¹ Uyesu a yine ke nbani iku a me ga munu ni guza ka aduwa te. ² Upa unibu ku wa agya ga munu kana te. ³ U gede ugasikiya ma gane gede unibu ukpukpu luku me ugyi iku pee gongwo gbyi. ⁴ Gbyi bani me ba gi gamunu ka bani gyiye ke iku me nba ya te, nde unibu me u gi gamunu kana byi si uku ye ibe ilili yana. ⁵ Bani de me nba ge lika ni lutu ko guza ka adua,a kama azaye sensele ni ikune te, Uyesu gede. ⁶ A zame nyina apa ya sesele me utu de abeli a gba,a azame gbi anabo guza gu dede a sese la. ⁷ Nbe bu Uyesu gede umali atekino ubeme nna gayi me te ayi? Ya me guneme giya kpu uzu ye,e? ⁸ Uyesu bala ba gede nyina a mou iwu yene ibo gi aga zene la. Bbni ni ge dune bebe ni liye kami ba gene gede nime nvu uyesu, nyine a kpu te gede uzu ye uyi pele be nyina a ga,a baba la. ⁹ Nyine bene wu luko game nyine aga mu nzize la gede uvu lika gume uwe tune te, nde nyine a kpu gede gayi te uvu ge be ka,a gse la. ¹⁰ U gini gaba gede bani tize gude ni tize gude ne be ye idika la, bagomo ni ba bagomo ne beye idika la. ¹¹ Tize amee nse ni ilele ni gedune lime a gu bani saa, abanbala. Ibe meeye be ni nki te, bani a mon nzizee. ¹² Nde tsee gi lika gume atoyene a pene nyapu ne la liye a toye ne. A bene a gee guza ka aduaa, agene ne, uguluna, a mo ne a gene ni baa gomo ni tize ne a gebo ka liye kami. ¹³ Nyine a wa utuye, gi nyine nyina agee ba lika kami. ¹⁴ Nu utu ye, iye iye yine age zo gebo ko ubeme nyina a gee te la. ¹⁵ Matsine ne ubeme nyine ate bani ibibi ba mo ne ni lika gase la. ¹⁶ V 16 Bani me nba mo,e te be su ne agi bani ko nibe lolo ne su idika agi nba gina awi idika . ¹⁷ A gye ne gebo ka liye kami. ¹⁸ Nde genge ame tiyi ka lutu kene la. ¹⁹ Bani ni ge dune ba wa ga,a se gebo ka ya pu tsi ye ne. ²⁰ V 20 Nyine bana pa,a nbani luko nu uliselima nyine a pwu gede utu a ga,a ba,a sa tsu tsu be. ²¹ Nyine bani me nyine le nu uyahuda te, nyine a tsa,a tsi ego lu gwu banime nbele ni giye ka gami te be fu bani me nbe le ni ngi ye ile te, be ke be giye ke ile la. ²² Izuye vu izu aga gbwu ubeme nlika ko sigapa ge te. ²³ Aliwade a banime nbe vo liye ni bebi ga zene nu utuye te, gebo gede utuye w vu utu wa liye ni ukukunki ni gase ni ipisi ne ni lutu ka bani ya pu. ²⁴ Bani a tsi ni lukwo a gina aku bani agene tize dika bani me nba vu bani uliselima la te, ba tee uliselima ine gbogbo agee utu yagebye ²⁵ Bani a pa ala,a ma nuuzu, nu upya, si eze nyin ki ni gase gume bani apa liye ye ya bani agii gebo ko uzo ge zuluna afyne. ²⁶ Bani ni gedune baa kya a gee gebo ke ibe im mo izize mee nbani apa ni gase gume te. Gebo gede nki amee nse. ²⁷ Utu ye nyene nbani apa gebe ko ubi wo uni yapu na abebele ni ntsi ne, si uyaba unikpukpu. ²⁸ Nde nyine banaa pa,a ibeme nyayi, nyine ani yapu esii gede unime uwa see bani te, uyi ni utuzi. ²⁹ Uyesu gee umisali gede nyine apaa iwowo ye iki. ³⁰ Nde baba na ame iwowo nyine ni iwuyene ne akpu te gede ibe gezu be pele pele le. ³¹ Usi ye te, nyine bana pee ibe iye tune nyina akpu te gede litse ko Usigapa tsutsu be. ³² Kukwasi, magene gede utuye wa kye la sai ibeme ngene me te ibeyi tsee ³³ Nki ni tizene baa kye nde lika ko Usigapa ayi gbogbo agee. ³⁴ Nde nyine a mo iwuo yine ibo, nyine ge zi iye ni beze ge wu ne la si ibeme iye tone ni gase gume. Uzu ye wa be nu utume ngogo apula te, kanko getsi umomo bani. ³⁵ Uzuye wo be ni lutu ko gwogo me uwa duguwu ni gase gume te. ³⁶ Nde nyine adende ni gokpune zam nyine avu bani aduwa game gi nyine a ya ntsi age genge niebeme iye tune te ginyine agina wa ntsi me Uyesu ibe te. ³⁷ Nu uzu ne wa, tsine ibe nu guza ka aduwa, nu utune wana gee lugu gume ava gede uzatun. ³⁸ Nu ututu ne bani ebe awo zana nbe wu ubeme uwa tsini.