¹ Nu utu dẹ uyesu a tsinị nu aduwa n batuzu gẹẹ ya Ifalisiya se banị gaka nba be u wezana se tizu gẹẹ. ² Nba ge lika gẹ̀dẹ, gayi, ne ntsi me n na mẹme te? kọ n go u gyẹ ntsi me?. ³ U ge li ka ne ba ne, n nami dụ me byẹ̣nẹ gami du? ⁴ Ubatisima ya ujọhn funi ki gọ, ufụ ni banị. ⁵ N ba,a me, ne iwụ yaba ne iwuwu yba ne, nba gẹ̀dẹ, i gẹ̀dẹ, ufụ nu nki wa gẹ̀dẹ iya wụlụ la. ⁶ Kọ í gė̀dẹ, ufu nu banị, banị gbi a tse ikụ a teyi, gẹ̀dẹ, í ba,a. ⁷ Tse nba gẹ̀dẹ niba akpu n nime ufu te la. ⁸ Uyesu gẹ̀ ba gẹ̀dẹ, nami du ma,a ge ne, kọ na ntsi nọ n ma me te la. ⁹ U ge banị akizi, uni dẹ u nya unọ wọ inabị u gi uni unọ de game gapa u ge tize gọdẹ ude bya. ¹⁰ Nu utu ye u ne ubyi ya gatime kana gẹnẹ nu uni unọye gẹ̀dẹ wa nya ibe yọ unọ ye dẹ. Nde uni unọ me lu,a u gu,a ba gyẹngyẹ. ¹¹ U gyinẹ ne ubya,a ne dẹ wa nba lụ,a n ba nya liyẹ, a fu,a a gu,a ba gyan gya. ¹² U gyinẹ ne uni ya utita nba gu,a tu nba tsu,a fune ga sẹ. ¹³ N nẹ Uyesu, uni unọ gẹ̀dẹ ma,a me gune mẹẹ? Bali n ma ne ubyi wọ iwu yami, diya te ba fụlụ ba,a. ¹⁴ Ku uni unọ gapa me pa te, nba me ne iwu yaba ne gẹ̀dẹ ubya na te, ya wa gi ikube me ya ki yayi ¹⁵ N ba tsu,a kyi unọ ye nba wa. N nyinẹ usigapa uni unọ wa mi ¹⁶ Wa be gi uwa zọ ibe yọ unọ me, gyi uwa ye uni diya a de mọ. Kin ba wu te te, nba gẹ̀dẹ tsili. ¹⁷ N nẹ Uyesu gyinẹ ba u gẹ̀dẹ, n gya i vu ime ni i me, ivu ikaka me te, iku me n banị aza game gye tẹ, iba vu isami? ¹⁸ Uni me umọpili ni iku wa tsi iva wiliwili, ndẹ uni me de umọpili wa pọlu iwụ. ¹⁹ Ku,a, ba banị gaka se tsa gabọ, kọ se batigumọ nba,a ye gẹ̀dẹ ba ba,a gọbọ, nu utu ye tẹ, nba kpa gẹ̀dẹ akizi mẹ wa gẹ̀ nu lụtụ ka,a niba. Nba,a mọ nzeze ya banị. ²⁰ A gyi ne atsami, nba uni dẹ me a pa,a gẹdẹ uvu uni tsa tẹ, gabọ gẹ̀dẹ a mọ,a ne aka tsetse zwi ne nu lika gume uwa gẹ̀dẹ gi a tsu,a a gi, gya gya liye nu banị litse ka,a ntsi ya ugọneti. ²¹ Nba,a bya gẹ̀dẹ umali, ikpu gẹ̀dẹ na gé, nna ginẹ a tsini tii, gi wa da gọngọ nu n ni gadẹ kana la, ndẹ na tsini ugasikiya nu utuwezi wọ usigapa. ²² U ye liye gẹ̀dẹ ya gyi ugọneti ugadu? ²³ Ndẹ Uyesu kpu yapọli yaba ugaba gẹ̀dẹ. ²⁴ Tsini mi ikụ ye, u wọtọ wan gọ, se liyé, u ban mọ? Nba gẹ̀de wọ gọneti. ²⁵ U gaba gẹ̀dẹ, ba gyi u gọnetí u beme uvu wa ba te, Usigapa u beme uvu wa na te. ²⁶ Banị gaka, se tuzu gẹẹ ya ifalisiya, ba wa u bede nu u beme,e u ge te, nu gazu gee ka,a bani te la. Nde n ba,a me, u be me u gete nba yi kpo. ²⁷ Ku banị me a wụlụ nu ga likye kọ uzu wa ga bye la te nẹ. ²⁸ Nba bye nba gẹ̀dẹ umali, Umusa ka vuyi gẹ̀dẹ uni me unikọ ana na tsi u gya unyinẹ na babyi ne, uni,a wa a ye unyinẹ ye gi uwa le na babyi ya uni kọ ana. ²⁹ Banị kọ yi tọva, uni kọ ya gbọgbọ vu unyinẹ, u tsi ba babyi. ³⁰ Kọ se uni uvuva seyi tẹ. ³¹ Uni ya utita vu kin banị kiki tọva se me du te, u tsi ba ubyi. ³² Nu ga bya u nyinẹ ye tsi du. ³³ Nu ga likye ka,a bekụne te n gu,a unyinẹ me a vu? nba ni tọva vu,a me tẹ. ³⁴ Uyesu gaba gẹ̀dẹ babyi ya gase gụme vọ gam a ginẹ a gi ni gami gavọ. ³⁵ Ndẹ banị me avu ikpukpu luku kọ banị tsa ni iye, gi nba gu ga likyẹ ka,a beku ne gọngọ a vula kọ a me gam vọ la. ³⁶ Niba ba,a tsi la kọ ga nyi gẹ̀dẹ ba,a ye za nẹ imaleka ne, nba vu babyi yọ usigapa mẹẹ n ba,a likye tẹ.̇ ³⁷ Ndẹ banị tsitsi a likye, umusa ma tsi ni tẹ, ni na de nabi me uwa vala, usigapa Ada ya Ibiliyi, se ya uisaak se Ada ya ujakọ. ³⁸ Kyekyẹ me wa vu Ada wọ gi tsi la, ndẹ u vu yọ uliye, gẹdẹ gbi le nanẹ. ³⁹ I dẹ, ya banị gaka gẹ̀dẹ, umali na gọzi wụlụ ti. ⁴⁰ Ndẹ ba,a bye aka de ga la ⁴¹ Uyesu gaba gẹ̀dẹ, n gyẹ n nyi nyinẹ gẹ̀dẹ usigapa vụ ubyi wọ udauda. ⁴² Udauda ni iwu ya na nẹ, gẹẹ nu ulitafi wọ usam, Ada ge Ada mi, dandẹ ni gubọ ga,a lili kam. ⁴³ Ma me banị bibi ya nyẹ nba vu ginẹ da kye nyẹ. ⁴⁴ Umusa wa vala Uyesu gẹ̀dẹ Ada n na ne pa ubyi a na? ⁴⁵ Ni ga wọ ka banị gbi u gẹ̀ batsagba ya na gẹ̀dẹ. ⁴⁶ N nyinẹ a kyẹ iyapọ a pa banị ibe gaka me nba ye gẹ̀dẹ ni ba,a dẹ ngyẹ nikpu kpu, n ba,a gini a ye atsụ nikpu kpu ni gi gyẹ gali, ugọmọ dade nu aduwa ne gọmọ ne nu uweze ni tuva. ⁴⁷ Ba,a gini atsi beyẹnẹ me a nyẹ balọlọ la te, gam vọ, nba ginẹ a gi kankọ yọ aduwa game i me ni me ba,a li mọa.