¹ Utu a ga pya ko getse za ko idin ya gulasa bene be pele pele. ² Nbani inikpu kpu yo iflisiti ni yo bani ibe gaka ne, nbeye utuwezi mee nba wuo Uyesu te, nde ba mo nzize ye bani iyapu. ³ Ine usaidan zwi iye yo uyahuza iskaliyoti, ude ni batsagba, bone va ye. ⁴ Uyahuza ge ni bani inikpukpu yo ifilisitoci ni isoza ne, nbe kya ganu gi nba zune Uyesu te. ⁵ Nba me imona, nba wulu gede niba a gya iku. ⁶ Uyahuza wulu, ine u weye utume ina zwuna agiba, gi bani aga kpte la. ⁷ Uzu ativa kege tse zana ko idin yo gulasa bani nu aye ugogolo me awu nu utuye te. ⁸ Uyesu nee ubitrusu nu uya haya ne u gaba gede nyina a gee gi nyina a gana me ibelili me iyali ni tiva ke ge tse zana idin te. ⁹ Nde bwu Uyesu gede ni nono eye ge,a sine ibe? ¹⁰ Uyesu ge ba gede nyine zi guta kpu a wu, ina ga zii gyiye ke ile nyina apa unide nu uzo ne ni lutu, unawa we bee etune. ¹¹ Nyine age uni gami guye gede, umari gede nnono eye sine be giya libe yo tiva ko idin yo Ugulasa ni batsagba yami ne? ¹² Wa tseni ne guza sensele gume uvu ugigini te. Nyine a sinebe mo. Ine nba gee, nba si gapa ku Uyesu si gebate, nyine nbe me ibe ilili. ¹⁴ V 14 Utu bani nu, uyesu dende ni batsagba yana ne. ¹⁵ Ugeba gede, ma me imuna gede ma,a libe ye tiva idin me nene ne tse gima ba pa liye. ¹⁶ Nyine gede ma libe ye idi mee nene ne tse gi litse ka,a nki ebe ga la. ¹⁷ Nyine Uyesu su uzo umomo, ume ugodiya, u gede ngone, nyina a za,a agi edika. ¹⁸ Ma gene gede me wu uzo umomo me nene ne ga la, sai litse ka nki ubebe. ¹⁹ Uyesu gini su ubulodi, ume ugo diya umya,a ugi ba u gede, ubulodi me, uvu guwupa kami ume agi gebo kene te, nyine asana me tee gi ma tee mi ²⁰ Ugini su uzo umomo ni gii yo ubulodi u gede uzo umomo me uvu useda kabeyi kami, gume a see fine gebo kene te. ²¹ Nyine ezi guta kpu ewu. Unide ni giye kene me iya libe za nana te, wa,a zunemi. ²² Ubi usigapa sa,a ge ke lika ko usigapa si gete, nde aliwade wo nime ugi iwu yana gede ina azune me te. ²³ Nbe sii idi ka yapu, nbe byi idika gede uvu ngo nyine keyi uwoye ame lika gume. ²⁴ Nyine ntipi likee ni giye ka ba ni lutu ko unime uwa vu ge zuge ni giye ka ba te. ²⁵ Uyesu ge ba gede bagomo ye gase ba gi bani liye, bani me nba ya litse nukpu kpu te, ene isuba evo ni nki. ²⁶ Nde ugayi te ni giye kene la ganguye te unime uye avu uni nikpu kpu ngiye kene wo ni lutu kana esene tize kan ko ubyi kiki unime uvu ge zuge ngiye kene wa vine agyi bani. ²⁷ Ngo uvu uni nikpu kpu? uvu unime uwa zebe agi bani te. Wa avu unime azebe, aga,a te la. Nsi yite nigiye kene, ma vini ma gene. ²⁸ Nyine si de nimine ni liye kami. ²⁹ Age ne gaze, ni nki kan kome ademi si gime gaze ni nki te. ³⁰ Gebo gede nyine ali, nyine iwu nimine ni litse kan nki nyine adede ni lise ken nki, nyina aza,a gukye boneva ko bani silaila iwa. ³¹ Usima, Usima, mu iwu yeye ibo usaidan weye gede ne pili, weye gede ina amune ka alkama te. ³² Nde ma me,a aduwa gebo geye, gawulu keye a ga me nse la. nde na ga geye, na ge batsagba, ikiki gede be genge zii. ³³ Ubitrusu ge uyesu gede, Adauni kpu kpu, ma nabo gabe,a la, ma be a gee ugulusuna ngine me tsi nene. ³⁴ Uyesu nyina ugede ubitrusu me ye age,a gede, tse gi ukokoloki aba gi gulye name sami tsigede na kpuma la kelye ita. ³⁵ Ine, Uyesu ge batsagba yana gede utme nne ne kite te, ngene gede nyine age vo ukapo iku la, nyine ege vo ibilili la, nyine ege vo adaba la, meye mebyine ubede me ne nu utuye? nbe gina gede genge amyi la. ³⁶ Ine Uyesu ge ba gede nde keke me, unime u ya ukapo, wo su vo, unime uya ebe ilili unime uwa ya gasangali la, wa zune ugbodo ana gi wa sii. ³⁷ Nsi ma gene gede ubeme aka,a ni lutu kami te wayi, bani ayine mi kan ko uni ibibi ubeme agye nilitu kami te uguzi yite be. ³⁸ N batsagba ge uyesu gede Ada ni kpukpu, paa iya gasangeli iva. U gaba gede, ivaye tsyi. ³⁹ N babani ibe li, Uyesu go lugu ko uzaitu, kan kome usana me zan zan te, nbatsagba yina ba,a. ⁴⁰ Nba ga,a nu ugebe gede nyine ame aduwa gi nyine age pili la. ⁴¹ Uyesu tsu kiba yii ukuluso ume aduwa. ⁴² Uwa gede Ada nde na wulu, su liye gume kimi, wavu gaba kami la, nde ubeme uvu gaba keye te. ⁴³ Ine umaleka, fu ni nki be uwozena, giwa gya ntsi. ⁴⁴ Ni gababa ke iye ume aduwa ni ntsine, gbogbo nyi yana yi gayi ka beyi ele ntize. ⁴⁵ Ube kolegi be na aduwa, u ge ni batsagba ana uge tuba nbe zebala gebo gede yaba ni zo. ⁴⁶ Ubi gede, ngeyi nyine ezebala? nyine elike, ama aduwa, nyine ege pili la. ⁴⁷ Usiyi ni lika gage,a nbani ni gedune nba be uwozana si uyahuda litsagba kana gude, ni iboneva ye une ba ge zuge. uyahuda be pele nu uyesu ne uwa wu ganu ko uyesu. ⁴⁸ Nde Uyesu ga,a gede ujuda na nimi ubi usigapa zune niganu gewune? ⁴⁹ Nbani me nbe le nu Uyesu ne te nba pa ubeme a me uyesu te, nba gede Ada ni kpukpu, ya saba lutu ni gasangeli ne? ⁵⁰ Nyine unide fune gasangeli utsi upili unikpukpu de gutakpu. ⁵¹ Uyesu gede nyine anabo game te uyesu da,a gutakpu kana, ngu kpu kana siyi kana kuyi te. ⁵² Uyesu ge,a ituzuge yo ipilist ni yo isojane si ba tinibo yele me nbe be gede niba amo te gede nyine be uwo zami kama nvu ugamuatsi ni ibe yo giwa ne si iki? ⁵³ Utume nde nenene uzu utune nu aduwa te nyina abimi gamo la. Nde utume uvu wo nee nyine bani gubi. ⁵⁴ Nba mu nbe va gene gami ko uplist uni kpukpu. Nde ubulusu wa ba,a uyesu ni likpa ne. ⁵⁵ Nbani giwa gu ni gaki gaki ka gami gume nbele te, ubitrusu dende ni gaki gaki kaba. ⁵⁶ Ubi u nyine gufe gude pa Ubitlusu ku dede awa giwa te, uwa nyina zwi zwi ugede unime ude ni giye ka bani me nba zutuzu nu uyesu ne. 57 Nde Ubitlusu ni tetee uwa gede unyine me, ma kpa,a la. ⁵⁸ Ni ngiyana, unide ni giye ka ba nde ubitlusu ni tetee ugede unime wa vu nimi la. ⁵⁹ Ni giye ka awa de, anide kpakpaki gede ugasikiya usiyi te, unime ude nu uyesu ne gbogbo gede uvu bani ugalili. ⁶⁰ Nde ubitulusu gede unime ma kpu,a ubeme nnagemete la usi bayi ni ga ge te,a bye, ukokoloki, gi gu le. ⁶¹ Use gi yapo, uyesu nyine Ubitulusu ine ubitulusu te, lika gume uyesu gate, gede tsye gii ukokoloki aba gi gule nyeme, gede na kpyi mi la, kele ita. ⁶² Ubitulusu fu gase uwa gi guyi gbo. ⁶³ Nde bani me nba mo uyesu te, ba ga,a aka itsuku nbe lu,a gagi. ⁶⁴ Nbe be kula yapu, nbe bya gede gayi unime ulye te? ⁶⁵ Ba ga,a lika bibi sa ni gedune ni lutu ko uyesu mee uwa yi telate. ⁶⁶ Iyapu bani kwu, n batsagba, si iphilistoci sibani ebe gaka ba go nedede nedede. Ine nba gana uda. ⁶⁷ Nba gede, gayi ugasikiya, na si va almasihu go nde ugaba gede ko gi nma gene nyine a wulu la, ⁶⁸ Ngini bebe yine ya ubeme nyine egemite la. ⁶⁹ Ndẹ dẹgẹ nyinẹ, ubi uniyapu wa dẹ ni gubọ gọ lili kọ usigapa Ada uni ntsi. ⁷⁰ Nbaga gẹ̀dẹ gi nyẹ inavu ubi wọ usigapa ta,a? nde Uyesu geba gẹ̀dẹ nyinẹ ni iwuyẹnenẹ si gete. ⁷¹ Nba gẹ̀dẹ nge nyinẹ gi ewu? Ina ni ganu kana ne gbagba ge te ni ganu kana ne.