameyi mete usi vu gẹbọ ka aka ibibi yeyi ndẹ nna, wame gẹ̀dẹ ubibisa la wu ukekele. ⁴² U gede, uyesu temi ni litse keye ni nki. ⁴³ Uyesu ga gede, kin isima geme te, nyeme na de nine ni litse kan nki. ⁴⁴ Nu uzu ne, gbogbo uzuda, nneki vu gubyi. ⁴⁵ Uzu bani kyi, ulabule wo guza ka aduwa, seva, ni gaga ki si gada. ⁴⁶ Uyesu gi gụyi gbọ u gẹ̀dẹ ''Ada '' ndẹ guwụ kami ni gụbọ keye usi gẹ te usene gụwu. ⁴⁷ Unide unikpukpu ki upa ubeme ngitsi kọ uyesu me te uvini gi usigapa, ugede gugusi unime uvụ unị lika sẹle. ⁴⁸ Banị̣ me nbẹlẹ nyinẹ byi, nba pa gitsi kọ uyesu te baba gẹ gami ngọgọ alu gegu. ⁴⁹ Ndẹ banị me nba kpa te si benyinẹ me nbẹ fu nu ugalilinba ba ni likpa ne te pe gege gbyi. ⁵⁰ Unị de a vala gẹd̵ẹ ujọsefi, udẹ ni litsagba ke iile, uvu uni lika esẹnsele gamẹ. ⁵¹ Unime wa wulu ni ebemẹ ame uyesu te la uvu banị ile yọ Alimatiya ni t̵ize kọ Uhahuda, ume iye yana zii ni gẹ̀be kọ Uyesu te. ⁵² Unị me uge nu ubilatus gẹ̀dẹ a gina gitsi kọ uyesu. ⁵³ Usu guwupa kana uda niguge sensele, ugana de ni bekune upipa, gume apu gungọ pa bela te. ⁵⁴ Uzu ganẹ wọ uzu yọ usati, ngọngọ ade iwu. ⁵⁵ Bennyinẹ me nbebe nu uyesu nbe fu nu ugalili, babe idika ge ni bekune gi nba pa epute. ⁵⁶ Nbe kọlegi nba ni banị sensele sii zi nba deze niuzu sati ne ki ebe izizi keteo.